Aba Levi 20:6 - IBAYIBOLO 2024

⁶ “ ‘Nanti umuntu akubuzikizya abantu babo bakunenezannya ni mizimu iya bantu abafwe, ane nkwiza pakumusulannya umuntu yula, nukumwepusyapo pakasi pabantu bache.

Aba Levi 20:6 Iomraidhean Croise

Masalimo 73:27

Abantu bosi babo bali kubutali nawe bazimilaye. Pakuti ukubazimizya abantu bosi babo te basubiliwa kukwako.

Ukufuma 22:17

Loli nanti uwise akukana ukuti umwanavuli yula atakamusende umwana wache, umwanavuli yula abaghiye imale umulindu yula.

Ukufuma 22:18

“Umukolo wesi yuyo akubomba amayele, aghoghiwanje.

Yesaya 8:19

Loli abantu bakwiza pakukubuzya ukuti utulalusikizyeko ku bantu babo bakunena ni mizimu, sona na bamayele bosi. Babo bakuteketa nukulila ngati kayuni, nkimba abantu batabaghiye pakulalusya kwa Chala wabo? Nkimba choni chicho bakubalaluzikizizya abantu abafwe mubuzilo ubwa bantu abumi?

Yelemiya 44:11

Polelo, u Mwene Uwamaka Ghosi, u Chala uwa Izilayeli akuti, “Nadumula pakubanangannya aba Yuda bosi.

Ezekiyeli 6:9

Po inko zizyo mwasendiwako pakuba bazya babo bapona bakwiza pakunkumbuka, namumo najimbiye pakwiputa kwabo ukwabumyasi, vivyo vyabapela pakunsambukila sona amaso ghabo ghabapela pakuvinyonywa ivifwani. Po bakwiza pakuchibenga ichinyonywa chabo, pachifukwa icha vintu ivyamwiko vivyo bambomba.

Hoseya 4:12

Bakubuzikizya ku chifwani icha ikwi, sona bakulaghula ni indisa yikubamula. Umuzimu uwa bwamalaya wabasovya, umwakuti batakusubiliwa kwa Chala.

Aba Levi 17:10

Nanti umu Izilayeli yumo, manyi muyeni yuyo akwikala pakasi papabo akulya ibanda, u Mwene akwiza pakumusula nukumwepusyapo pakasi pabantu bache.

Aba Levi 19:26

“ ‘Mutakalyanje inyama yiyo yichili yili ni banda. “ ‘Mutakabombaye amayele pamo ubulozi.

Aba Levi 19:31

“ ‘Mutakababuzikizyanje abamayele, pamo abantu babo bakunenezannya ni mizimu iya bantu abafwe. Nanti mukubomba bunubu, mukwinyazya mwebene. Ane ne Mwene, u Chala winyu.

Aba Levi 20:27

“ ‘Nanti umwanavuli pamo umukolo akunenezannya ni mizimu iya bantu abafwe, aghoghiwanje na mabwe, pachifukwa ichakuti ipalaghulila mwene inongwa.’ ”

Aba Levi 20:5

ane ne mwenecho nkwiza pakumusulannya umuntu yula, poka na bamunyumba yache, sona nkwiza pakumwefyapo pakasi pabantu bache, yuyo poka na bantu bosi babo bakumukonka nukwinyazya bene pakumwiputa u Moleki.

Ukubelengiwa 15:39

Amabuzi amatalitali ghanagha ghakwiza pakuba chikumbusyo icha malamulo agha Mwene ukuti mughakonkaye, mubuzilo ubwa kukonka ivinyonywa ivya mabili ghinyu.

Imbombo 16:16

Isiku limo bo tukubuka kubuzilo ubwakwiputilako, tukakomana nu mulindu umuzya yuyo akaba nu muzimu umubibi ghugho ghukamupelagha ukuti anene ivya muntazi. Akamukabilagha umwene wache indalama inyinji nkani nu bulaghuzi bwache.