Aba Levi 20:5 - IBAYIBOLO 2024

⁵ ane ne mwenecho nkwiza pakumusulannya umuntu yula, poka na bamunyumba yache, sona nkwiza pakumwefyapo pakasi pabantu bache, yuyo poka na bantu bosi babo bakumukonka nukwinyazya bene pakumwiputa u Moleki.

Aba Levi 20:5 Iomraidhean Croise

2 Imbili 21:11

Ukonjelezyapo akazenga apakwiputilapo ivifwani mumaghamba agha mu Yuda nukubapela abantu aba mu Yelusalemu ukuti biputaye abachala abanji, po akabasovya abantu aba mu Yuda.

Masalimo 106:39

Bakinyazya bene pazizyo bakabomba, bakalowa pachifukwa icha mbombo zilazila.

Ukufuma 20:5

“Utakavifughamililaye pamo pakuvyiputa, pakuti ane ne Mwene u Chala winyu, ne muzuba. Nkubafunda abana aba nkulilo iyabutatu mupaka ni yafolo pachifukwa icha mbibi izya bawise.

Yelemiya 3:2

Ennya pamwanya pamaghamba. Nkimba buzilo boni bubo utabombeyepo ubwamalaya? Ukabalindilila abaghaniwa bako mulubazu muzila, ukikala mulubazu ulwa musebo ngati mu Alabu yuyo avwamiliye. Wachinyazya ichisu nu bwamalaya sona nu bubibi bwako.

Yelemiya 32:39

Nkwiza pakubapa u moyo ghoka nizila yoka umwakuti bakwiza pakunyilagha nukunchindika akabalilo kosi pachifukwa ichabwiza bwabo nu bwiza ubwa bana babo sona nababo bakwizila mwisinda mumwabo.

Yelemiya 44:11

Polelo, u Mwene Uwamaka Ghosi, u Chala uwa Izilayeli akuti, “Nadumula pakubanangannya aba Yuda bosi.

Hoseya 2:13

Nkwiza pakumufunda pachifukwa icha masiku agha ba Baala, ghagho akafukizya utwakununkila ku bachala bache aba Baala. Akipela mwene pakuba wakuboneka akiza, pakubombezya ugolide ni vyakwibonesekezya akiza, Akabakonka abaghaniwa bache, akanduvya ane ne Mwene.”

Hoseya 2:5

Unyina atakaba musubiliwa, sona akamela ulwandwa bo akubomba inkozyasoni. Akati, “Nkwiza pakubakonka abapamoyo bane, babo bakumpa ichakulya, na mizi. Bakumpa sona ameya, na menda amatonte, na mafuta agha misyunguti, sona nu vinyo.”

Aba Levi 17:10

Nanti umu Izilayeli yumo, manyi muyeni yuyo akwikala pakasi papabo akulya ibanda, u Mwene akwiza pakumusula nukumwepusyapo pakasi pabantu bache.

Aba Levi 17:7

Polelo aba Izilayeli batakabe basita kusubiliwa kwa Mwene pakubika ivyakwiyipa vyabo kumizimu imibibi yiyo yikuboneka ngati mbuzi. Ululaghilo lunulu lubanje ulwa bwila na bwila mupaka inkulilo zyosi izya muntazi.

Aba Levi 20:4

Nanti abantu aba muchisu bakubomba ngati po batakumwennya umuntu yula, bo akubabika abana bache kwa Moleki, sona nanti batakumughogha,

Aba Levi 20:6

“ ‘Nanti umuntu akubuzikizya abantu babo bakunenezannya ni mizimu iya bantu abafwe, ane nkwiza pakumusulannya umuntu yula, nukumwepusyapo pakasi pabantu bache.