Aba Levi 20:2 - IBAYIBOLO 2024

² “Ubabuzye aba Izilayeli uti, ‘Nanti umu Izilayeli yumo, pamo umuyeni yuyo akwikala pakasi papinyu, akumubika weka umwana uwa bana bache kwa chala u Moleki ukuti chibanje chakwiyipa, abantu bosi bamughoghe na mabwe.

Aba Levi 20:2 Iomraidhean Croise

1 Abamwene 11:7

U Solomoni akazenga ubuzilo ubwa kumwiputilapo u Kemoshi pighamba ilya kubufumilo bwizuba ubwa Yelusalemu, yuyo akaba we chala umukozya isoni uwa ba Mowabu, sona nu Moleki uchala umukozya isoni uwa ba Amoni.

2 Abamwene 17:17

Bakabocha pamoto abana babo abalumendo na balindu pakuba vyakwiyipa. Bakabuzikizya kumuzimu nukubomba amayele, sona bakiyula nkani pakubomba ivintu ivibibi pamaso pa Mwene, umwakuti bakamukalalizya nkani.

2 Abamwene 23:10

Akabunyazya ubuzilo ubwa Tofeti bubo bukaba mwi Kombe ilya Beni Hinomu, umwakuti patakabapo nayumoyumo yuyo akamubika umwana wache umulumendo pamo umulindu ukuti chibanje chakwiyipa kwa Moleki.

2 Imbili 28:3

Akabika ivyakwiyipa ivyakocha mwikombe ilya Beni Hinomu nukubocha abana bache abalumendo pamoto pakuba chakwiyipa, pachifukwa ichakuti akakonkagha inyiho imbibi izya inko izinji zizyo u Mwene akazichimbizya pamaso paba Izilayeli.

2 Imbili 33:6

Akabocha abana bache pakuba chakwiyipa mwi Kombe ilya Beni Hinomu. Akabombagha amayele, akalaghulagha nu bulozi nukubuzikizya kumizimu. Akamunangila u Mwene umwakuti akamukalalizya nkani.

Masalimo 106:38

Bakabaghogha abantu babo bate ninongwa, kokuti ibanda ilya bana babo abalumendo na balindu, Bakiyipa abana banaba pakuba chakwiyipa ku bachala aba mu Kenani, ichisu chila chikanyala ni banda lyabo.

Yelemiya 32:35

Bakamuzengela u Baala ubuzilo ubwapamwanya mwi Kombe ilya Beni Hinomu ukuti babikayepo abana babo abalumendo na balindu pakuba chakwiyipa kwa Moleki, napapo intakabalamulapo sona intakinong'onelapo ukuti bangabomba inyazu ngati zinizi nukubapela aba Yuda ukuti babombe imbibi.”

Yelemiya 7:31

Bazenga ichitembe chicho chikwitiziwa ukuti Tofeti mwi Kombe ilya Beni Hinomu, ukuti bochelayeko abana abalumendo na balindu pamoto pakuba chakwiyipa ku bachala abayeni, ichintu chicho intakabalamulapo sona chicho chite na munyinong'ono zyane.

Ezekiyeli 20:26

Nkabaleka ukuti babe banyazu ni vyabupi vyabo pakubika abana babo abakatote pakuba chakwiyipa ichakocha ukuti babe chintu ichakoghofya sona bamanye ukuti ane ne Mwene.’

Ezekiyeli 20:31

Nanti mukubika ivyabupi vyinyu, sona mukubika abana binyu pakuba vyakwiyipa ivya kocha mukwinyazya mwebene ni vifwani vyinyu mupaka nilelo bulo. Mwee ba Izilayeli, nkimba ningabitikizya bulibuli pakumbuzikizya? Naloli nkulapa ukuti mutakwiza pakundalusya ane, u Mwene Uwamaka Ghosi anena, ntakwiza pakubitikizya pakumbuzikizya.

Ezekiyeli 23:37

Pakuti babomba ubwamalaya sona bakupula ibanda. Babomba ubwamalaya ni vifwani vyabo, babika abana babo pakuba vyakwiyipa ivyakocha ku vifwani vyabo.

Ezekiyeli 23:39

Pisiku lilalila bakabika abana babo pakuba vyakwiyipa kuvifwani vyabo, bakinjila mubuzilo bwane ubuzelu nukubunyazya. Izi zyo zizyo bakabomba munyumba yane.

Aba Levi 17:13

Nanti umu Izilayeli yumo, pamo umuyeni yuyo akwikala pakasi papinyu, akubinga ichinyamana pamo ichiyuni chicho chingalyewa, akupulile ibanda pasi nukulifukila.

Aba Levi 17:15

Nanti umuntu yumo manyi mwenekaya, manyi muyeni nanti akulya ichinyamana ichifwe chene manyi chakulika, achape amenda ghache nukogha, loli akuba muntu munyazu mupaka pachamabwila. Pisinda pache akwiza pakuba muntu muswepu.

Aba Levi 17:8

Ubabuzye uti, “Nanti umu Izilayeli yumo, manyi muyeni yuyo akwikala pakasi papabo, akubika ichakwiyipa ichakocha pamo ichakwiyipa ichinji

Aba Levi 18:21

Utakamubikaye nayumoyumo umwana wako ukuti abanje chakwiyipa kwa chala u Moleki, pakuti pakubomba bunubu ukulisamula itabwa ilya Chala wako. Ane ne Mwene.

Aba Levi 20:1

U Mwene akamubuzya u Mozesi akati,

Aba Levi 20:27

“ ‘Nanti umwanavuli pamo umukolo akunenezannya ni mizimu iya bantu abafwe, aghoghiwanje na mabwe, pachifukwa ichakuti ipalaghulila mwene inongwa.’ ”

Aba Levi 24:14

“Mwefyemo muvisakasa umuntu uwamusamu yula. Abantu bosi babo bakivwa umusamu wache babike inyobe zyache pamutu uwa muntu yula pakusimikizya ukuti anangite, po ichilundilo chosi chimughoghe na mabwe.

Aba Levi 24:16

Umuntu yuyo akulisamula itabwa ilya Mwene, manyi mu Izilayeli, manyi muyeni yuyo akwikala muchisu icha Izilayeli, aghoghiwanje na mabwe ni chilundilo chosi.

Aba Levi 24:23

U Mozesi akababuzya zinizi aba Izilayeli, po bakamusendela umuntu uwamusamu yula kuzi ukwa visakasa nukumughogha na mabwe. Aba Izilayeli bakabomba vyosi vivyo u Mwene akamulamula u Mozesi.

Imbombo 7:43

Loli ilelo mwachinyamula ichisakasa icha chala u Moleki, sona nu lutondwa ulwa chala winyu u Lefani, vikaba vifwani vivyo mukamata ukuti muvyiputaye. Polelo nkwiza pakubatuma pakuba mwe bazya ukuchila ichisu icha Babiloni.’

Ukukumbusya Amalamulo 12:31

Mutakamwiputaye u Mwene u Chala winyu ukuyana namumo abantu banaba bakubiputila abachala babo, pakuti nanti bakubiputa abachala babo bakubomba ivintu ivyamwiko vivyo u Mwene avibengite mupaka nukubocha numoto abana babo abalumendo na balindu ukuti chibanje chakwiyipa ku bachala babo.

Ukukumbusya Amalamulo 17:2

Nanti umwanavuli pamo umukolo yumo aghiwa pakasi papinyu mutwaya tuto u Mwene u Chala winyu akubapa ukuti ananga pamaso pa Mwene u Chala pakulunangannya ulufingo,

Ukukumbusya Amalamulo 18:10

Patakabepo nayumoyumo umuntu pakasi papinyu uwakumocha pamoto umwana wache umulumendo pamo umulindu ukuti chibanje chakwiyipa. Patakabepo nayumoyumo umuntu uwakulaghula pamo uwamayele nu wakunena ni mizimu iya bafwe pamo umulozi

Ukukumbusya Amalamulo 21:21

Po abanavuli bosi aba mukaya mula bamughoghe na mabwe. Bunubu mukwiza pakwefya ububibi pakasi papinyu. Aba Izilayeli bosi bakwiza pakwivwa zinizi nukuba nubogha.

Ukukumbusya Amalamulo 22:21

po bamusendele umulindu yula pamulyango uwa nyumba iya wise. Abanavuli aba mukaya kala bamughoghe na mabwe. Umulindu yunuyu abomba ichintu ichamusamu pakasi paba Izilayeli pakulowa, bo achili ali munyumba iya wise. Bunubu mukwiza pakwefya ububibi pakasi papinyu.