Aba Levi 2:4 - IBAYIBOLO 2024

⁴ “ ‘Nanti ukubika ichakwiyipa icha chibama ichakupiyiwa musonta, chibanje chibama chicho chite ni chilungo icha busu ubutinye ubwakongannya na mafuta, pamo vibanje vitumbuwa vivyo vite ni chilungo ivyakupakiwa na mafuta.

Aba Levi 2:4 Iomraidhean Croise

Masalimo 22:14

Ubumi bwane bukupukiye pasi ngati mizi, sona amafupa ghane ghosi ghavyughuka. Umoyo wane wasunguluka ngati lipula, wasunguluka mukasi mumwane.

Ukufuma 12:8

Inyama yila yibaghiye pakochiwa ubusiku bulabula, po balyanje inyama inyoche ni nyanyi iyamani iyakubaba, sona ni chibama chicho chite ni chilungo.

Ukufuma 16:31

Aba Izilayeli bakachita ichakulya chila ukuti we mana. Umana yula akabonekagha ngati tumbeyu utuswepu utwa busambya, tukanonagha ngati tuvitumbuwa utwakuyaniziwa nu buchi.

Ukufuma 29:2

Ubombezye ubusu ubutinye nkani ubwa ngano, loli butakabe ni chilungo. Upiye ivibama ivyakongannya na mafuta agha misyunguti. Ivibama vimo vitakabanje na mafuta, ivinji vibanje vitumbuwa ivipapate nkani ivyakupakiwa na mafuta.

Yesaya 42:1

U Mwene akuti, “Ennya umubombi wane yuyo nkumupa amaka, yuyo namusala sona nkuhoboka nawe, nkwiza pakubika u Muzimu wane papache, sona akwiza pakuzilongela inko zyosi mubwanaloli.

Yesaya 61:1

U Muzimu uwa Mwene Uwamaka Ghosi ali papane, pachifukwa ichakuti u Mwene ampakazizye amafuta, pakulumbilila amazyu amiza kubapina. Antumite ane pakupozya abamoyo aghakuvulala, pakufumusya ubwabuke ku bazya, nukubasatula ukufuma muchisi icha mubukayidi,

Ezekiyeli 46:20

U mwene akambuzya akati, “Ubu bo buzilo bubo abaputi bakwiza pakupiyilamo ichakwiyipa ichakupepesezya inongwa sona ni mbibi nukupiya ichakwiyipa icha busu, umwakuti baleke pakufuma navyo muchipinda icha kuzi nukubapela abantu pakuba bazelu.”

Aba Levi 1:11

Amubolele kumitu ukwa chighemo, pamaso pa Mwene. Po abana aba Aloni, babo baputi, banyafile ibanda lyache mumbazu zyosi folo izya chighemo.

Aba Levi 10:12

U Mozesi akamulamula u Aloni na bana bache babili babo bakasyalako, u Eleyazala nu Itamali ukuti, “Senda ichakwiyipa icha busu, chicho chasyalako pa chakwiyipa ichakocha kwa Mwene mulyelecho ichibama chicho chite ni chilungo mulubazu ulwa chighemo, pakuti ichi cho chakwiyipa ichizelu nkani.

Aba Levi 6:17

Bo bali pakuvipiya, batakabikemo ichilungo. Nabapavyo pakuba chigaba chabo icha chakwiyipa ichakocha pamoto. Ichi cho chakwiyipa ichizelu nkani ukuyana bulo ni chakwiyipa ichakupepesezya imbibi, sona ni chakwiyipa ichakupepesezya inongwa.

Aba Levi 7:12

“Nanti umuntu akubika ichakwiyipa pachifukwa ichakuti akumupalizya u Chala, abike poka ni chakwiyipa chache ichakupalizikizya chila, ichibama chicho chite ni chilungo, pamo ichibama ichakongannya na mafuta, pamo utumenyumenyu utwa vibama ivyakupakiwa na mafuta, pamo ichibama icha busu ubwakongannya na mafuta.

Ukubelengiwa 6:15

Abike sona ichakwiyipa icha busu, ni chakwiyipa ichakung'wela ni chidudunga icha vibama vivyo vite ni chilungo ni vitumbuwa ivipapate ivya busu ubutinye ivyakupakiwa na mafuta sona ni chakwiyipa icha vinyo.

Matayi 26:38

Akababuzya akati, “Umoyo wane wizuye ni chitima ichikulu nkani ichakufwa nacho. Ikala pano nukuchelezya poka nane.”

Yohani 12:27

“Losi ulu umoyo wane wayimba nkani. Po, nkimba ninganena ichoni? Intinji, ‘Tata, utakitikizye ukuti akabalilo aka kangwile?’ Awe, loli ichi cho chifukwa niziye ukuti nendemo pakabalilo akantamyo aka.

Yohani 3:34

Pakuti yuyo u Chala amutumite akunena amazyu agha Chala, pachifukwa ichakuti u Chala akumupa u Muzimu Umuzelu ukusita ukumamilizya.

Aba Hebeli 7:26

Chikaba chakulondiwa ukuti aswe tubanje nu muputi usongo yunuyu. Umuputi uyu muzelu, yuyo ate ni chilema nachimochimo, sona ate ni mbibi nayimoyimo. Umwene akakweziwa ukuchila ivintu vyosi ivya kumwanya.

1 Pitala 2:1

Po muleke ububibi bosi; muleke ubumyasi, pamo ubuzimbuli, pamo akabini, pamo intuko.

1 Pitala 2:22

Umwene atakabombapo nayimoyimo imbibi, sona nayumo umuntu yuyo akamwivwapo akunena ubumyasi pamulomo wache.