Aba Levi 2:12 - IBAYIBOLO 2024

¹² Ungiza navyo kwa Mwene ukuti vibanje chakwiyipa chako icha vikomwa ivyakwanda pakwinula, loli utakavyoche ukuti vibanje vyakwiyipa ivya munusi ghugho ghukumuhobosya u Mwene.

Aba Levi 2:12 Iomraidhean Croise

Ubwandilo 23:17

Umu momumo u Abulahamu akaghulila umughunda uwa Efuloni, poka ni mpako iya Makipela, kubufumilo bwizuba ubwa Mamule, sona na makwi ghosi ghagho ghakaba mulamula mupaka kumpaka iya mughunda ghula.

2 Imbili 31:5

Bo alamula bulabula aba Izilayeli bakiyipa ivikomwa ivyakwanda pakutona ingano nu vinyo umupya na mafuta agha misyunguti nu buchi sona na vyosi ivya mumaghunda ghabo. Bakiyipa ivyinji nkani, kokuti ichigaba choka pa vigaba teni icha vintu vyabo vyosi.

Ukufuma 22:29

“Mumpanje ivyakwiyipa ivya malezi ghinyu nu vinyo, sona na mafuta ghinyu agha misyunguti pakabalilo kache. “Mumpanje abakatote binyu abalumendo.

Ukufuma 23:19

“Mwizaye ku Nyumba iya Mwene u Chala winyu ni vikomwa ivyiza ivyakwanda pakutona ivya maghunda ghinyu. “Mutakapiyaghe inyama iya mwana uwa ng'ozi pamo umwana uwa mbuzi mu lukama ulwa nyina.

Ukufuma 34:22

“Mubanje nu Lusekelo ulwa Nyinulo pakubika vikomwa ivyiza ivyakwanda pakutona, sona mubanje nu Lusekelo ulwa Visakasa, bo mwinula inyinulo zyinyu kubumalilo ubwa mwaka.

Aba Levi 23:10

“Ubabuzye aba Izilayeli uti, ‘Bo mukwinjila muchisu chicho nkubapa, sona mukwinula ivyakulya vyinyu, mumwizile umuputi ni nkose iyakwanda iya nyinulo yinyu.’ ”

Aba Levi 23:17

Inyumba yosi yize ni vibama vibili ukuti chibanje chakwiyipa ichakwanda ichakuzyunguzya mumwanya kwa Mwene. Ichibama chosi chibanje cha busu ubutinye nkani ubwakukwana amakilogalamu mabili, sona mubikemo ichilungo.

Aba Levi 7:13

Pamwanya apa ichakwiyipa chila, abikepo ichibama choka icha chilungo.

Ukubelengiwa 15:20

Mubike ichibama choka icha ubusu bwinyu ubwakwanda ukuti chibanje ichipaghuliwa kwa Mwene ukuyana namumo mukubikila ichakwiyipa ichipaghuliwa icha ngano chicho mwakoma.

Ukubelengiwa 18:12

“Nabapa amafuta amiza nkani nu vinyo wesi umwiza nkani, ni ngano yosi inyiza, sona ni vikomwa vyosi ivyakwanda pakutona, vivyo abantu bakumupa u Mwene.

1 Aba Kolinti 15:20

Loli ubwanaloli bwakuti u Kilisitu azyukite kubufwe, ukusimikizya ukuti bosi babo bafuye, bope bakwiza pakuzyuka kubufwe.

Ukukumbusya Amalamulo 26:10

Polelo tukumusendela u Mwene, ivikomwa ivyakwanda pakutona ivya nyinulo izyakufuma muchisu chicho atupiye.” Palapala mutule ividudunga vila pamaso pa Mwene u Chala winyu nukumwiputa.

Ubuvumbuli 14:4

Abantu banaba bo babo batakinyazyapo na bakolo. Abantu banaba bayanite bulo na balindu babo batabamenye nalumo abanavuli. Bakumukonka u Mwana uwa ng'ozi yula kosi kuko akubuka. Abantu banaba bakapokiwa pakasi pabantu bosi, sona bakaba bakwanda pakubikiwa kwa Chala na ku Mwana uwa ng'ozi.