Aba Levi 19:3 - IBAYIBOLO 2024

³ “ ‘Umuntu wesi amuchindikaye unyina nu wise nukulisungilila Isiku lyane Ilyakutuzya. Ane ne Mwene u Chala winyu.

Aba Levi 19:3 Iomraidhean Croise

Ubwandilo 48:12

Po u Yosefu akabefyapo pavimpevu ivya Yakobo, nukumufughamilila.

Nehemiya 9:14

Ukabamanyisyanga pakusungilila Isiku izelu Ilyakutuzya sona ukabapa amalamulo, ni vimanyisyo, sona ni ndaghilo ukwendela mu mubombi wako u Mozesi.

Ukufuma 16:29

Mukumbuke ukuti ane ne Mwene imbapiye Isiku Ilyakutuzya. Ichi cho chifukwa pisiku ilyasikisi nkubapa ivyakulya ivyakubayana amasiku mabili. Umuntu wesi ikalaye panyumba pisiku Ilyakutuzya, atakabepo nayumoyumo ukufuma kuzi.”

Ukufuma 20:12

“Umuchindikaye ughuso nu nyoko, umwakuti ubanje nubumi ubutali muchisu chicho u Mwene u Chala wako akukupa.

Ukufuma 20:8

Ulikumbukaye Isiku Ilyakutuzya pakuba lizelu.

Ukufuma 21:15

“Umuntu wesi yuyo akumukoma uwise pamo unyina, aghoghiwanje.

Ukufuma 21:17

“Umuntu wesi yuyo akumutuka uwise pamo unyina, aghoghiwanje.

Ivyili 1:8

Wee mwana wane, ivwa zizyo ane ne ghuso nkukumanyisya sona utakazisulaye zizyo unyoko akukumanyisya.

Ivyili 23:22

Umwivwilaye ughuso yuyo akakupapa, sona utakamusamulaye unyoko bo aghosipa.

Ivyili 30:11

Balipo bamo babo bakubaghuna abawise, sona batakubachindika abanyina.

Ivyili 30:17

Umuntu yuyo akumusamula uwise, sona na yuyo akumuchemela unyina umughosi, abachigobe bakwiza pakuzompola amaso ghache, sona abachipungu bakwiza pakughalya.

Yesaya 58:13

“Nanti mukulisunga Isiku lyane Ilyakutuzya, nukusita ukubomba imbombo zyinyu pisiku lyane izelu, nanti mukwitizya Isiku lyane Ilyakutuzya lisiku ilya lusekelo, nukumuchindika u Mwene pisiku izelu, sona nanti mukulichindika ukusita ukwenda muzila zyinyu, nukusita ukubomba izyakwihobosya mwebene, pamo pakunena amazyu aghabulo,

Ezekiyeli 20:12

Nkabapa sona Isiku Ilyakutuzya pakuba chimanyilo pakasi papitu, ukuti bamanye ukuti ane ne Mwene nkabapela pakuba bazelu.

Aba Levi 11:44

Ane ne Mwene, u Chala winyu. Polelo mwiswefye mwebene pakuba bantu bazelu, pakuti ane ne Muzelu. Mutakinyazyanje mwebene ni vinyamana ivyakwavula.

Aba Levi 19:25

Loli mumwaka uwafayivi mungalya ivikomwa vyache, ukuti ivikomwa vila vyele nkani. Ane ne Mwene u Chala winyu.

Aba Levi 19:30

“ ‘Mulisungaye Isiku Ilyakutuzya, sona mubuchindikaye ubuzilo bwane ubuzelu. Ane ne Mwene.

Aba Levi 19:31

“ ‘Mutakababuzikizyanje abamayele, pamo abantu babo bakunenezannya ni mizimu iya bantu abafwe. Nanti mukubomba bunubu, mukwinyazya mwebene. Ane ne Mwene, u Chala winyu.

Aba Levi 19:34

Umuyeni yuyo akwikala pakasi papinyu, abanje ngati po mwenekaya. Mubaghanaye ukuyana namumo mwiyighaniye mwebenecho, pakuti namwe bulo mukaba mwe bayeni muchisu icha Ijiputi. Ane ne Mwene, u Chala winyu.

Aba Levi 23:3

Mungabomba imbombo zyinyu mumasiku sikisi, loli isiku ilyaseveni lyo Lisiku Ilyakutuzya, isiku ilipaghuliwa ilya chiputo. Mutakabombaye nayimoyimo imbombo, pakuti ili lyo Lisiku Ilyakutuzya ilya Mwene.

Aba Levi 26:2

Mulisungaye Isiku Ilyakutuzya, sona mubuchindikaye ubuzilo bwane ubuzelu. Ane ne Mwene.”

Malaki 1:6

U Mwene Uwamaka Ghosi akuti, “Umwana akumuchindika uwise, wepe uwambombo akumuchindika u mwene wache. Nanti ne tata winyu, nkimba umuchizi wane ghugho ghumbaghiye ghuli kwiyi? Nanti ne mwene winyu, nkimba umuchizi ghugho ghumbaghiye ghuli kwiyi? Mwee baputi mwe mukulisamula itabwa lyane. “Loli mukulalusya ukuti, ‘Nkimba tukulisamula bulibuli itabwa lyako?’

Ukukumbusya Amalamulo 27:16

“Aghuniwanje umuntu wesi yuyo akumusamula uwise nu nyina.” Po abantu bosi bamule batinji, “Ameni!”

Ukukumbusya Amalamulo 5:16

“Umuchindikaye ughuso nu nyoko, ukuyana namumo u Mwene u Chala wako akakulamulila, umwakuti ubanje nubumi ubutali muchisu chicho u Mwene u Chala wako akukupa.

Aba Hebeli 12:9

Tukaba nabo abatata aba muchisu ichapasi babo bakatufunda, po tukabachindikagha. Nkimba tutangamuchindika u Tata witu uwabuzimu nukuba nubumi?