Aba Levi 19:16 - IBAYIBOLO 2024

¹⁶ Utakendakendaye uku na uku pakubalumannya abantu, sona utakabombaye nachimo ichintu chicho chingamupelela umupalamani wako ubufwe. Ane ne Mwene.

Aba Levi 19:16 Iomraidhean Croise

Yobu 17:5

Nanti umuntu akubasamula abamanyani bache pachifukwa icha muvwalo, abana bache bakuyimba nkani.

Masalimo 101:5

Wesi yuyo akumuyeba umupalamani wache, nkwiza pakumupumizya. Wesi yuyo akwikwezya sona nu moyo uwakwitutumula, ntakwiza pakumuleka bulo.

Masalimo 15:3

Abantu banaba bo babo batakuyeba, sona babo batakubabombela abapalamani babo ububibi pamo ukubanena akabibi abanji.

Masalimo 50:20

Akabalilo kosi ukumuyebagha umukamu wako, sona ukumunena akabibi uwamwinyu.

Ukufuma 20:16

“Utakabanje we kaboni umumyasi kumupalamani wako.

Ukufuma 23:1

“Utakanenaye ipangwi ilyabumyasi. Utakamwimilaye umuntu umubibi pakubikila ubwakaboni ubwabumyasi.

Ukufuma 23:7

Utakamutamantilaye nayumo umuntu, sona utakamughoghaye umuntu yuyo ate ninongwa nu musubiliwa, pakuti ane nkwiza pakumususya umuntu umubibi.

Ivyili 10:18

Umuntu yuyo akufisa ulubengo mumyasi, sona wesi yuyo akuyebagha mupunganu.

Ivyili 11:13

Umuntu yuyo akubayeba abamwabo akuvumbula izyakubusyefu, loli umuntu umusubiliwa akuzifisa mumoyo wache.

Ivyili 20:19

Umwendanato akuvumbula ivya kubusyefu, po umuleghukaye umwendanato yulayula.

Yelemiya 6:28

Bosi banaba bantu abasambuke aba moyo amapalapala nkani, sona biyebo. Amoyo ghabo ghali ngati mukuba ni chela. Bosi ubusubiliwa butalimo mumwabo.

Yelemiya 9:4

Mube maso na bapalamani binyu, mutakabasubilaye abakamu binyu. Pakuti wesi muzimbuli, sona u mumanyani wesi we mwendanato.

Ezekiyeli 22:9

Pali abantu abinji pakasi papinyu babo bakunena ububibi abamwabo ukuti bakupule ibanda sona babo bakubika ivyakwiyipa pabuzilo ubwapamwanya nukubomba ivyamwiko na bakolo.

Matayi 27:4

Akati, “Nananga pakumubika munyobe izya balwani umuntu umusita nongwa ukuti aghoghiwe.” Bakamula bakati, “Nkimba tuli nazyo ni mbombo?” Zyako zinizyo.

Ukukumbusya Amalamulo 27:25

“Aghuniwanje umuntu wesi yuyo akupokela amabeko ukuti amughoghe umuntu umusita nongwa.” Po abantu bosi bamule batinji, “Ameni!”

1 Timoti 3:11

Umwakuyana bulo, bope na bachi babo babanje ni nkalo inyiza, sona batakabanje ni yebo, awe. Batakakolwanje, sona babanje basubiliwa muvyosi.

2 Timoti 3:3

Bakwiza pakuba basita lughano, na basita luhobokelo, na biyebo, na bavyongo, na bakoghofya, sona na balubengo pavintu ivyiza.

Titi 2:3

Umwakuyana bulo, bope na bakolo abachasongo, ubamanyisye ukuti babanje ni nkalo iyakuyana na bakolo babo bali nubumi ubuzelu. Batakabanje bantu abiyebo, pamo abazya aba vinyo, loli bamanyisyanje chicho chiza,

1 Pitala 2:1

Po muleke ububibi bosi; muleke ubumyasi, pamo ubuzimbuli, pamo akabini, pamo intuko.

1 Samuweli 24:10

Ilelo wiyenezya wemwene ukuti u Mwene akubikite munyobe zyane mumpako mula. Abantu bane bamo bakambuzya ukuti nkughoghe, loli nkakakana. Nkati, “Ntangamuvulazya u mwene wane, pakuti mupakiwa uwa Mwene.”