Aba Levi 19:10 - IBAYIBOLO 2024

¹⁰ Mutakinulaye amampesya ghosi mumaghunda ghinyu, sona mutakanyokelaye mwisinda pakuseba amampesya ghosi ghagho ghawiye pasi. Amampesya ghanagho mubalekele abapina na bayeni. Ane ne Mwene u Chala winyu.

Aba Levi 19:10 Iomraidhean Croise

Yesaya 17:6

Loli imisyunguti yimo iyakusalalizya yikwiza pakusyalako, ngati kokuneng'ennya ukwa likwi lyache, lilyo likulekaghapo ivikomwa vibili pamo vitatu patusamba utwapamwanya, folo pamo fayivi mutusamba utwa pasi,” U Mwene, u Chala uwa Izilayeli anena.

Yesaya 24:13

Momumo zikwiza pakuba ku inko zyosi izya muchisu ichapasi, ngati mumo ikwi ilya misyunguti balipalanta, pamo nanti amampesya ghamo ghasyala aghakusalala.

Yelemiya 49:9

Nanti abakuyaba amampesya bakwiza kukwinyu nkimba batangaghaleka ghamo manandi? Nanti abiba biza pabusiku pakwiba, nkimba batabaghiye pakusenda vyosi vivyo bakuvilonda?

Aba Levi 11:44

Ane ne Mwene, u Chala winyu. Polelo mwiswefye mwebene pakuba bantu bazelu, pakuti ane ne Muzelu. Mutakinyazyanje mwebene ni vinyamana ivyakwavula.

Aba Levi 19:11

“ ‘Utakibaye. “ ‘Utakatamantaye. “ ‘Mutakazimbulanaye.

Aba Levi 19:25

Loli mumwaka uwafayivi mungalya ivikomwa vyache, ukuti ivikomwa vila vyele nkani. Ane ne Mwene u Chala winyu.

Aba Levi 19:9

“ ‘Bo mukwinula mumaghunda ghinyu, mutakinulaye mumpaka izya mumaghunda ghinyu, sona mutakasalalaye.

Aba Levi 23:22

“Bo mukwinula mumaghunda ghinyu, mutakinulaye mupaka mumpaka izya mumaghunda ghinyu, sona mutakasalalaye. Vinivi mubalekele abantu abapina na bayeni. U Mwene we Chala winyu.”

Aba Levi 25:6

Loli ivyakulya vyosi vivyo vimelite Mumwaka Uwakutuzya vibanje vyinyu, amwe na bazya binyu na bambombo sona na bayeni babo bakwikala pakasi papinyu,

Obadiya 1:5

“Nanti abiba biza pabusiku pakwiba, bakusenda vyosi vivyo bakuvilonda, abakuyaba amampesya bakughalekako ghamo, loli abalwani binyu bakubibila umwakufikapo.

Mika 7:1

Mwee, chighune kukwane! Naba ngati muntu yuyo akubungannya ivikomwa muchisanya, sona ngati po nkusalala amampesya. Kute na mampesya aghakulya, pamo ukuba nikwilu ni vikomwa ivya makuyu ghamo.

Ukukumbusya Amalamulo 24:19

Bo ukwinula mumughunda wako, po nanti wapotwa pakuvinyamula vyosi vivyo winula utakanyokelaye sona pakuvisenda. Vinivi ubalekele abayeni na balanda sona na bakolo abafwilwe umwakuti u Mwene u Chala winyu azisaye imbombo zyinyu zyosi zizyo ukubomba.

Ukukumbusya Amalamulo 24:20

Bo ukuyaba imisyunguti, utakanyokelaye sona pakuyaba musamba zila. Vilavila ubalekele abayeni na balanda sona na bakolo abafwilwe.

Ukukumbusya Amalamulo 24:21

Bo ukuyaba amampesya mumughunda wako, utakapyanizye pakuyaba sona amampesya aghakusyalikila. Vilavila ubalekele abayeni na balanda sona na bakolo abafwilwe.

Abalongi 8:2

Loli u Gidiyoni akabamula akati, “Napapo mwakaba pakwiza, amwe mwabomba ivikulupo ukunchila. Ivintu vivyo amwe mwabomba mwe ba Efulayimu vikulupo ukuchila vivyo abaluko lwane ulwa Abiyezeli babomba.

Luti 2:2

Po isiku limo u Luti umu Mowabu yula akamubuzya u Nabomi akati, “Leka imbuke kumaghunda pakusalala amapemba mwisinda mu binuli nanti bangampelela ichisa.” U Nabomi akamwamula akati, “Wee mwana wane, bukagha.”