Aba Levi 18:5 - IBAYIBOLO 2024

⁵ Polelo musungilile inyiho ni ndaghilo zizyo nkubapa pakuti nanti umuntu wesi yuyo akubomba bunubu akwiza pakuba nubumi. Ane ne Mwene.”

Aba Levi 18:5 Iomraidhean Croise

Nehemiya 9:29

“Ukabasoka ukuti bande sona pakuzikonka indaghilo zyako, loli bakitutumula nukughasulannya amalamulo ghako. Bakavikana ivimanyisyo vyako, vivyo vikumupa umuntu ubumi nanti akuvikonka. Pachifukwa icha moyo ghabo amakafu, bakakupa inkonto, sona bakakana pakukwivwila.

Ukufuma 6:2

U Chala akamubuzya sona u Mozesi akati, “Ane ne Mwene.

Ukufuma 6:29

akamubuzya akati, “Ane ne Mwene. Umubuzye u mwene uwa Ijiputi amazyu ghosi ghagho nkukubuzya.”

Ukufuma 6:6

“Polelo ubabuzye aba Izilayeli amazyu ghane aghakuti, ‘Ane ne Mwene, nkwiza pakubatabula kubuzya ubwa ba Ijiputi pakubombezya amaka ghane amakulu, sona ni viswigho ivyamaka.

Yesaya 55:3

Munteghelezye nkani nukwiza kukwane, munyivwe, ukuti mubanje nubumi. Nkwiza pakufingana namwe, ulufingo ulwa bwila na bwila, nukubapa ulusayo lulo nkamulayizya u Devedi.

Ezekiyeli 18:9

Akuzikonka indaghilo zyane, nukusungilila akiza amalamulo ghane. Umuntu yunuyu mugholosu, sona akwiza pakuba nubumi, u Mwene Uwamaka Ghosi anena.

Ezekiyeli 20:11

Nkabapa indaghilo zyane nukubalanjizya amalamulo ghane, ghagho umuntu nanti aghivwila akubanga nubumi.

Ezekiyeli 20:13

“ ‘Loli pope bulo abantu aba mu Izilayeli bakansambukila munkolongo. Batakazikonka indaghilo zyane loli bakaghakana amalamulo ghane napapo umuntu yuyo akughivwila akubanga nubumi. Bakaghanyazya Amasiku ghane Aghakutuzya. Po nkinong'onagha pakubapungulila ubukali bwane nukubanangannya munkolongo.

Ezekiyeli 20:21

“ ‘Loli abana babo bakansambukila, batakazikonka indaghilo zyane, sona batakabikilako umoyo pakukonka amalamulo ghane, ghagho nanti umuntu akughakonka akuba nubumi. Bakaghanyazya Amasiku ghane Aghakutuzya. Po nkwiza pakupungulila ubukali bwane papabo nukubakalalila munkolongo.

Aba Levi 18:6

Atakabepo nayumo umuntu pakasi papinyu uwakughona nu mukamu wache. Ane ne Mwene.

Malaki 3:6

“Ane ne Mwene intakwandukakwanduka. Cho chifukwa amwe mwe baluko ulwa Yakobo mutazimiye zila.

Matayi 19:17

U Yesu akamula akati, “Nkimba choni chicho ukundalusya ukuti choni chicho chiza? Alipo bulo Weka yuyo mwiza. Konka amalamulo nanti ukulonda ubumi ubwa bwila na bwila.”

Luka 10:28

U Yesu akamula akati, “Wamula akiza, bomba zinizi, po ukwiza pakuba nubumi.”

Aba Loma 10:5

Pakunena nizya mumo abantu bakuneneliwa pakuba bagholosu pamaso pa Chala ukwendela mu Ndaghilo, u Mozesi akasimba akati, “Umuntu wesi yuyo akukonka Indaghilo, akwiza pakuba nubumi ukwendela mu Ndaghilo zilazila.”

Aba Loma 7:10

po nkafwa. Sona amalamulo ghagho ghakabaghila pakwiza nubumi, loli ghakanyizila nu bufwe.

Aba Galatiya 3:12

Loli Indaghilo zitimite palwitiko, pakuti Amasimbo ghakuti, “Umuntu wesi yuyo akubomba zizyo Indaghilo izya Mozesi zikulonda akwiza pakuba nubumi.”

Ukukumbusya Amalamulo 30:20

Mumughanaye u Mwene u Chala winyu, mumwivwilaye nukumukakatila. Pakuti u Mwene bo bumi bwinyu. Po akwiza pakubitikizya amwe na baluko lwinyu ukuti mwikalaye nubumi ubutali muchisu, chicho akamulayizya umunyenya winyu u Abulahamu nu Yisaki, sona nu Yakobo.

Ukukumbusya Amalamulo 30:6

U Mwene u Chala winyu akwiza pakubapa amwe na baluko lwinyu amoyo aghakwivwila, umwakuti mukwiza pakumughana na moyo ghinyu ghosi, sona nu muzimu winyu ghosi, ukuti mubanje nubumi.

Ukukumbusya Amalamulo 4:1

Po u Mozesi akababuzya aba Izilayeli akati, Mwee ba Izilayeli, ivwa kuno. Mughivwilaye amalamulo ghosi ghagho nkabamanyisya umwakuti mubanje nubumi, sona nukuti mwinjile pakuchifyula ichisu, chicho u Mwene u Chala uwa banyenya binyu akubapa.