Aba Levi 18:16 - IBAYIBOLO 2024

¹⁶ Utakaghonaye nu mukoyi wako, pakuti ichi chingamukozya isoni uwamwinyu.

Aba Levi 18:16 Iomraidhean Croise

Aba Levi 20:21

“ ‘Nanti umwanavuli akumusenda umuchi uwa wamwabo, kokuti abomba ivintu ivinyazu, sona amusamula uwamwabo. Po bosi babili bakwiza pakufwa abasita bana.

Matayi 22:24

nukuti, “Wee Mumanyisi, u Mozesi akati, ‘Nanti umwanavuli afwa umusita bana, uwamwabo amupyane umufwilwe yula umwakuti apape nawe abana, babo bakwiza pakubasenda ngati bo bana abamuyazi yula.’

Maliko 12:19

“Wee Mumanyisi, u Mozesi akatusimbila ululaghilo ulwakuti, ‘Nanti umwanavuli afwa nukumuleka umuchi ukusita ukupapa nawe abana, uwamwabo uwa mwanavuli yula amupyane umufwilwe yula umwakuti apape nawe abana, babo bakwiza pakubasenda ngati bana abamuyazi yula.’

Maliko 6:17

U Helodi akalamula ukuti bamuleme u Yohani nukumupinya nukumwighalila mujele. U Helodi akabomba zinizi, pachifukwa ichakuti akasemya u Helodiya umuchi uwa wamwabo u Filipu.

Luka 3:19

Loli u Yohani akamunena nkani u mwene u Helodi umulaghili, pachifukwa ichakuti akamusenda umuchi uwa wamwabo u Helodiya, sona akabomba ivintu ivyinji ivibibi.

Ukukumbusya Amalamulo 25:5

Nanti abanamuntu bakwikala poka, po nanti weka afwa umusita abana abalumendo, umukolo umufwilwe yula atakasendiwanje nu muntu bulo, yuyo ate wa munyumba yila. Loli uwamwabo uwa muyazi yula umupyane umufwilwe yula ukuti endelele pakubomba imbombo yiyo uwamwabo akayileka.