Aba Levi 17:5 - IBAYIBOLO 2024

⁵ Ichi chikung'anamula ukuti aba Izilayeli bakwiza pakubika ivyakwiyipa vyabo kwa Mwene, mubuzilo ubwa kuvibika mutwaya. Bizaye navyo ku muputi pamulyango uwa Chisakasa icha Mwene, nukuvibika palapala ukuti chibanje chakwiyipa ichabupoka.

Aba Levi 17:5 Iomraidhean Croise

Ubwandilo 21:33

Po mu Belisheba mulamula u Abulahamu akabyalamo ikwi ilya mupandapanda nukumwiputa u Mwene, u Chala uwa bwila na bwila.

Ubwandilo 22:13

U Abulahamu akatalankannya nukumwennya udubi impembe zyache zibadiye mumpanya. Akamusenda udubi yula nukubika ukuti abanje chakwiyipa ichakocha mubuzilo ubwa mwana wache.

Ubwandilo 22:2

Po u Chala akumubuzya akati, “Senda u Yisaki umwana wako, mwene na mwene, sona yuyo umughanite nkani, ubuke kuchisu icha Moliya. Kulakula umubike ukuti abanje chakwiyipa ichakocha pighamba lilyo nkwiza pakukubuzya.”

Ubwandilo 31:54

Akabola ichinyamana nukuchibika ukuti chibanje chakwiyipa pighamba lila. Po akabitizya abantu bache pakulya ichakulya. Bo balya, bakaghona pighamba palapala.

1 Abamwene 14:23

Bakizengela ubuzilo ubwapamwanya ubwakwiputilapo ivifwani pighamba, na mabwe amapaghuliwa, sona ni vifwani ivya Ashela pamwanya pighamba lyosi, sona na muntende mumakwi ghagho ghavwinkite akiza.

1 Abamwene 3:2

Loli abantu bakabikagha ivyakwiyipa vyabo mubuzilo ubwakwiputilamo, pachifukwa ichakuti pakabalilo kalakala Inyumba iya Mwene yikaba yichili yitazengiwe.

1 Abamwene 3:3

U Solomoni akamughana nkani u Mwene pakubomba zizyo uwise u Devedi akamulamula, loli akabikagha ivyakwiyipa ivyakocha nu twakufukizya utwakununkila mubuzilo ubwakwiputilamo ubwakulekanalekana.

2 Abamwene 16:4

U Ahazi akabikagha ivyakwiyipa nukufukizya utwakununkila pabuzilo ubwapamwanya ubwakwiputilapo ivifwani, na pamwanya pamaghamba, sona na muntende mumakwi ghagho ghavwinkite akiza.

2 Abamwene 17:10

Bakizengela bene ivikumbusyo ivya mabwe, ni vifwani ivya Ashela pamwanya pighamba, sona na muntende mumakwi ghagho ghavwinkite akiza.

2 Imbili 28:4

U Ahazi akabikagha ivyakwiyipa nukufukizya utwakununkila pabuzilo ubwapamwanya ubwakwiputilapo ivifwani na pamwanya pamaghamba sona na muntende mumakwi ghagho ghavwinkite akiza.

Ukufuma 24:5

Po akabatuma abalumendo bamo pakubika ichakwiyipa ichakocha kwa Mwene, sona bakabika inkambaku ukuti chibanje chakwiyipa ichabupoka.

Ezekiyeli 20:28

Bo nabinjizya muchisu chicho nkafingana nabo pakubapa sona bo bennya akaghamba pamo ikwi ilyakulemba amani, palapala bakabika ivyakwiyipa vyabo sona ni vyabupi vivyo vikankalalizya, nukubika ichakwiyipa icha utwakununkila poka ni chakwiyipa icha vinyo.

Ezekiyeli 22:9

Pali abantu abinji pakasi papinyu babo bakunena ububibi abamwabo ukuti bakupule ibanda sona babo bakubika ivyakwiyipa pabuzilo ubwapamwanya nukubomba ivyamwiko na bakolo.

Ezekiyeli 43:27

Pabumalilo ubwa masiku ghanagha, pisiku ilya eyiti mupaka muntazi, abaputi babikaye ivyakwiyipa ivya kocha ni vyakwiyipa ivyabupoka pachighemo. Po nkwiza pakuhoboka namwe.” U Mwene Uwamaka Ghosi anena.

Ezekiyeli 44:15

“ ‘Loli abaputi aba Levi, babo baluko ulwa Zadoki, sona na babo bakambombela umwakusubiliwa Mubuzilo bwane Ubuzelu, bo aba Izilayeli bepako kukwane, bapalamiliye kupipi pamaso papane ukuti bambombelaye, bimililaye pamaso papane pakubika ichakwiyipa ichamafuta nibanda, u Mwene Uwamaka Ghosi anena.

Aba Levi 17:4

mubuzilo ubwa kwiza navyo pamulyango uwa Chisakasa icha Mwene ukuti chibanje chakwiyipa kwa Mwene, umuntu yula apalaghula inongwa iyakukupula ibanda, po epusiwanje pakasi pabantu bosi.

Aba Levi 17:6

Umuputi anyafile ibanda mumbazu izya chighemo pamulyango uwa Chisakasa icha Mwene nukocha amafuta. Umunusi uwa mafuta ghukwiza pakumuhobosya u Mwene.

Ukukumbusya Amalamulo 12:2

Bo mwachifyula ichisu chilachila, munangannye ubuzilo bosi ubwapamwanya ubwakwiputilapo ivifwani, bubo abantu babo mukuchifyula ichisu chabo bakubiputilapo abachala babo, bubo buli mumaghamba amatali, na mutumaghamba, sona na muntende mumakwi ghagho ghavwinkite akiza.