Aba Levi 17:11 - IBAYIBOLO 2024

¹¹ Pakuti ubumi ubwa chintu chosi ichabumi buli mwibanda, po nabapa ibanda pakuba chakupepesezya imbibi zyinyu pachighemo, pachifukwa ichakuti ibanda lyo lilyo likupepesezya imbibi izya muntu.

Aba Levi 17:11 Iomraidhean Croise

Ubwandilo 9:4

“Loli mutakalyanje inyama yiyo yichili yili ni banda. Nabakanizya chinichi pachifukwa ichakuti ubumi ubwa chinyamana buli mwibanda.

Aba Levi 1:5

Pisinda pache ayibole inkambaku yila pamaso pa Mwene, po abanyumba iya Aloni, babo baputi, bize ni banda lyache nukulinyafila mumbazu zyosi folo izya chighemo, chicho chili pamulyango uwa Chisakasa.

Aba Levi 16:11

“U Aloni abike inkambaku ukuti yibanje chakwiyipa ichakupepesezya imbibi zyache, sona nizya bamunyumba yache. Po ayibole inkambaku yila ukuti yibanje yakupepesezya imbibi zyache.

Aba Levi 17:12

Cho chifukwa nababuzya aba Izilayeli ukuti, “Nayumo umuntu atakalyanje ibanda, manyi muyeni yuyo akwikala pakasi papinyu.”

Aba Levi 17:14

Pakuti ubumi ubwa chintu chosi ichabumi buli mwibanda. Po cho chifukwa u Mwene ababuzya aba Izilayeli ukuti, “Mutakalyanje ibanda ilya chinyamana chosi, pachifukwa ichakuti ubumi ubwa chintu chosi ichabumi buli mwibanda. Po umuntu wesi yuyo akulya ibanda akwiza pakwepusiwapo pakasi pabantu.”

Aba Levi 4:25

Umuputi adwibike akafingwi kache mwibanda ilya sabwe yula, nukupaka pampembe izya chighemo ichakochelapo ichakwiyipa ichakocha. Po apungulile ibanda ilyakusyala muntende umwa chighemo.

Aba Levi 4:26

Pisinda pache oche amafuta ghosi pachighemo, ukuyana namumo akaghochela amafuta agha nyama yiyo yikabikiwa ukuti chibanje chakwiyipa ichabupoka. Bunubu umuputi akwiza pakubika ichakwiyipa ichakupepesezya imbibi izya mulongozi yula, po imbibi zyache zikwiza pakuhobokeliwa.

Aba Levi 8:15

U Mozesi akayibola inkambaku yila, akasenda ibanda limo na kafingwi kache nukulipaka pampembe izya chighemo pakuchiswefya. Akakupulila ibanda lyosi ilyakusyala pabwikalilo ubwa chighemo. Bunubu u Mozesi akabika ichakwiyipa ichakupepesezya imbibi.

Matayi 20:28

Ayane bulo nu Mwana uwa Muntu, pakuti atakiza ukuti bamubombelaye, loli pakubabombela nukubapa ubumi bwache ukuti abapoke abantu abinji.”

Matayi 26:28

Pakuti ili libanda lyane ilyakusimikizya ulufingo ulwa Chala, lilyo lyatonya ukuti abantu abinji bahobokeliwe imbibi zyabo.

Maliko 14:24

U Yesu akati, “Ili lyo libanda lyane ilyakusimikizya ulufingo ulwa Chala, lilyo lyatonya pachifukwa icha bantu abinji.

Aba Loma 3:25

U Chala akamubika ukuti chibanje chakwiyipa, ukuti ukwendela mu bufwe bwache imbibi izya bantu zihobokeliwe, abantu babo bakumusubila. U Chala akabomba bunubu ukuti alanjizye ubugholosu bwache, pachifukwa icha bufisalyoyo bwache atakabafundila zila abantu babo bakananga.

Aba Loma 5:9

Pakuti ukwendela mwibanda lyache, twaneniwa ukuti twe bantu bagholosu pamaso pa Chala. Po naloli tukwiza pakupona u bukali ubwa Chala ukwendela mumwache.

Aba Efeso 1:7

Aswe twabukite ukwendela mwibanda lyache, sona akatuhobokela imbibi zyitu ukuyana nu bukulu ubwa chisa icha Chala,

Ukukumbusya Amalamulo 12:23

Loli muchebaye nkani ukuti mutakalyanje ibanda, pakuti ubumi buli mwibanda, po mutakalyanje ubumi poka ni nyama.

Aba Kolosi 1:14

Ukwendela mwibanda lyache, akatusatula kumbibi, kokuti akatuhobokela imbibi zyitu.

Aba Kolosi 1:20

Ukwendela mu Mwana wache u Chala akalondagha ukuti ivintu vyosi visayane nawe, manyi vya muchisu ichapasi, manyi vintu ivya kumwanya pakupanga umutende ukwendela mwibanda ilya Mwana wache pachipinjika.

Aba Hebeli 13:12

Ichi cho chifukwa u Yesu wepe akafwila kuzi ukwa kaya akakulu nkani, umwakuti aswefye imbibi izya bantu ni banda ilyache ni lyache.

Aba Hebeli 9:22

Naloli, ukuyana ni Ndaghilo izya Mozesi, papipipipi ichintu chosi chikuswefiwa ni banda, sona imbibi zikuhobokeliwa nanti ibanda lyatonya.

1 Pitala 1:2

U Tata u Chala akabasalila zila ukuyana ni mbatiko zyache. Akabapaghula pakuba bantu abazelu mwa Muzimu Umuzelu, umwakuti mumwivwile u Yesu Kilisitu, sona nukuswefyiwa ni banda lyache. U Chala abizuzye ni chisa nu mutende.

1 Yohani 1:7

Loli nanti tukwenda mu lukozyo, ukuyana namumo abeleye mu lukozyo, kokuti tuli mubupoka twebenebene, sona ibanda ilya Yesu u Mwana wache likutuswefya aswe imbibi zyosi.

1 Yohani 2:2

Umwene we chakwiyipa ichakuhobokeleliwamo imbibi zyitu. Atakutuhobokela imbibi zyitu zyene, awe, loli ni mbibi zyope izya bantu bosi aba muchisu ichapasi.

Ubuvumbuli 1:5

Ichisa chinichi chikufuma kwa Yesu Kilisitu, ukaboni umusubiliwa uwakwanda pakuzyuka kubufwe, sona yuyo we umulaghili uwa bamwene bosi aba muchisu ichapasi. U Mwene atughanite aswe, sona atwabuye kumbibi zyitu ni banda lyache.