Aba Levi 16:13 - IBAYIBOLO 2024

¹³ Mulamula pamaso pa Mwene, abike pamoto utwakufukizya utwakununkila tula umwakuti ilyosi ilya twakufukizya utwakununkila tula lichivwinke ichikupikizyo icha Bokosi ilya Lufingo, umwakuti atakafwe.

Aba Levi 16:13 Iomraidhean Croise

Ukufuma 25:21

Ubikemo mukasi mu bokosi amabwe amapapate mabili ghala nukulikupikila.

Ukufuma 30:1

“Upange ichighemo ichakufukizizyapo utwakununkila icha matabwa agha mungwina.

Aba Hebeli 9:24

Pakuti u Kilisitu atakinjila Mubuzilo Ubuzelu chicho chikazengiwa ni nyobe izya bantu, ubuzilo bubo bukaba chifwanikizyo bulo icha buzilo ubwenecho. Loli akinjila kumwanya ukwenecho kuko akubonekela pamaso pa Chala mubuzilo bwitu.

Aba Hebeli 7:25

Ichi cho chifukwa amenye pakubapoka abantu bosi babo bakwiza kwa Chala ukwendela mumwache. Pakuti umwene mumi bwila na bwila pakubalambilizikizya kwa Chala.

Ukubelengiwa 16:46

U Mozesi akamubuzya u Aloni akati, “Senda ichakufukizizya utwakununkila chako nukubikamo utwakufukizya utwakununkila numoto uwa pachighemo. Bukagha lubilolubilo ku chilundilo pakubomba ulwiho ulwakupepesezya imbibi zyabo. Pakuti ubukali ubwa Mwene bwawa, sona ichiwaya chandite kale.”

Ukubelengiwa 16:18

Po umuntu wesi akasenda ichakufukizizya utwakununkila nukubikamo umoto nu twakufukizya utwakununkila, sona bakimilila poka nu Mozesi nu Aloni pamulyango uwa Chisakasa icha Mwene.

Ukubelengiwa 16:7

nukubikamo umoto nu twakufukizya utwakununkila nukuchibika pantazi pa Mwene. Umuntu yuyo u Mwene akwiza pakumusala weyuyo muzelu. Mwee ba Levi mwachilapo pakwituvya.”

Aba Levi 22:9

Polelo abaputi bosi baghakonkaye amalamulo ghane, lumo bangananga nukufwa, pachifukwa ichakuti batakughasungilila amalamulo ghane. Ane ne Mwene nkubapela pakuba mwe bantu abazelu.

Ukufuma 28:43

U Aloni na bana bache bavwalaye amenda ghanagha akabalilo kosi, bo bakwinjila mu Chisakasa icha Mwene, pamo bo bakupalamila ku chighemo pakumbombela mu Chipinda Ichizelu, umwakuti batakanangaye nukufwa. “Ulu lo lulaghilo ulwa bwila na bwila ulwa Aloni na baluko lwache.

Ukubelengiwa 4:15

Bo u Aloni na bana bache bamala pakuvwinka Ubuzilo Ubuzelu poka ni vibombelo vyache sona bo abantu bakusama, abamunyumba iya Kohati bize pakuvinyamula. Loli batakapalamasye ivintu ivizelu lumo bangafwa. Abamunyumba iya Kohati banyamule ivintu vyene vivyo vili mu Chisakasa icha Mwene.

Ukubelengiwa 4:20

Loli abamunyumba iya Kohati batakinjilemo pakwennya ivintu ivizelu lumo bangafwa, napapo kangaba kabalilo akanandi bulo.”

Ukukumbusya Amalamulo 33:10

U Levi weyuyo akwiza pakubamanyisya abana aba Yakobo, pakughakonka amalamulo ghako. Akwiza pakubika ivyakufukizya ivyakununkila pamaso papako, nukukocha ivyakwiyipa pachighemo chako.