Aba Levi 16:11 - IBAYIBOLO 2024

¹¹ “U Aloni abike inkambaku ukuti yibanje chakwiyipa ichakupepesezya imbibi zyache, sona nizya bamunyumba yache. Po ayibole inkambaku yila ukuti yibanje yakupepesezya imbibi zyache.

Aba Levi 16:11 Iomraidhean Croise

Aba Levi 16:3

“Bo u Aloni akwinjila mu Chipinda Ichizelu nkani akonkaye ululaghilo ulu: Asende inkambaku inyana ukuti chibanje chakwiyipa ichakupepesezya imbibi nu dubi ukuti chibanje chakwiyipa ichakocha.

Aba Levi 16:33

Abombaye ulwiho ulwakuchipepesezya Ichipinda Ichizelu nkani ni Chisakasa icha Mwene ni chighemo na baputi sona na bantu bosi aba Izilayeli.

Aba Levi 16:6

“U Aloni abike inkambaku ukuti yibanje chakwiyipa ichakupepesezya imbibi zyache, sona ni mbibi izya bamunyumba yache.

Aba Levi 9:7

Po u Mozesi akamubuzya u Aloni akati, “Palamila kupipi kuchighemo nukubika ichakwiyipa ichakupepesezya imbibi, ni chakwiyipa ichakocha ukuti chibanje chakupepesezya imbibi zyako, sona nizya bantu. Bika ichakwiyipa ichakupepesezya imbibi izya bantu, ukuyana namumo u Mwene akalamulila.”

Aba Hebeli 7:27

Umwene atayanite na Baputi Abasongo abanji, pakuti chitakulondiwa ukuti abike tasi ivyakwiyipa ivya isiku ni siku ivya mbibi izyache ni zyache, po pisinda pache abike ivyakwiyipa ivya mbibi izya bantu. Akabombela zila koka bulo pakwiyipa mwene ukuti chibanje chakwiyipa.

Aba Hebeli 9:7

Loli Umuputi mwene Usongo akwinjilamo muchipinda ichabubili chila lyoka bulo pamwaka. Akusenda ibanda lilyo akwibikila mwene pachifukwa icha mbibi izyache ni zyache, sona ni mbibi zizyo abantu bananga umwakusita kumanya.