Aba Levi 16:10 - IBAYIBOLO 2024

¹⁰ Loli nanti amayele ghalanjizya ukuti usabwe uyu uwa Azazele, ize nawe pamaso pa Mwene ukuti chibanje chakwiyipa chakupepesezya imbibi nukumuchimbizizya munkolongo kwa Azazele.

Aba Levi 16:10 Iomraidhean Croise

Aba Levi 14:7

Pisinda pache umuputi yula amunyafile akaseveni umuntu yuyo akaswefiwa amambombo nukumunena pakuba muntu muswepu. Po achilekezye ichiyuni ichabumi chila ukuti chibulukile mwisote.

Aba Levi 16:8

Abike amayele pa basabwe babili bala, umwakuti usabwe weka abanje wa Mwene sona usabwe uyunji abanje wa Azazele.

Aba Levi 16:9

U Aloni ize ni mbuzi yiyo amayele ghakalanjizya ukuti ya Mwene nukuyibika ukuti yibanje chakwiyipa ichakupepesezya imbibi.

Aba Loma 3:25

U Chala akamubika ukuti chibanje chakwiyipa, ukuti ukwendela mu bufwe bwache imbibi izya bantu zihobokeliwe, abantu babo bakumusubila. U Chala akabomba bunubu ukuti alanjizye ubugholosu bwache, pachifukwa icha bufisalyoyo bwache atakabafundila zila abantu babo bakananga.

Aba Loma 4:25

Pachifukwa icha mbibi zyitu akabikiwa ukuti aghoghiwe, po u Chala akamuzyusya kubufwe, umwakuti tuneniwe pakuba bantu bagholosu pamaso papache.

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

1 Yohani 2:2

Umwene we chakwiyipa ichakuhobokeleliwamo imbibi zyitu. Atakutuhobokela imbibi zyitu zyene, awe, loli ni mbibi zyope izya bantu bosi aba muchisu ichapasi.

1 Yohani 3:16

Tulumenye ulughano ulwenecho namumo lubeleye pakuti u Kilisitu akabutagha ubumi bwache pachifukwa icha sweswe. Polelo naswe bulo tubaghiye pakwiyipa ubumi bwitu pachifukwa icha bakamu bitu.