Aba Levi 14:7 - IBAYIBOLO 2024

⁷ Pisinda pache umuputi yula amunyafile akaseveni umuntu yuyo akaswefiwa amambombo nukumunena pakuba muntu muswepu. Po achilekezye ichiyuni ichabumi chila ukuti chibulukile mwisote.

Aba Levi 14:7 Iomraidhean Croise

2 Abamwene 5:10

U Elisha akayituma intumi yache pakumubuzya ukuti, “Buka koghe mulusoko ulwa Yolodani akaseveni, po ukwiza pakupola nukuswepa.”

2 Abamwene 5:14

Po u Naamani yula akabuka ku Yolodani nukudwiba mumizi akaseveni. Izi zyo zizyo umuntu uwa Chala yula akamubuzya. Panapo na panapo akapola, sona umubili wache ghukaswepa nukuba ngati mubili uwa mwana.

Masalimo 51:2

Ubusukaye ububibi bwane bosi, sona unswefyanje kumbibi zyane.

Masalimo 51:7

Unswefye ni chisilo, po nkwiza pakuswepa naloli, sona unyosyanje, po nkwiza pakuswepa ngati we kabefu.

Yesaya 52:15

Loli inko inyinji zikwiza pakumuswigha, abamwene bakwiza pakusona amalomo ghabo pachifukwa icha yuyo. Pakuti chicho batakabuziwa nalumolumo bakwiza pakuchennya, sona chicho batachivuye bakwiza pakuchivwisya.

Ezekiyeli 36:25

Nkwiza pakubanyafila amizi amiza, po mukwiza pakuswepa, nkwiza pakubaswefya ubunyazu bosi ubwa vifwani vyinyu vyosi.

Daniyeli 9:24

“Amaka 7 agha tubalilo aka 70 twabikiwa ukuti abantu aba mukaya akazelu, poka nakaya kako akakulu nkani akazelu babuleke ububibi bwabo sona ni mbibi. Bapepesyanje imbibi zyabo pakubomba ubugholosu ubwa bwila na bwila ichisetuka nu bulaghuzi vikwiza pakukwanilisiwa, sona Ubuzilo Ubuzelu nkani bula bupaghuliwanje.

Aba Levi 13:13

umuputi amupime sona umuntu yula. Nanti amambombo ghala ghasatite pa mubili ghosi, po umuputi amunene umuntu yula pakuba muntu muswepu. Pachifukwa ichakuti umubili ghosi uwa muntu yula ghuswepite, kokuti umuntu yula aba muswepu.

Aba Levi 13:17

Umuputi amupime sona, po nanti ivilonda viswepite, umuputi amunene umuntu yula pakuba muntu muswepu.

Aba Levi 14:51

Po asende ulusamba ulwa mwale lula ni chisilo nu lupote uluchesamu ni chiyuni ichabumi chila nukuvidwibika mwibanda ilya chiyuni chicho chikaboleliwa mumizi agha pambwibwi ghala. Po ayinyafile inyumba yila akaseveni.

Aba Levi 16:14

Asendeko limo ibanda ilya inkambaku nukulinyafila na kafingwi kache pa chikupikizyo, sona ilyakusyala lila alinyafile akaseveni kuntazi ukwa chikupikizyo.

Aba Levi 16:19

Achinyafile ichighemo na kafingwi kache akaseveni. Bunubu akwiza pakubomba ulwiho ulwakuchiswefya pachifukwa icha bunyazu ubwa ba Izilayeli.

Aba Levi 16:22

Imbuzi yila yikwiza pakunyamula imbibi zyabo zyosi pakubuka nazyo munkolongo. Umuntu yula ayilekelezye imbuzi yila munkolongo mulamula.

Aba Levi 4:17

Adwibike akafingwi kache mwibanda mula nukulinyafila pamaso pa Mwene akaseveni kuntazi ukwa mwenda uwakuzighila.

Aba Levi 4:6

Umuputi yula adwibike akafingwi kache mwibanda, alinyafile akaseveni pamaso pa Mwene kuntazi ukwa mwenda uwakuzighila Ubuzilo Ubuzelu nkani.

Aba Levi 8:11

Akaghanyafila ghamo amafuta akaseveni pachighemo na pavibombelo vyache, ni beseni poka nu bwikalilo bwache umwakuti vibanje vipaghuliwa kwa Mwene.

Mika 7:19

Ukwiza pakuba ni chililizi naswe, sona ukwiza pakuzikanyilila imbibi zyitu, nukubusumbila pasi panyanja ububibi bwitu.

Ukubelengiwa 19:12

Pisiku ilyabutatu ni siku ilyaseveni, iswefye mwene na mizi aghakuswefesezya, po akwiza pakuba muntu muswepu. Loli nanti atakwiswefya mwene pisiku ilyabutatu nilyaseveni, umuntu yula akuba munyazu.

Yohani 19:34

Loli weka uwa basilikali ababwite bala akamulasa u Yesu ni mpalala mumbazu, po umwalubilolubilo ibanda na mizi vikanda pakufuma.

Aba Hebeli 10:22

po zagha tupalamile kwa Chala nu moyo uwanaloli nu moyo uwa lwitiko, sona na moyo ghagho ghaswefiwe umabyebye umubibi, sona na mabili ghagho ghasukiwe na mizi amiza.

Aba Hebeli 12:24

Mwiza kwa Yesu yuyo mufusya uwa lufingo ulupya, sona kwibanda lilyo likanyafiliwa, lilyo likulayizya ivintu ivyizapo ukuchila ibanda ilya Abeli.

Aba Hebeli 9:13

Ibanda ilya mbuzi nilya nkambaku ni toyi ilya mpampali bakanyafilagha pamitu iya bantu, babo bakaba banyazu. Ivi vikabaswefyanga ubunyazu bwabo pakwefya iviko mu mabili ghabo.

Aba Hebeli 9:19

Ichakwanda u Mozesi akafumusya pakasi pabantu bosi nizya mbombo izya Ndaghilo. Pisinda pache akasenda ibanda ilya nkambaku nilya mbuzi nukongannya na mizi, po akanyafila pibuku ilya Ndaghilo, sona na pabantu bosi pakubombezya ichisilo poka na meya amachesamu.

Aba Hebeli 9:21

Umwakuyana bulo, u Mozesi wepe akanyafila Ichisakasa ni banda, sona ni vintu vyosi vivyo bakabombezyanga pachiputo.

Aba Hebeli 9:26

Pakuti nanti chikabanga bunubu, ngali u Kilisitu ayimba akinji bulo ukwandila pakupeliwa ukwa chisu. Awe! Loli ilelo pakabalilo akabumalilo aka aboneka lyoka bulo mpela ukuti efye imbibi pakwiyipa mwene.

1 Pitala 1:2

U Tata u Chala akabasalila zila ukuyana ni mbatiko zyache. Akabapaghula pakuba bantu abazelu mwa Muzimu Umuzelu, umwakuti mumwivwile u Yesu Kilisitu, sona nukuswefyiwa ni banda lyache. U Chala abizuzye ni chisa nu mutende.

1 Yohani 5:6

U Yesu Kilisitu weyuyo akiza ukwendela mumizi na mwibanda. Atakiza ukwendela mumizi ghene, loli ukwendela mu mizi na mwibanda bulo. Po u Muzimu Umuzelu weyuyo akuzisimikizya, pakuti u Muzimu yula we bwanaloli.