Aba Levi 14:4 - IBAYIBOLO 2024

⁴ umuputi amulamule umuntu yula ukuti ize ni viyuni iviswepu vibili ivyabumi, poka nu lusamba ulwa mwale nu lupote uluchesamu, ni chisilo pakuba vintu ivyakumuswefezya navyo umuntu yula.”

Aba Levi 14:4 Iomraidhean Croise

Masalimo 51:7

Unswefye ni chisilo, po nkwiza pakuswepa naloli, sona unyosyanje, po nkwiza pakuswepa ngati we kabefu.

Ukufuma 12:22

Musende ichisilo nukuchidwibika mwibanda lilyo lili mubeseni nukupaka mulubazu na pamwanya pamulyango. Nayumoyumo umuntu atakafumaye kuzi ukwa nyumba mupaka pandabindabi.

Aba Levi 1:14

“ ‘Nanti umuntu akubika ichiyuni kwa Mwene ukuti chibanje chakwiyipa ichakocha, yibanje nkunda pamo intozi.

Aba Levi 12:8

Nanti umukolo yula ate nu mwana uwa ng'ozi, ize ni ntozi zibili pamo utwana tubili utwa nkunda ukuti vibanje chakwiyipa ichakocha, sona iyinji yibanje chakwiyipa ichakupepesezya imbibi. Po bunubu umuputi yula akwiza pakubika ichakwiyipa ichakupepesezya imbibi izya mukolo yula, po umukolo yula akuba muswepu.

Aba Levi 14:5

Umuputi abalamule abantu bala ukuti bachibolele ichiyuni choka musonta iya mizi agha pambwibwi.

Aba Levi 14:6

Po umuputi asende ichiyuni ichinji chila poka nu lusamba ulwa mwale lula nu lupote uluchesamu lula, ni chisilo, nukuvidwibika mwibanda ilya chiyuni, chicho chikaboleliwa pamizi agha mbwibwi ghala.

Aba Levi 5:7

“ ‘Loli nanti umuntu yula ate ni ng'ozi pamo imbuzi, ize ni nkunda zibili ukuti chibanje chakwiyipa chakupepesezya imbibi zyache kwa Mwene. Inkunda yoka yibanje chakwiyipa ichakupepesezya imbibi, po iyinji yibanje chakwiyipa ichakocha.

Ukubelengiwa 19:18

Po umuntu yuyo te munyazu asende ichisilo achidwibike mumizi ghala nukuchinyafila ichisakasa chache ni vibombelo vyache vyosi poka na bantu bosi babo bakaba mulamula. Amunyafile sona umuntu wesi uwakupalamasya ifupa ilya muntu umufwe pamo ipumpa pamo umuntu yumo yuyo aghoghiwa pamo umuntu yuyo afuye bulo.

Ukubelengiwa 19:6

Umuputi asende ikwi ilya mwale ni chisilo sona nu lupote uluchesamu nukuvisumbila pamoto ghugho ghukulungulizya impampali yila.

Aba Hebeli 9:19

Ichakwanda u Mozesi akafumusya pakasi pabantu bosi nizya mbombo izya Ndaghilo. Pisinda pache akasenda ibanda ilya nkambaku nilya mbuzi nukongannya na mizi, po akanyafila pibuku ilya Ndaghilo, sona na pabantu bosi pakubombezya ichisilo poka na meya amachesamu.