Aba Levi 13:6 - IBAYIBOLO 2024

⁶ Pisiku ilyaseveni umuputi amupime sona umuntu yula, po nanti ichilonda chila chikupola, sona nanti chitasatite pa mubili, amunene umuntu yula pakuba muntu muswepu, pakuti cho chitufya bulo. Umuntu yula achape amenda ghache, po akuba muntu muswepu.

Aba Levi 13:6 Iomraidhean Croise

1 Abamwene 8:38

po nanti abantu bako aba Izilayeli bakwiputa umwakulambilizya sona nanti umuntu wesi azimanya intamyo zizyo zyamuwila, nukukwezya inyobe zyache mumwanya pakwiputa mu Nyumba iyi,

1 Abamwene 8:45

ivwa uko kumwanya inyiputo nukulambilizya kwabo, po ubape ubupoti.

Masalimo 19:12

Nkimba wewenu yuyo angakumanya ukupuvya kwache? Uhobokelaye ukupuvya kwane kuko kufisiwe.

Ivyili 20:9

Nkimba wewenu yuyo anganena ukuti, “Ane ne muzelu, ane inte ni chilema nachimochimo pamo imbibi”?

Umulumbilili 7:20

Atalipo nayumoyumo umuntu umugholosu pachisu ichapasi, yuyo akubomba ingolosu zyene, sona atakunangapo nalumo.

Yesaya 42:3

Ulutete lulo lunyonganite atakwiza pakulupyola, pamo ukuzimya ichikoka ichakusuka, akwiza nu bwanaloli ubwa bwila na bwila

Aba Levi 11:25

Nanti umuntu aseba bulo ichinyamana ichifwe, achape amenda ghache, sona akuba muntu munyazu mupaka pachamabwila.

Aba Levi 11:28

Umuntu wesi yuyo aseba ivinyamana vinivi nanti vifuye, achape amenda ghache, sona akuba muntu munyazu mupaka pachamabwila.

Aba Levi 11:40

Nanti umuntu akulya inyama iya chinyamana chinichi, achape amenda ghache, sona akuba muntu munyazu mupaka po pachamabwila. Umuntu wesi yuyo akuseba ichinyamana ichifwe chene chila, achape amenda ghache, sona akuba muntu munyazu mupaka pachamabwila.

Aba Levi 13:2

“Nanti umuntu ali ni pumba pamo ukabuzi, pamo ichitufya pamubili wache, ghagho ghangaba mambombo, mwize nu muntu yula ku muputi u Aloni pamo ku weka uwa bana bache yuyo we muputi.”

Aba Levi 13:5

Pisiku ilyaseveni umuputi amupime sona umuntu yula, po nanti ichilonda chila chili bulo bulabula, sona nanti chitasatite pa mubili, amwefyepo umuntu yula pakasi pabantu amasiku aghanji seveni.

Aba Levi 13:7

Loli nanti ichilonda chikusata pa mubili uwa umuntu yula, bo umuputi amunena kale pakuba muntu muswepu, umuntu yula ilanjizye sona ku muputi.

Aba Levi 14:8

Umuntu yuyo aswefiwa amambombo achape amenda ghache, amwe isisi zyache, sona oghe, po akuba muntu muswepu. Pisinda pache anginjila muvisakasa, loli ikale kuzi ukwa chisakasa chache amasiku seveni.

Aba Loma 14:1

Mumupokele akiza umuntu yuyo ulwitiko lwache ludedebazu, loli mutakadalinkanaye nawe pachifukwa icha nyinong'ono zyache mufundo zimo.

2 Aba Kolinti 7:1

Mwee bamanyani bane abaghaniwa, pakuti twaba na malayizyo ghosi ghanagha, zagha twisuke twebene ku vintu vyosi vivyo vikunyazya umubili pamo amoyo ghitu, nukwipela twebene pakuba bantu abazelu, sona nukuba bantu abakumunyila u Chala.

Ukukumbusya Amalamulo 32:5

Loli abene, bate basubiliwa, pakuti lo luko ulubibi nu luzimbuli.

Aba Hebeli 10:22

po zagha tupalamile kwa Chala nu moyo uwanaloli nu moyo uwa lwitiko, sona na moyo ghagho ghaswefiwe umabyebye umubibi, sona na mabili ghagho ghasukiwe na mizi amiza.

Aba Hebeli 9:10

Pakuti ivi vyo vintu ivyakunena bulo nizya vyakulya ni vyakung'wela, sona ni nyiho izyakulekanalekana izyakwiswefya. Izi zyo ndaghilo izyakuzi bulo, zizyo zikwiza pakubako mupaka pakabalilo kako u Chala akwiza pakwikazizya ulubatiko ulupya.

Yakobo 3:2

Pakuti twebosi tukupuvya muvintu ivyinji. Loli nanti umuntu yumo atakupuvya pazizyo akunena, kokuti umuntu yunuyu wakufikapo, sona amenye pakulaghila umubili wache ghosi.