Aba Levi 12:7 - IBAYIBOLO 2024

⁷ Umuputi yula avibike pamaso pa Mwene ukuti chibanje ichakupepesezya imbibi izya mukolo yula, po umukolo yula akuswefiwa pachifukwa ichakutagha ibanda. Ulu lo lwiho ulwakumuswefezya umukolo, yuyo asayiwa umwana umulumendo pamo umwana umulindu.

Aba Levi 12:7 Iomraidhean Croise

Yobu 1:5

Bo amasiku agha lusekelo ghamala, u Yobu akabukagha na bana bache pakubaswefya. Pandabindabi akabikagha ichakwiyipa ichakocha icha mwana wesi pakuti akinong'onagha ukuti, “Lumo abana bane banangite nukumusamula u Chala umwakusita kumanya.” U Yobu akabombagha ulwiho ulu bwila na bwila.

Yobu 14:4

Nkimba wewenu yuyo angefyamo ichintu chicho chiswefiwe muchintu ichinyazu? Nayumoyumo!

Aba Levi 1:4

Umuntu yula abike inyobe yache pamutu uwa nkambaku yila, po yikwiza pakuba chakwiyipa ichakocha ichakupepesezya imbibi mubuzilo bwache.

Aba Levi 12:6

Bo amasiku aghakuswefiwa kwache ghamala, manyi mwana umulumendo, manyi mwana umulindu, umukolo yula ize nu mwana uwa ng'ozi uwa mwaka ghoka pamulyango uwa Chisakasa icha Mwene, nukumupa umuputi ukuti chibanje chakwiyipa ichakocha. Ize ni ntozi, pamo inkunda ukuti chibanje ichakupepesezya imbibi.

Aba Levi 12:8

Nanti umukolo yula ate nu mwana uwa ng'ozi, ize ni ntozi zibili pamo utwana tubili utwa nkunda ukuti vibanje chakwiyipa ichakocha, sona iyinji yibanje chakwiyipa ichakupepesezya imbibi. Po bunubu umuputi yula akwiza pakubika ichakwiyipa ichakupepesezya imbibi izya mukolo yula, po umukolo yula akuba muswepu.

Aba Levi 15:15

Umuputi yula abike ichiyuni choka ukuti chibanje ichakupepesezya imbibi, sona ichinji ukuti chibanje chakwiyipa ichakocha. Bunubu umuputi akwiza pakubika ichakwiyipa ichakupepesezya imbibi izya muntu uwakufumya amafila yula.

Aba Levi 4:20

Abombaye bunubu ni nkambaku yiniyi ukuyana namumo akochela inkambaku yiyo yikapeghiwa ukuti chibanje chakwiyipa ichakupepesezya imbibi. Bunubu umuputi usongo akwiza pakubika ichakwiyipa ichakupepesezya imbibi izya bantu, po zikwiza pakuhobokeliwa.

Aba Levi 4:26

Pisinda pache oche amafuta ghosi pachighemo, ukuyana namumo akaghochela amafuta agha nyama yiyo yikabikiwa ukuti chibanje chakwiyipa ichabupoka. Bunubu umuputi akwiza pakubika ichakwiyipa ichakupepesezya imbibi izya mulongozi yula, po imbibi zyache zikwiza pakuhobokeliwa.

Aba Levi 4:31

Pisinda pache efye amafuta ghache ghosi ukuyana namumo akefesezya amafuta agha chakwiyipa ichabupoka nukuyocha pachighemo umwakuti umunusi wache ghumuhobosye u Mwene. Bunubu umuputi akwiza pakubika ichakwiyipa ichakupepesezya imbibi izya muntu yula, po zikwiza pakuhobokeliwa.

Aba Levi 4:35

Pisinda pache efye amafuta ghache ghosi ukuyana namumo akefesezya amafuta agha ng'ozi yiyo yikabikiwa ukuti chibanje chakwiyipa ichabupoka nukuyocha pachighemo, poka ni chakwiyipa chicho chikabikiwa kwa Mwene. Bunubu umuputi akwiza pakubika ichakwiyipa ichakupepesezya imbibi izya muntu yula, po zikwiza pakuhobokeliwa.

Aba Loma 3:23

pakuti abantu bosi banangite, sona bapotwa pakufika mu buchindamu ubwa Chala.

Aba Loma 3:26

Loli ilelo u Chala amusala ukuti alanjizye ubugholosu bwache. Pakubomba zinizi u Chala akilanjizya mwene ukuti mugholosu, sona nukuti akubanena abantu bosi pakuba bagholosu pamaso papache, babo bakusubila mwa Yesu.

1 Aba Kolinti 7:14

Pakuti umwanavuli yuyo ate mukilisitu akupalamila kwa Chala ukwendela mu muchi wache. Umwakuyana bulo, wepe umukolo yuyo ate mukilisitu akupalamila kwa Chala ukwendela mu mulume wache. Nanti zitakabanga bunubu, po ngali abana binyu bakuzi, loli ukuyana namumo zibeleye, naloli bakupalamila kwa Chala.

Aba Galatiya 3:28

Polelo patalipo ukulekana nakumokumo pakasi pa mu Yuda nu muntu yuyo ate mu Yuda, pakasi pa muzya nu muntu umusatuke, pakasi pa mwanavuli nu mukolo, pakuti mwebosi mwe muntu weka pakumamatilana poka nu Kilisitu u Yesu.