Aba Levi 12:6 - IBAYIBOLO 2024

⁶ Bo amasiku aghakuswefiwa kwache ghamala, manyi mwana umulumendo, manyi mwana umulindu, umukolo yula ize nu mwana uwa ng'ozi uwa mwaka ghoka pamulyango uwa Chisakasa icha Mwene, nukumupa umuputi ukuti chibanje chakwiyipa ichakocha. Ize ni ntozi, pamo inkunda ukuti chibanje ichakupepesezya imbibi.

Aba Levi 12:6 Iomraidhean Croise

Ubwandilo 15:9

U Chala akamwamula akati, “Unsendele impampali iyamaka matatu, ni mbuzi inkolo iyamaka matatu nu dubi uwamaka matatu, sona ni ntozi ni nkunda.”

Aba Levi 12:2

“Ubalamule aba Izilayeli uti, ‘Nanti umukolo asayiwa umwana umulumendo, umukolo yula akuba munyazu amasiku seveni, ukuyana namumo akubelagha munyazu pakabalilo aka kuchakumwezi.’ ”

Aba Levi 12:5

Loli nanti umukolo yula asayiwa umwana umulindu, umukolo yulayula akuba munyazu abasabata babili, ukuyana namumo akubelagha munyazu pakabalilo aka kuchakumwezi. Po alindilile amasiku 66 umwakuti aswefiwe pachifukwa ichakutagha ibanda.

Aba Levi 12:7

Umuputi yula avibike pamaso pa Mwene ukuti chibanje ichakupepesezya imbibi izya mukolo yula, po umukolo yula akuswefiwa pachifukwa ichakutagha ibanda. Ulu lo lwiho ulwakumuswefezya umukolo, yuyo asayiwa umwana umulumendo pamo umwana umulindu.

Aba Levi 14:22

Abike sona intozi zibili pamo inkunda zibili, yoka ukuti chibanje chakwiyipa ichakupepesezya imbibi, iyinji ukuti chibanje chakwiyipa ichakocha.

Aba Levi 15:14

Pisiku ilya eyiti asende intozi zibili, pamo inkunda zibili nukwiza nazyo ku muputi pamulyango uwa Chisakasa pamaso pa Mwene.

Aba Levi 15:29

Pisiku ilya eyiti umukolo yula asende intozi zibili pamo inkunda zibili nukwiza nazyo ku muputi pamulyango uwa Chisakasa icha Mwene.

Ukubelengiwa 6:10

Pisiku ilya eyiti ize ku muputi ni ntozi zibili pamo utwana utwa nkunda tubili pamulyango uwa Chisakasa icha Mwene.

Luka 2:22

Akabalilo kakakwana akakuti u Yosefu nu Maliya babombe ulwiho ulwa kwiswefezya ukuyana ni Ndaghilo izya Mozesi. Po bakasenda umwana nukubuka nawe mu Yelusalemu pakupaghuliliwa kwa Mwene.

Yohani 1:29

Ilyandabi, u Yohani akamwennya u Yesu akwiza kukwache, po akati, “Ennya, u Mwana uwa ng'ozi uwa Chala, yuyo akwefya imbibi izya bantu aba muchisu ichapasi.

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

Aba Hebeli 7:26

Chikaba chakulondiwa ukuti aswe tubanje nu muputi usongo yunuyu. Umuputi uyu muzelu, yuyo ate ni chilema nachimochimo, sona ate ni mbibi nayimoyimo. Umwene akakweziwa ukuchila ivintu vyosi ivya kumwanya.