Aba Levi 12:2 - IBAYIBOLO 2024

² “Ubalamule aba Izilayeli uti, ‘Nanti umukolo asayiwa umwana umulumendo, umukolo yula akuba munyazu amasiku seveni, ukuyana namumo akubelagha munyazu pakabalilo aka kuchakumwezi.’ ”

Aba Levi 12:2 Iomraidhean Croise

Ubwandilo 1:28

U Chala akabasaya nukubabuzya ukuti, “Mupapanaye nukubala, sona mwizuzye ichisu ichapasi nukuchilaghila. Nkubapa ubulaghili pa iswi, ni viyuni, sona napa vinyamana vyosi ivyakwavula.”

Ubwandilo 3:16

Po u Chala akamubuzya umukolo akati, “Nkwiza pakonjelezya intamyo pabung'wamu bwako, sona nu bubavu pakusayiwa umwana. Loli pope bulo ukwiza pakumunyonywa umulume wako, po akwiza pakukulamulila.”

2 Samuweli 11:4

U Devedi akatuma intumi pakumusenda umukolo yula. Akiza nawe kwa Devedi, po u Devedi akaghonana nawe. Pakabalilo kalakala umukolo yula akaba ukuti aswefiwa bulo ichakumwezi, po umukolo yula akabwela.

Yobu 14:4

Nkimba wewenu yuyo angefyamo ichintu chicho chiswefiwe muchintu ichinyazu? Nayumoyumo!

Yobu 15:14

“Nkimba umuntu wenu yuyo angaba muzelu, pamo umuntu yuyo apapiwe nu mukolo, angaba mugholosu?”

Yobu 25:4

Po nkimba umuntu angaba bulibuli mugholosu pamaso pa Chala? Nkimba umuntu yuyo apapiwe nu mukolo, angaba bulibuli muzelu?

Masalimo 51:5

Naloli nkapapiliwa mumbibi, nkaba ne mubibi ukwandila papo umayi wane akamela ulwanda.

Aba Levi 12:1

U Mwene akamubuzya u Mozesi akati,

Aba Levi 12:5

Loli nanti umukolo yula asayiwa umwana umulindu, umukolo yulayula akuba munyazu abasabata babili, ukuyana namumo akubelagha munyazu pakabalilo aka kuchakumwezi. Po alindilile amasiku 66 umwakuti aswefiwe pachifukwa ichakutagha ibanda.

Aba Levi 15:19

Nanti umukolo ali ni chakumwezi, akuba muntu munyazu amasiku seveni. Po nanti umuntu akumupalamasya, wepe akuba muntu munyazu mupaka pachamabwila.

Aba Levi 18:19

Utakaghonaye nu mukolo bo ali ni chakumwezi, pakuti akuba muntu munyazu.

Aba Levi 5:3

“ ‘Nanti umuntu apalamasya ichintu ichinyazu icha mumubili uwa muntu umwakusita kumanya, loli nanti amanya bulo, kokuti umuntu yulayula apalaghula inongwa.

Luka 2:22

Akabalilo kakakwana akakuti u Yosefu nu Maliya babombe ulwiho ulwa kwiswefezya ukuyana ni Ndaghilo izya Mozesi. Po bakasenda umwana nukubuka nawe mu Yelusalemu pakupaghuliliwa kwa Mwene.