Aba Levi 11:8 - IBAYIBOLO 2024

⁸ Mutakalyanje inyama yache, pamo ukuyipalamasya bulo nanti yifuye, pakuti vinivi vyo vinyamana ivinyazu.

Aba Levi 11:8 Iomraidhean Croise

Yesaya 52:11

Epamo, epamo, fumamo muchisu icha Babiloni, mutakapalamasyanje nachimo ichintu chicho chinyazu! Fumamo mwiswefye mwebene, amwe mwe mukunyamula ivibombelo ivya mu Nyumba iya Chala.

Hoseya 9:3

Batakwiza pakulekiwa muchisu icha Mwene. U Izilayeli akwiza pakunyokela ku Ijiputi nukulya ichakulya ichinyazu mu Asiliya.

Aba Levi 11:7

Ingulube, cho chinyamana ichinyazu, napapo inyayo zyache zigabinkanite pabili loli chitakubukula, chinichi cho chinyamana ichinyazu.

Aba Levi 11:9

“Mungalya ivyabumi vyosi ivya mumizi vivyo vili nu mupepe, sona nu tupapa.

Aba Levi 5:2

“ ‘Pamo nanti umuntu apalamasya ichintu ichinyazu umwakusita kumanya, ngati chinyamana ichifwe chene, pamo ichitekwa, pamo ichinyamana ichakwavula ichifwe, kokuti umuntu yulayula aba munyazu, sona apalaghula inongwa.

Matayi 15:11

Chite cho chicho chikwinjila mumulomo uwa muntu chikumunyazya, loli chicho chikufuma mumulomo wache cho chicho chikumunyazya.”

Matayi 15:20

Ivintu vinivi vyo vivyo vikumunyazya umuntu. Loli ukulya bo mutasukusuye akiza munyobe zyinyu ukuyana namumo bakunenela, vitakumunyazya umuntu.”

Maliko 7:15

Nachimochimo chicho chikwinjila mumuntu ukufuma kuzi ukwa mubili chicho chikumunyazya, loli chicho chikufuma mumuntu yula cho chicho chikumunyazya.”

Maliko 7:18

U Yesu akanena nabo akati, “Nkimba imitu yinyu yichili mikafu? Nkimba mutakwivwisya? Nachimo chicho chikwinjila mumuntu ukufuma kuzi ukwa mubili chicho chikumunyazya,

Maliko 7:2

Bakazyaghannya ukuti abamanyili bamo aba Yesu bakalyanga bo batasukusuye akiza munyobe, ukuyana namumo aba Falisayi bakalondelagha ukuti vibombiwanje.

Imbombo 10:28

Akababuzya akati, “Amwe mwebene muzimenye akiza nkani ukuti umu Yuda atakwitikiziwa pakwendelana pamo ukwangalilana na bantu babo bate ba Yuda. Loli u Chala andanjizya ukuti umuntu yuyo amupaghula ukuti muzelu intakamupimaye pakuba muntu yuyo ate muzelu pamo munyazu.

Imbombo 15:29

Mutakalyanje ichakulya chicho chibikiwe ku vifwani ukuti chibanje chakwiyipa; mutakalyanje ibanda, mutakalyanje ichinyamana chicho chanyongiwa bulo, sona mutakalowaye. Mukwiza pakubomba akiza nanti mukuvileghuka ivintu vinivi. Musyale akiza.”

Aba Loma 14:21

Chizapo ukuleka pakulya inyama pamo pakung'wela uvinyo pamo pakubomba chicho chingamupela umukamu wako ukuti anange.

1 Aba Kolinti 8:8

Loli ivyakulya vitakwiza pakutupalamizya kupipi nu Chala. Tutakutaghapo nachimochimo nanti tutakuvilya, sona tutakukabapo nachimochimo nanti tukuvilya.

2 Aba Kolinti 6:17

Polelo u Mwene akuti, “Fumako kukwabo sona mwipaghule. Mutakapalamasyanje nachimo ichintu chicho chinyazu, po nkwiza pakubapokela.

Aba Efeso 5:11

Mutakasendayepo ichigaba pavintu ivya muchisi vivyo vitakupa ivikomwa, loli mubavumbulaye pabuzelu.

Aba Efeso 5:7

Polelo mutakamanyanaye nabo abantu banaba.

Aba Kolosi 2:16

Polelo patakabepo nayumo umuntu uwakubalonga pachifukwa icha vivyo mukulya, pamo ukung'wela, pamo nizya lusekelo ulwa chiputo, pamo Ulusekelo ulwa Kupanta ukwa Mwezi, pamo nizya Isiku Ilyakutuzya.

Aba Hebeli 9:10

Pakuti ivi vyo vintu ivyakunena bulo nizya vyakulya ni vyakung'wela, sona ni nyiho izyakulekanalekana izyakwiswefya. Izi zyo ndaghilo izyakuzi bulo, zizyo zikwiza pakubako mupaka pakabalilo kako u Chala akwiza pakwikazizya ulubatiko ulupya.