Aba Levi 11:44 - IBAYIBOLO 2024

⁴⁴ Ane ne Mwene, u Chala winyu. Polelo mwiswefye mwebene pakuba bantu bazelu, pakuti ane ne Muzelu. Mutakinyazyanje mwebene ni vinyamana ivyakwavula.

Aba Levi 11:44 Iomraidhean Croise

Masalimo 99:5

Mumukwezyanje u Mwene u Chala witu, sona mumwiputaye pantazi panyayo zyache, pakuti muzelu.

Masalimo 99:9

Mumukwezyanje u Mwene u Chala witu, sona mumwiputaye pighamba lyache izelu, pakuti u Mwene u Chala witu muzelu.

Ukufuma 16:12

“Nivwa amilumbusyo agha ba Izilayeli. Ubabuzye ukuti, ‘Pachamabwila mukwiza pakulya inyama, sona pandabindabi mukwiza pakulya ivibama. Po mukwiza pakummanya ane ukuti ne Mwene u Chala winyu.’ ”

Ukufuma 19:10

U Mwene akamulamula u Mozesi akati, “Bukagha ku bantu ukuti ilelo ni ndabi biswefye nukuchapa amenda ghabo.

Ukufuma 19:6

Amwe mwe luko ulupaghuliwa, sona mukwiza pakuba mwe baputi. Ubabuzye amazyu ghanagha aba Izilayeli.”

Ukufuma 20:2

“Ane ne Mwene u Chala winyu, ne nkabefyamo mu Ijiputi, mumo mukaba mwe bazya.

Ukufuma 22:30

Mubombaye bunubu na bana abakwanda pakupapiwa aba ng'ombe ni ng'ozi zyinyu. Umwana umwanavuli uwa ng'ombe pamo uwa ng'ozi uwakwanda pakupapiwa ikale nu nyina amasiku seveni, loli mumpanje pisiku ilya eyiti.

Ukufuma 22:31

“Amwe mwe bantu bane abazelu. Polelo mutakalyanje inyama iya chinyamana chicho chalika bulo ni chinyamana icha muzi, loli muyisumbilaye imbwa.

Ukufuma 23:25

Mumwiputaye u Mwene U Chala winyu, po nkwiza pakubasaya ni vyakulya na mizi aminji. Nkwiza pakubapozya ububine bosi.

Ukufuma 6:7

Amwe mukwiza pakuba mwe bantu bane, nane nkwiza pakuba ne Chala winyu. Po mukwiza pakumanya ukuti ane ne Mwene, u Chala winyu, ne nkababula kumbombo inkafu zizyo aba Ijiputi bakabafyenga pakubomba.

Yesaya 43:3

Pakuti ne Mwene, u Chala winyu, Umuzelu uwa Izilayeli, Umupoki winyu, nkwiza pakukupa u Ijiputi pakubapoka amwe, u Etiyopiya nu Seba mubuzilo bwako.

Yesaya 51:15

Pakuti ne Mwene u Chala winyu, yuyo akuyivundula inyanja, ukuti amayigha ghache ghapomaye, itabwa lyache we Mwene Uwamaka Ghosi.

Aba Levi 10:3

U Mozesi akamubuzya u Aloni akati, “Agha gho mazyu agha Mwene bo akuti, ‘Abantu bosi babo bali papipi nane, nkwiza pakubalanjizya ubuzelu bwane sona nkwiza pakuchindikiwa pakasi pabantu bosi.’ ” Loli u Aloni akaba bulo myee.

Aba Levi 11:43

Mutakinyazyanje mwebene pakulya ivintu vinivi.

Aba Levi 18:2

“Ubabuzye aba Izilayeli uti, Ane ne Mwene u Chala winyu.

Aba Levi 19:10

Mutakinulaye amampesya ghosi mumaghunda ghinyu, sona mutakanyokelaye mwisinda pakuseba amampesya ghosi ghagho ghawiye pasi. Amampesya ghanagho mubalekele abapina na bayeni. Ane ne Mwene u Chala winyu.

Aba Levi 19:2

“Uchibuzye ichilundilo chosi icha ba Izilayeli uti, ‘Mubanje bazelu, pachifukwa ichakuti ane ne Mwene, u Chala winyu ne muzelu.

Aba Levi 19:3

“ ‘Umuntu wesi amuchindikaye unyina nu wise nukulisungilila Isiku lyane Ilyakutuzya. Ane ne Mwene u Chala winyu.

Aba Levi 19:4

“ ‘Mutakiputaye ivifwani, pamo ukwipangila mwebene abachala aba chela. Ane ne Mwene u Chala winyu.

Aba Levi 20:26

Mubanje mwe bantu bazelu, pakuti Ane ne Mwene ne muzelu, sona imbapaghuye amwe pakasi pabantu aba inko izinji, umwakuti mubanje bantu abane na bane.

Aba Levi 20:7

“ ‘Po mwiswefyanje mwebene, sona mubanje bantu bazelu. Ane ne Mwene u Chala winyu.

Aba Levi 21:8

Mubapimaye abaputi pakuba bantu bazelu, pakuti abene bo babo bakubika ichakwiyipa icha chakulya kwa Chala winyu. Mubapimaye pakuba bantu bazelu, pakuti Ane ne Mwene ne muzelu, sona nkubapela amwe pakuba mwe bazelu.

Amosi 3:3

Nkimba abantu babili bangenda poka, bo bativwanite?

Ukubelengiwa 15:40

Po mukwiza pakughakumbuka amalamulo ghane ghosi, sona ghakwiza pakuba mapaghuliwa kwa Chala winyu.

Matayi 5:48

Po mubanje bantu abiza muvintu vyosi ukuyana namumo Ughuso uwakumwanya abeleye!

Ukukumbusya Amalamulo 14:2

pakuti amwe mwe bantu abazelu aba Mwene u Chala winyu. U Mwene abasalite amwe pakasi pabantu aba inko izinji zyosi izya muchisu ichapasi ukuti mubanje bache na bache.

1 Aba Tesalonika 4:7

U Chala atakatwitizya aswe ukuti tubombaye ubunyazu, loli ukuti tubanje bantu abazelu.

Yoshwa 24:19

Po u Yoshwa akababuzya abantu akati, “Lumo mutangamubombela u Mwene, pakuti we Chala Umuzelu; we Chala uwabuzuba. Atakwiza pakubahobokela pachifukwa icha kusambuka kwinyu, sona ni mbibi zyinyu.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

Ubuvumbuli 22:11

Umuntu wesi yuyo akubomba ububibi, endelele pakubomba ububibi bwache. Umuntu wesi yuyo munyazu, endelele pakuba munyazu. Umuntu wesi yuyo mugholosu, endelele pakuba mugholosu, sona umuntu wesi yuyo muzelu, endelele pakuba muzelu.”

1 Samuweli 2:2

“Atalipo nayumo yuyo muzelu ngati we Mwene, sona ataliko nayumoyumo yuyo ayanite nawe. Litalipo nalimolimo ilyalabwe ilinji, lilyo liyanite nu Chala witu.

1 Samuweli 6:20

Abantu aba mu Beti Shemeshi bakalalusya bakati, “Nkimba wewenu angimilila pamaso pa Mwene, u Chala Umuzelu uyu? Nkimba Ibokosi ilya Lufingo ilya Chala uwa Izilayeli tukwiza pakulituma kwiyi, bo lyepako kuno?”