Aba Levi 11:25 - IBAYIBOLO 2024

²⁵ Nanti umuntu aseba bulo ichinyamana ichifwe, achape amenda ghache, sona akuba muntu munyazu mupaka pachamabwila.

Aba Levi 11:25 Iomraidhean Croise

Masalimo 51:2

Ubusukaye ububibi bwane bosi, sona unswefyanje kumbibi zyane.

Masalimo 51:7

Unswefye ni chisilo, po nkwiza pakuswepa naloli, sona unyosyanje, po nkwiza pakuswepa ngati we kabefu.

Ukufuma 19:10

U Mwene akamulamula u Mozesi akati, “Bukagha ku bantu ukuti ilelo ni ndabi biswefye nukuchapa amenda ghabo.

Ukufuma 19:14

U Mozesi akika pighamba pala nukubuka ku bantu pakubaswefya, sona abantu bakachapa amenda ghabo.

Aba Levi 11:24

Vilipo ivinyamana vimo vivyo vingabanyazya. Umuntu wesi yuyo akuvipalamasya ivinyamana vinivi nanti vifuye, akuba muntu munyazu mupaka pachamabwila.

Aba Levi 11:26

Ichinyamana chosi chicho chili ni nyayo zizyo zigabinkanite pabili, loli zitagabinkanite apinji pamo chitakubukula chinyazu sona umuntu nanti akuchipalamasya akuba muntu munyazu.

Aba Levi 11:28

Umuntu wesi yuyo aseba ivinyamana vinivi nanti vifuye, achape amenda ghache, sona akuba muntu munyazu mupaka pachamabwila.

Aba Levi 11:40

Nanti umuntu akulya inyama iya chinyamana chinichi, achape amenda ghache, sona akuba muntu munyazu mupaka po pachamabwila. Umuntu wesi yuyo akuseba ichinyamana ichifwe chene chila, achape amenda ghache, sona akuba muntu munyazu mupaka pachamabwila.

Aba Levi 13:6

Pisiku ilyaseveni umuputi amupime sona umuntu yula, po nanti ichilonda chila chikupola, sona nanti chitasatite pa mubili, amunene umuntu yula pakuba muntu muswepu, pakuti cho chitufya bulo. Umuntu yula achape amenda ghache, po akuba muntu muswepu.

Aba Levi 14:46

Umuntu wesi yuyo akwinjila munyumba bo yighaliliwe, akuba muntu munyazu mupaka pachamabwila.

Aba Levi 14:47

Umuntu wesi yuyo akughonamo, pamo akulyela munyumba mula, achape amenda ghache.

Aba Levi 14:8

Umuntu yuyo aswefiwa amambombo achape amenda ghache, amwe isisi zyache, sona oghe, po akuba muntu muswepu. Pisinda pache anginjila muvisakasa, loli ikale kuzi ukwa chisakasa chache amasiku seveni.

Aba Levi 15:13

Nanti umuntu uwakufumya amafila apola, abelenge amasiku seveni aghakuswefiwa kwache, pisinda pache achape amenda ghache, sona oghe amizi agha pambwibi, po akuba muntu muswepu.

Aba Levi 15:15

Umuputi yula abike ichiyuni choka ukuti chibanje ichakupepesezya imbibi, sona ichinji ukuti chibanje chakwiyipa ichakocha. Bunubu umuputi akwiza pakubika ichakwiyipa ichakupepesezya imbibi izya muntu uwakufumya amafila yula.

Aba Levi 15:5

Nanti umuntu akuchipalamasya ichitala chilachila, achape amenda ghache, sona oghe, loli akuba muntu munyazu mupaka pachamabwila.

Aba Levi 16:26

“Umuntu yuyo akayichimbizizya imbuzi yila kwa Azazele achape amenda ghache nukogha. Po anginjila muvisakasa.

Aba Levi 16:28

Umuntu yuyo akuvyocha achape amenda ghache nukogha, po anginjila muvisakasa.

Aba Levi 17:15

Nanti umuntu yumo manyi mwenekaya, manyi muyeni nanti akulya ichinyamana ichifwe chene manyi chakulika, achape amenda ghache nukogha, loli akuba muntu munyazu mupaka pachamabwila. Pisinda pache akwiza pakuba muntu muswepu.

Aba Levi 22:6

Umuputi wesi yuyo akupalamasya ichintu chinichi akuba munyazu mupaka pachamabwila. Atakalyanje ivyakwiyipa ivipaghuliwa mupaka oghe tasi umubili ghosi.

Zekaliya 13:1

U Mwene Uwamaka Ghosi akuti, “Pisiku lilalila imbwibwi yikwiza pakubighukila abamunyumba iya Devedi, sona na bantu babo bakwikala mu Yelusalemu, ukuti yibaswefye kumbibi zyabo naku bunyazu bwabo.

Ukubelengiwa 19:10

Umuntu yuyo akuyola itoyi ilya mpampali yila achape amenda ghache, sona wepe akuba muntu munyazu mupaka pachamabwila. Ululaghilo ulu lubanje lwa bwila na bwila ulwa ba Izilayeli, sona na bayeni babo bakwikala pakasi papabo.

Ukubelengiwa 19:19

Po umuntu yuyo te munyazu amunyafile umuntu yuyo munyazu pisiku ilyabutatu nilyaseveni, sona amuswefye umuntu yula pisiku ilyaseveni. Umuntu yulayula achape amenda ghache nukogha, po pachamabwila akuba muntu muswepu.

Ukubelengiwa 19:7

Umuputi yula achape amenda ghache nukogha, po anginjila muvisakasa, loli akuba muntu munyazu mupaka pachamabwila.

Ukubelengiwa 19:8

Umuntu yuyo akulungulizya ingwata yila, achape amenda ghache nukogha, sona wepe akuba muntu munyazu mupaka pachamabwila.

Ukubelengiwa 31:24

Pisiku ilyaseveni muchape amenda ghinyu, po mukwiza pakuswepa. Pisinda pache munginjila muvisakasa.”

Yohani 13:8

U Pitala akati, “Awe, ute ukansukuzyepo nalumolumo inyayo zyane.” U Yesu akamula akati, “Nanti intakusukuzya inyayo zyako, utakwiza pakubapo nalumolumo sona mumanyili wane.”

Imbombo 22:16

Po ilelo nkimba ukulindilila ichoni? Nyamuka nukoziwa ukuti imbibi zyako zisukiwe pakumwiputa.’ ”

Aba Hebeli 10:22

po zagha tupalamile kwa Chala nu moyo uwanaloli nu moyo uwa lwitiko, sona na moyo ghagho ghaswefiwe umabyebye umubibi, sona na mabili ghagho ghasukiwe na mizi amiza.

Aba Hebeli 9:10

Pakuti ivi vyo vintu ivyakunena bulo nizya vyakulya ni vyakung'wela, sona ni nyiho izyakulekanalekana izyakwiswefya. Izi zyo ndaghilo izyakuzi bulo, zizyo zikwiza pakubako mupaka pakabalilo kako u Chala akwiza pakwikazizya ulubatiko ulupya.

1 Pitala 3:21

Amizi ghanagha cho chimanyilo icha lozyo, lulo ilelo lukubapoka ukwendela mukuzyuka kubufwe ukwa Yesu Kilisitu. Ulozyo lute ko kusuka ichiko icha mu mubili, awe. Loli lilayizyo lilyo likapangiwa kwa Chala pachifukwa icha mabyebye umwiza.

1 Yohani 1:7

Loli nanti tukwenda mu lukozyo, ukuyana namumo abeleye mu lukozyo, kokuti tuli mubupoka twebenebene, sona ibanda ilya Yesu u Mwana wache likutuswefya aswe imbibi zyosi.

Ubuvumbuli 7:14

Nkamwamula nkati, “Mwene wane, wewe uzimenye.” Po akambuzya akati, “Aba bo bantu babo bapona pakuvwimiwa ukukulu nkani. Bachapite inkazo zyabo nukwiswefya bene ni banda ilya Mwana uwa ng'ozi.