Aba Levi 10:9 - IBAYIBOLO 2024

⁹ “Awe na bana bako mutakang'welaye uvinyo, pamo ubwalwa, bo mukwinjila mu Chisakasa icha Mwene lumo mungafwa. Ulu lubanje lulaghilo ulwa bwila na bwila mupaka inkulilo zyinyu zyosi izya muntazi.

Aba Levi 10:9 Iomraidhean Croise

Ukufuma 27:21

U Aloni na bana bache abalumendo bo babo bakozyanje inyale mu Chisakasa icha Mwene, kuzi ukwa mwenda uwakuzighila, ghugho ghuli pantazi pa Bokosi ilya Lufingo. Pantazi papane inyale zyakaye palapala ukwandila pachamabwila mupaka pandabindabi. Aba Izilayeli poka na baluko lwabo balisungaye ilamulo mupaka inkulilo zyinyu zyosi izya muntazi.

Ivyili 20:1

Uvinyo cho chakung'wela chicho chikumupelela umuntu pakuba we ching'wela, sona wesi yuyo akuzimbuliwa nu vinyo ate na mahala.

Yesaya 28:7

sona na bantu banaba bope bakutantalila, pachifukwa icha vinyo. Abaputi na balaghuzi bakutantalila pachifukwa icha vinyo, bakutantalila bo bakwennya ivisetuka, bakupotwa pakulonga inongwa zizyo abantu bakubizila nazyo.

Ezekiyeli 44:21

Atakabepo nayumoyumo umuputi uwakung'wela uvinyo, bo akwinjila mulubinjilo ulwamukasi.

Hoseya 4:11

U Mwene akuti, “Ubwamalaya, uvinyo uwakale manyi umupya akughanangannya ukwivwisya ukwa bantu bane.

Aba Levi 10:8

U Mwene akamulamula u Aloni akati,

Aba Levi 3:17

“ ‘Ulu lubanje lulaghilo ulwa bwila na bwila mupaka inkulilo zyosi izya muntazi ukuti mutakalyanje amafuta pamo ibanda kosi kuko mukwikala.’ ”

Ukubelengiwa 6:20

Umuputi avizyunguzye pamaso pa Mwene ukuti chibanje chakwiyipa ichakuzyunguzya mumwanya. Ivyakwiyipa vinivi vizelu, sona vya muputi, poka na kajimbi kako akakuzyunguzya mumwanya, sona ni ntapatapa. Pisinda pache umu Nazili yula angang'wela uvinyo.

Ukubelengiwa 6:3

ikanizye mwene pakung'wela uvinyo pamo ubwalwa. Atakang'welaye uvinyo uwa mampesya pamo ichakung'wela chicho angakolwa nacho. Atakang'welaye amizi agha mampesya, pamo ukulya amampesya amabisi, pamo amampesya amumizu.

Luka 1:15

Akwiza pakuba muntu uwapamwanya pamaso pa Mwene. Atakang'welepo nalumolumo uvinyo, pamo ichakung'wela chicho angakolwa nacho. Ukwandila pisiku lilyo apapiwa, akwiza pakwizula nu Muzimu Umuzelu

Aba Efeso 5:18

Sona mutakakolwanje nu vinyo pakuti ukukolwa kukupela ukunanganika. Loli mwizulaye nu Muzimu Umuzelu.

1 Timoti 3:3

Atakabe we ching'wela, pamo umuntu uwa lombwa, loli abanje mololo. Atakabe wavyongo, sona atakazighanaye indalama.

1 Timoti 3:8

Umwakuyana bulo, bope abavwilizi muchipanga babanje ni nkalo inyiza, sona abasubiliwa. Batakang'welaye nkani uvinyo, pamo pakuba baghana ndalama.

1 Timoti 5:23

Utakang'welaye amizi ghene, loli ung'welayeko uvinyo panandi bulo pachifukwa icha ntamyo yiyo uli nayo mukasi, sona ni chifukwa icha kubinabina kwako.

Titi 1:7

Pakuti usongo uwa chipanga we wakwenelezya imbombo iya Chala, abanje muntu umusita chilema nachimochimo. Atakabanje muntu uwakwitutumula nu wakukalala mwalwemwalwe pamo uching'wela. Atakabanje muntu uwalombwa, pamo umughana ndalama.