Aba Levi 10:6 - IBAYIBOLO 2024

⁶ U Mozesi akamubuzya u Aloni na bana bache, u Eleyazala nu Itamali akati, “Mutakalanjizye ichililo chinyu pakuzileka bulo isisi zyinyu zizyo zitapesiwe, sona na pakuzepula amenda ghinyu. Nanti mwabomba bunubu, mukwiza pakufwa, sona u Mwene akwiza pakubafunda abantu bosi nu bukali bwache. Loli aba Izilayeli bosi bitikiziwe ukulila pachifukwa icha bufwe ubwa babo baghoghiwe numoto ghugho u Mwene akatuma.

Aba Levi 10:6 Iomraidhean Croise

2 Samuweli 24:1

U Mwene akabakalalila nkani aba Izilayeli, umwakuti akamudeba u Devedi ukuti abatamye aba Izilayeli. U Mwene akamubuzya u Devedi akati, “Buka pakubabelenga aba Izilayeli naba luko ulwa Yuda.”

Ezila 7:5

umwana uwa Abishuwa, umwana uwa Finehasi, umwana uwa Eleyazala, umwana uwa Aloni, yuyo akaba muputi usongo.

Ukufuma 33:5

Pakuti u Mwene akamubuzya u Mozesi akati, “Ubabuzye aba Izilayeli uti, ‘Amwe mwe bantu aba moyo amakafu nkani. Nanti nkabukagha namwe, napapo po pakabalilo kanandi bulo ngali nabanangannya. Losi ulu vula ivyakwibonesekezya akiza, po nkwiza pakumanya ichakuti imbombe namwe.’ ”

Ukufuma 6:23

U Aloni akamusenda u Elishiba umwana uwa Aminadabu, umuyemba uwa Nashoni. Po akapapa nawe abana aba: U Nadabu nu Abihu nu Eleyazala nu Itamali.

Yelemiya 7:29

“ ‘Lilagha mwe bantu aba mu Yelusalemu, mwanga isisi zyinyu sona muzisumbe, mulile nkani pamwanya patughamba, pakuti ane ne Mwene nkalaye sona nabakana abantu bane.

Aba Levi 13:45

“Umuntu uwa mambombo, avwalaye ivisepe, atakapese isisi zyache, sona avwinke umulomo wache uwa pamwanya nukukolomoka ukuti, ‘Ane ne muntu munyazu! Ane ne muntu munyazu!’

Mika 1:16

Mumwanje isisi zyinyu pakubalilila abana binyu, babo mubaghanite nkani, Mumwanje ulupala ngati lizwanga, pakuti abana binyu bakwiza pakusendiwa kukwinyu nukubuka nabo kubuzya.

Ukubelengiwa 1:53

Loli aba Levi bazengaye ivisakasa vyabo umwakuchizyungulila Ichisakasa umwakuti u Mwene atakabakalalilaye aba Izilayeli. Aba Levi bo babo bachisungililaye Ichisakasa icha Mwene chila.

Ukubelengiwa 14:6

U Yoshwa umwana uwa Nuni nu Kalebu umwana uwa Yefune, babo bakaba bamo aba mukabukatila aka batendezi, bakazepula amenda ghabo pachifukwa icha chitima.

Ukubelengiwa 16:22

Loli u Mozesi nu Aloni bakafughama nukukolomoka ukuti, “Wee Chala, sona we mbwibwi iya bumi ubwa bantu bosi, nkimba uchikalaliye ichilundilo chosi pachifukwa icha mbibi izya muntu weka?”

Ukubelengiwa 18:5

“Amwe mubombaye imbombo iya Mubuzilo Ubuzelu, sona na pachighemo, umwakuti ubukali bwane butakabawile aba Izilayeli.

Ukubelengiwa 20:25

Ukwele pamwanya pighamba ilya Holi awe nu Aloni, poka nu mwana wache u Eleyazala.

Ukubelengiwa 5:18

Bo umuputi amwimika umukolo yula pamaso pa Mwene, asatule isisi izya mukolo yula nukubika munyobe zyache ichakwiyipa icha busu ichakubuzikizya nanti abombite imbibi, chicho chakwiyipa icha buzuba chila, bo umuputi alemite amizi aghakubaba ghagho ghakwiza ni nguno.

Ukukumbusya Amalamulo 33:9

U Levi akaghivwila amazyu ghako, nukulusunga ulufingo lwako. Akaba musubiliwa nkani kukwako, ukumuchila uwise nu nyina, na bawamwabo, sona na bana bache.

Yoshwa 22:18

Nkimba ilelo mukulonda pakuleka pakumukonka u Mwene? “ ‘Nanti ilelo mwamusambukila u Mwene, kokuti indabi akwiza pakubakalalila aba Izilayeli bosi.

Yoshwa 22:20

Bo u Akani, umwana uwa Zela aba temusubiliwa pavintu ivipaghuliwa, nkimba u Mwene atakabakalalila aba Izilayeli bosi? Pisiku lilalila atakaba we Akani mwene, yuyo akafwa pachifukwa icha mbibi zyache, awe.’ ”

Yoshwa 7:1

Loli aba Izilayeli bamo batakaba basubiliwa pazizyo u Mwene akabalamula ukuti batakasendepo nachimochimo chicho chibaghiye pakunanganika. U Akani umwana uwa Kalimi umwizukulu uwa Zabidi, umwana uwa Zela, yuyo akaba waluko ulwa Yuda akibapo vimo ivintu vila. Po u Mwene akabakalalila nkani aba Izilayeli.

Yoshwa 7:11

Aba Izilayeli babombite imbibi. Abene bakalunangannya ulufingo lulo nkabalamula ukuti balusunge. Bakasenda ivintu vimo ivipaghuliwa, bibite, sona batamanta nukuvifisa ivintu vinivi pakasi pavintu vyabo.