Aba Levi 10:3 - IBAYIBOLO 2024

³ U Mozesi akamubuzya u Aloni akati, “Agha gho mazyu agha Mwene bo akuti, ‘Abantu bosi babo bali papipi nane, nkwiza pakubalanjizya ubuzelu bwane sona nkwiza pakuchindikiwa pakasi pabantu bosi.’ ” Loli u Aloni akaba bulo myee.

Aba Levi 10:3 Iomraidhean Croise

Ubwandilo 18:25

Naloli momumo utangabaghogha abantu abagholosu poka na bantu abambibi. Awe, ichi chitangabombiwa! Utangachibomba! Nanti ungachibomba, kokuti abantu abagholosu bangafundiwa poka na bantu abambibi. Umulongi uwa chisu chosi ichapasi abombaye ubwanaloli.”

Yobu 2:10

U Yobu akamwamula akati, “Utakanenaye ngati po we mukolo umupunganu. Nanti u Chala akutupa ivintu ivyiza, tukuvipokela. Nkimba choni chicho tukwilumbusya nanti akutuwisizya intamyo?” Napapo zikaba bunubu, u Yobu atakanenapo amazyu amabibi.

Masalimo 119:120

Umubili wane ghukutetema, pachifukwa icha kukunyila, po nkunyila ubulongi bwako.

Masalimo 148:14

Abakwezya abantu bache, pakubapa amaka, abantu bache abasubiliwa ukuti bamupalaye, u Izilayeli yuyo wapamoyo wache. U Mwene apaliwanje.

Masalimo 39:10

Efyapo indisa yako papane, ane navulala nkani pachifukwa icha kunsyempa.

Masalimo 39:9

Nkaba bulo myee, intakalondagha na pakunenapo chimo, pakuti wewe wazibomba zinizi.

Masalimo 46:10

“Banga bulo myee, sona uzimanye ukuti ne Chala, sona abantu aba inko izinji bakwiza pakumpala, bope abantu aba muchisu ichapasi bakwiza pakunkwezya.”

Masalimo 89:7

Bakumunyila nkani u Chala mulukomano uluzelu nkani, sona wakuswighisya ukubachila bosi babo bamuzyunguliye

Masalimo 93:5

Amalamulo ghako ghatakwanduliwa nalumolumo. Wee Mwene ubuzelu bwako bulaghilaye inyumba yako bwila na bwila.

Ukufuma 14:17

Nkwiza pakughapela amoyo agha ba Ijiputi pakuba makafu nkani, umwakuti bakwiza pakubakonka. Po nkwiza pakuchindikiwa ukwendela mwa Falabo na basilikali bache, ni ngolo zyache izya bwite, sona na bendezya ingolo zyache izya bwite.

Ukufuma 14:4

Nkwiza pakughupela umoyo uwa Falabo pakuba mukafu nkani umwakuti akwiza pakubachimbizya. Loli itabwa lyane likwiza pakuchindikiwa, bo namupota u Falabo na basilikali bache, sona aba Ijiputi bosi bakwiza pakummanya ane ukuti ne Mwene.” Po aba Izilayeli bakabomba vivyo bakabuziwa.

Ukufuma 19:22

Na baputi bulo babo bakumpalamila biswefye bene, lumo u Mwene akwiza pakubafunda.”

Ukufuma 19:24

U Mwene akamula akati, “Ika, kamusende u Aloni, loli abaputi na bantu batakachile impaka pakwiza kukwane, lumo ningabafunda.”

Ukufuma 30:30

“Po umupakazye na mafuta u Aloni na bana bache nukubapaghula pakuba baputi bane.

Yesaya 39:8

U Hezekiya akamula akati, “Amazyu agha Mwene ghagho wanena miza bulo.” Pakuti akinong'onagha ukuti kukwiza pakuba umutende nukwikalana mubumi bwache.

Yesaya 49:3

Akambuzya akati, “Awe Izilayeli, we mubombi wane, abantu bakwiza pakumpala.”

Yesaya 52:11

Epamo, epamo, fumamo muchisu icha Babiloni, mutakapalamasyanje nachimo ichintu chicho chinyazu! Fumamo mwiswefye mwebene, amwe mwe mukunyamula ivibombelo ivya mu Nyumba iya Chala.

Ezekiyeli 20:41

Nkwiza pakubapokela amwe ngati vyakwiyipa ivyakununkila, bo nkubefyamo mu inko nukubabungannya ukufuma kuvyisu ivya kubutali kuko mukanyampanilako, po nkwiza pakubulanjizya ubuzelu bwane pakasi papinyu pamaso pa inko.

Ezekiyeli 28:22

uti, ‘U Mwene Uwamaka Ghosi akuti: Wee Sidoni, nkukususya, nkwiza pakukulanjizya ubuchindamu bwane mumwako. Ukwiza pakumanya ukuti ane ne Mwene, bo ikukufunda, sona bo nkwilanjizya ubuzelu bwane mumwako.

Ezekiyeli 38:16

Po mukwiza pakulwa ubwite na bantu bane aba Izilayeli mukwiza pakuba ngati libingu lilyo lyavwinka ichisu. Wee Gogi, mumasiku agha kuntazi ukwiza pakulwa ubwite ni chisu chane, umwakuti inko zimanye ane, bo nkwilanjizya ubuzelu bwane ukwendela mumwako pamaso papabo.

Ezekiyeli 40:46

ichipinda chicho chikennya kumitu chabaputi babo bakubomba pachighemo. Banaba bo baluko ulwa Zadoki, babo bene bakaba ba Levi babo bangapalamila kwa Mwene nukumubombela.”

Ezekiyeli 42:13

Po akambuzya akati, “Ivipinda ivyakumitu na kuntende vivyo vyenizye ulubinjilo ulwa Nyumba iya Chala vipinda ivya baputi, abaputi babo bakumubombela u Mwene bakwiza pakulya ivyakwiyipa ivizelu nkani. Palapala bakwiza pakubika ivyakwiyipa ivizelu nkani ivyakwiyipa ivya busu, ni vyakwiyipa ivya kupepesezya imbibi sona ni nongwa, pachifukwa ichakuti ubuzilo buzelu.

Aba Levi 21:15

umwakuti atakabanyazye abana bache aba pakasi pa bakamu bache. Ane ne Mwene nkumupela pakuba muntu muzelu.’ ”

Aba Levi 21:17

“Umubuzye u Aloni uti, ‘Atakabepo nayumoyumo uwaluko lwinyu mupaka inkulilo izya muntazi yuyo ali ni chilema, uwakubika ichakulya kwa Chala wache.

Aba Levi 21:21

Nayumoyumo umuntu uwaluko ulwa umuputi u Aloni, yuyo ali ni chilema abaghiye pakubika ichakwiyipa ichakocha kwa Chala wache.

Aba Levi 21:6

Abaputi babanje bantu bazelu sona batakalisamulaye itabwa ilya Chala wabo. Babanje bantu bazelu pachifukwa ichakuti abene bo babo bakubika ichakwiyipa ichakocha kwa Mwene, chicho chakulya icha Chala wabo.

Aba Levi 21:8

Mubapimaye abaputi pakuba bantu bazelu, pakuti abene bo babo bakubika ichakwiyipa icha chakulya kwa Chala winyu. Mubapimaye pakuba bantu bazelu, pakuti Ane ne Mwene ne muzelu, sona nkubapela amwe pakuba mwe bazelu.

Aba Levi 22:9

Polelo abaputi bosi baghakonkaye amalamulo ghane, lumo bangananga nukufwa, pachifukwa ichakuti batakughasungilila amalamulo ghane. Ane ne Mwene nkubapela pakuba mwe bantu abazelu.

Aba Levi 8:35

Mwikalaye pamulyango uwa Chisakasa icha Mwene amasiku seveni, umusanya nu busiku, sona mubombaye zizyo u Mwene akubalamula. Nanti mutakubomba zinizi, mukwiza pakufwa pakuti ichi cho chicho u Mwene akandamula.”

Ukubelengiwa 16:5

Po akamubuzya u Kola na bakonki bache akati, “Indabi pandabindabi u Mwene akwiza pakutulanjizya yuyo wache, sona na yuyo muzelu, po akwiza pakumupalamizya umuntu yulayula kukwache.

Ukubelengiwa 20:12

Loli u Mwene akamubuzya u Mozesi nu Aloni akati, “Pachifukwa ichakuti amwe mutakansubila, sona nukuti mutakanchindika pakuba ne muzelu pamaso paba Izilayeli, amwe mutakwiza pakubinjizya abantu banaba muchisu chicho nkubapa.”

Matayi 10:37

“Umuntu wesi yuyo amughanite nkani uwise pamo unyina ukunchila, atabaghiye pakuba mumanyili wane; umuntu wesi yuyo amughanite nkani umwana umulumendo pamo umulindu ukunchila, atabaghiye pakuba mumanyili wane.

Yohani 12:28

Tata, chindika itabwa lwako!” Po izyu likivwika kumwanya likati, “Nalichindika kale, po nkwiza pakulichindika sona.”

Yohani 14:13

Chosi chicho mukulabila mwitabwa lyane cho chicho nkwiza pakuchibomba, umwakuti Utata achindikiwanje ukwendela mu Mwana.

Ukukumbusya Amalamulo 32:51

pachifukwa ichakuti mwebosi mwe babili mutakaba mwe basubiliwa kukwane pamaso paba Izilayeli, bo muli pamizi agha Meliba mu Kadeshi, munkolongo iya Zini, sona nukuti mukansamula pamaso paba Izilayeli.

2 Aba Tesalonika 1:10

Pisiku lilalila akwiza pakupeghiwa umuchizi na bantu bache bosi abazelu, sona akwiza pakuchindikiwa na bantu bache bosi babo bakusubila. Namwe bulo mukwiza pakuba nabo, pakuti mukaghasubila amazyu ghagho tukababuzya.

1 Pitala 4:17

Pakuti akabalilo kakwana akakuti u Chala ande pakulonga abantu bache. Nanti ubulongi bukwiza pakwandila naswe, nkimba kukwiza pakuba bulibuli na bantu babo batakusubila Amazyu Amiza agha Chala?

1 Samuweli 2:30

“ ‘Ane ne Mwene u Chala uwa Izilayeli nkabalayizya abamunyumba yako na baluko lwako ukuti bakwiza pakuba baputi bane bwila na bwila. Losi ulu ntakulonda sona! Loli nkwiza pakubachindika abantu babo bakunchindika, loli abantu babo batakunchindika nane bulo ntakwiza pakubachindika.

1 Samuweli 3:18

Po u Samuweli akamubuzya zyosi ukusita kumuvinda ichintu nachimochimo. Po Eli akati, “Uyu we Mwene muleke abombaye chosi chicho chikumuhobosya.”

1 Samuweli 6:20

Abantu aba mu Beti Shemeshi bakalalusya bakati, “Nkimba wewenu angimilila pamaso pa Mwene, u Chala Umuzelu uyu? Nkimba Ibokosi ilya Lufingo ilya Chala uwa Izilayeli tukwiza pakulituma kwiyi, bo lyepako kuno?”