Aba Levi 10:16 - IBAYIBOLO 2024

¹⁶ Bo u Mozesi abuzikizya nizya mbuzi iya chakwiyipa ichakupepesezya imbibi yila, akabuziwa ukuti yochiwe kale. Po akamukalalila u Eleyazala nu Itamali, abana aba Aloni babo bakasyalako ukuti,

Aba Levi 10:16 Iomraidhean Croise

Ezila 7:5

umwana uwa Abishuwa, umwana uwa Finehasi, umwana uwa Eleyazala, umwana uwa Aloni, yuyo akaba muputi usongo.

Aba Levi 6:17

Bo bali pakuvipiya, batakabikemo ichilungo. Nabapavyo pakuba chigaba chabo icha chakwiyipa ichakocha pamoto. Ichi cho chakwiyipa ichizelu nkani ukuyana bulo ni chakwiyipa ichakupepesezya imbibi, sona ni chakwiyipa ichakupepesezya inongwa.

Aba Levi 6:26

Umuputi yuyo akubika ichakwiyipa chinichi, alyeko. Achilyele Mubuzilo Ubuzelu, mulubinjilo ulwa Chisakasa icha Mwene.

Aba Levi 6:30

Loli atakalye ichakwiyipa ichakupepesezya imbimbi, nanti ibanda lyache bizite nalyo mu Chisakasa icha Mwene, ukuti chibanje chakwiyipa ichakupepesezya imbibi, loli chochiwe pamoto.

Aba Levi 9:15

Pisinda pache u Aloni akabika ichakwiyipa icha bantu chila. Akasenda imbuzi nukuyibola, po akayibika ukuyana namumo akabikila ichakwiyipa ichakwanda ichakupepesezya imbibi zyache.

Aba Levi 9:3

Po ubabuzye aba Izilayeli uti, ‘Musende usabwe ukuti chibanje chakwiyipa ichakupepesezya imbibi. Musende sona ingwata inyanavuli iya mwaka ghoka yiyo yite ni chilema nachimochimo, sona nu mwana uwa ng'ozi uwa mwaka ghoka umusita chilema ukuti chibanje chakwiyipa ichakocha.

Ukubelengiwa 12:3

Loli u Mozesi akaba muntu uwakwiyisya nkani ukubachila abantu bosi muchisu ichapasi.

Matayi 5:22

Loli ilelo nkubabuzya ukuti umuntu wesi yuyo amukalaliye umukamu wache akwiza pakulongiwa. Sona umuntu wesi yuyo akumunena umukamu wache ukuti, ‘Ute ni mbombo,’ akwiza pakulongiwa na balongi. Sona umuntu wesi yuyo akumunena umukamu wache ukuti, ‘Wee mupunganu,’ wepe bulo akwiza pakusumbiwa pamoto uwamu Gehena.

Maliko 10:14

Bo u Yesu azyaghannya, akakalala nkani nukubabuzya abamanyili bache ukuti, “Baleke abana bize kukwane, mutakabakanizye pakuti Ubumwene ubwa Chala ubwa bantu babo bali ngati bo aba.

Maliko 3:5

U Yesu akabenelezya abantu nu bukalale, loli akaba ni chitima pakuti bakaba na moyo amapalapala. Panapo akamubuzya umuntu yula akati, “Gholosya inyobe yako!” Akayigholosya, inyobe yache, po yikaba sona akiza.

Aba Efeso 4:26

Nanti wakalala, utakawilaye mumbibi, sona utakakalalaye mupaka izuba lyinjile.