Aba Levi 10:14 - IBAYIBOLO 2024

¹⁴ Loli awe na bana bako abalumendo na balindu mungalya akajimbi akakuzyunguziwa mumwanya pamaso pa Mwene, poka ni ntapatapa. Muvilyele mubuzilo ubuswepu, pakuti nakupa awe na bana bako pakuba chigaba chako icha chakwiyipa ichabupoka icha ba Izilayeli.

Aba Levi 10:14 Iomraidhean Croise

Ukufuma 29:33

Balyanje vyosi vivyo vikabikiwa kwa Mwene pakuba ichakwiyipa ichakupepesezya imbibi, bo bakwimikiwa. Umuntu bulo atakalye ichakulya chinichi, loli umuputi mwene pachifukwa ichakuti chipaghuliwa.

Ezekiyeli 42:13

Po akambuzya akati, “Ivipinda ivyakumitu na kuntende vivyo vyenizye ulubinjilo ulwa Nyumba iya Chala vipinda ivya baputi, abaputi babo bakumubombela u Mwene bakwiza pakulya ivyakwiyipa ivizelu nkani. Palapala bakwiza pakubika ivyakwiyipa ivizelu nkani ivyakwiyipa ivya busu, ni vyakwiyipa ivya kupepesezya imbibi sona ni nongwa, pachifukwa ichakuti ubuzilo buzelu.

Aba Levi 10:13

Muchilyele Mubuzilo Ubuzelu, pakuti ichi cho chigaba chako na bana bako icha chakwiyipa ichakocha, pachifukwa ichakuti zyo zizyo u Mwene akandamula.

Aba Levi 22:13

Loli nanti umwana umulindu uwa muputi aba mufwilwe pamo nanti asokite sona ate nu mwana nukunyokela kwa wise ngati pakabalilo aka bulindu bwache angalyako ichakulya icha wise. Loli umuntu bulo yuyo ate wa munyumba iya buputi atangalyako.

Aba Levi 9:21

U Aloni akatuzyunguzya mumwanya utujimbi tula poka ni chinama icha ndilo pamaso pa Mwene, ukuti chibanje chakwiyipa ichakuzyunguzya mumwanya ukuyana namumo u Mozesi akalamulila.

Ukubelengiwa 18:11

“Ivinji vivyo nabapa vyo ivi: Ivyabupi vyosi ni vyakwiyipa ivyakuzyunguzya mumwanya ivya ba Izilayeli, nkukupa awe poka na bana bako, abalumendo na balindu pakuba chigaba chinyu icha bwila na bwila. Umuntu wesi yuyo atinyazizyepo mwene pakasi papinyu alyanje ichakwiyipa chinichi.

Ukubelengiwa 5:9

Ivyakusangula vyosi ivizelu vivyo aba Izilayeli bakumupa umuputi vikuba vyache.

Yohani 4:34

U Yesu akababuzya akati, “Ichakulya chane ko kubomba ubwighane ubwa yuyo antumite nukumalizya imbombo yiyo akampa.