Aba Levi 10:11 - IBAYIBOLO 2024

¹¹ Mubamanyisyanje aba Izilayeli amalamulo ghosi ghagho u Mwene akabapa ukwendela mwa Mozesi.”

Aba Levi 10:11 Iomraidhean Croise

2 Imbili 15:3

Aba Izilayeli bikala akabalilo akatali nkani pakusita ukuba nu Chala uwanaloli nu muputi uwakubamanyisya sona na basita ndaghilo.

2 Imbili 17:9

Bakamanyisyanga muchisu chosi icha Yuda sona bakaba ni buku ilya Ndaghilo izya Mwene. Bakenda mutwaya tosi utukulu utwa mu Yuda nukubamanyisya abantu.

2 Imbili 30:22

U Hezekiya akabakazya aba Levi bosi, babo bakwivwisya pakubomba imbombo iya Mwene. Po abantu bakaba nu lusekelo amasiku seveni nukubika ivyakwiyipa ivyabupoka, po bakamupala u Mwene, u Chala uwa banyenya babo.

Nehemiya 8:2

Pisiku ilyakwanda ilya mwezi waseveni umuputi u Ezila akiza ni Buku ilya Ndaghilo pamaso pa chilundilo, papo pakaba abanavuli na bakolo sona na bantu bosi babo bangivwisya.

Nehemiya 8:8

Bakabelenga Ibuku ilya Ndaghilo izya Chala nukubalingannya abantu iching'anamulo chache, umwakuti abantu bala bivwisye akiza vivyo vikabelengiwa.

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Yelemiya 2:8

Abaputi batakalalusyapo ukuti, ‘Nkimba u Mwene ali kwiyi?’ Abamanyandaghilo batakamanya, abalongozi bakansambukila. Abalaghuzi bakalaghulila mwitabwa ilya chala u Baala, nukuvikonka ivifwani vivyo vite ni mbombo.”

Malaki 2:7

“Pakuti imbombo iya muputi yakusungilila ubumanyi ubwa Chala, sona abantu babaghiye bamanyilaye kukwache, pakuti yo ntumi iya Mwene Uwamaka Ghosi.

Matayi 28:20

Mubamanyisyanje ukwivwila vyosi vivyo nabalamula, sona nkwiza pakuba namwe akabalilo kosi mupaka kubumalilo ubwa chisu ichapasi.”

Imbombo 20:27

Pakuti intakafisapo nachimochimo kukwinyu, loli nkalumbilila zyosi zizyo u Chala akulonda.

Ukukumbusya Amalamulo 17:10

Amwe mubombaye bulo namumo badumulila inongwa yilayila pabuzilo bubo u Mwene akwiza pakubusala. Mwenelezye nkani ukuti mukukonka zyosi zizyo bakubabuzya.

Ukukumbusya Amalamulo 17:11

Mubombaye bulo ukuyana ni ndaghilo zizyo bakubamanyisya, sona namumo badumulila. Mutakapaghukilaye kundilo pamo kumongo, loli konka bulo zizyo akubabuzya.

Ukukumbusya Amalamulo 24:8

Nanti alipo umuntu uwamambombo, mwenelezye nkani ukuti mukukonka zyosi zizyo bakubabuzya abaputi, babo ba Levi. Mwenelezye ukuti mukukonka amalamulo ghosi ghagho nabapa.

Ukukumbusya Amalamulo 33:10

U Levi weyuyo akwiza pakubamanyisya abana aba Yakobo, pakughakonka amalamulo ghako. Akwiza pakubika ivyakufukizya ivyakununkila pamaso papako, nukukocha ivyakwiyipa pachighemo chako.

1 Aba Tesalonika 4:2

Pakuti muzimenye indaghilo zizyo tukabapa, zikafuma kwa Mwene u Yesu.