Aba Levi 1:4 - IBAYIBOLO 2024

⁴ Umuntu yula abike inyobe yache pamutu uwa nkambaku yila, po yikwiza pakuba chakwiyipa ichakocha ichakupepesezya imbibi mubuzilo bwache.

Aba Levi 1:4 Iomraidhean Croise

Ukufuma 28:38

U Aloni ayivwalaye imbale yila pacheni chache, ukuti anyamule ukunanga ukwa bantu, umwakuti u Mwene avipokele ivyakwiyipa vyosi vivyo aba Izilayeli bakubika.

Ukufuma 29:10

“Wize ni nkambaku inyana pamulyango uwa Chisakasa icha Mwene, po umubuzye u Aloni na bana bache ukuti babike inyobe zyabo pamutu uwa nkambaku yila.

Ukufuma 29:15

“Usende udubi weka, po u Aloni na bana bache babike inyobe zyabo pamutu uwa dubi yula.

Ukufuma 29:19

“Usende udubi uyunji, po u Aloni na bana bache babike inyobe zyabo pamutu wache.

Ukufuma 29:33

Balyanje vyosi vivyo vikabikiwa kwa Mwene pakuba ichakwiyipa ichakupepesezya imbibi, bo bakwimikiwa. Umuntu bulo atakalye ichakulya chinichi, loli umuputi mwene pachifukwa ichakuti chipaghuliwa.

Yesaya 56:7

nkwiza pakwiza nabo pighamba lyane izelu, nukubapa ulusekelo munyumba yane iya kwiputilamo. Ivyakwiyipa vyabo ivyakocha sona ni vyakwiyipa, vikwiza pakupokeliwa pachighemo chane, pakuti inyumba yane yikwiza pakwitiziwa ukuti nyumba iya kwiputilamo inko zyosi.”

Ezekiyeli 45:15

Sona ing'ozi yoka yifumaye mumudimo ghoka uwa ng'ozi 200 zizyo zikufuma muchisu icha Izilayeli. Vinivi vyo vyakwiyipa ivya busu, ni vyakwiyipa ivyakocha sona ni chakwiyipa ichabupoka ukuti vibanje vyakupepesezya imbibi, u Mwene Uwamaka Ghosi anena.

Daniyeli 9:24

“Amaka 7 agha tubalilo aka 70 twabikiwa ukuti abantu aba mukaya akazelu, poka nakaya kako akakulu nkani akazelu babuleke ububibi bwabo sona ni mbibi. Bapepesyanje imbibi zyabo pakubomba ubugholosu ubwa bwila na bwila ichisetuka nu bulaghuzi vikwiza pakukwanilisiwa, sona Ubuzilo Ubuzelu nkani bula bupaghuliwanje.

Aba Levi 16:21

U Aloni abike inyobe zyache pamutu uwa mbuzi inyumi yila nukwilatilapo ukusambuka ukwa bantu, sona ni mbibi zyosi izya ba Izilayeli. Pisinda pache muntu yuyo akasaliwa ukuti ayichimbizizye imbuzi yila munkolongo.

Aba Levi 16:24

Oghe Mubuzilo Ubuzelu, nukuvwala amenda ghache. Po afume kuzi nukubika ichakwiyipa chache ichakocha ni chakwiyipa ichakocha icha bantu ukuti chibanje ichakupepesezya imbibi zyache, sona ni mbibi izya bantu.

Aba Levi 22:21

Nanti umuntu yumo akubika ichakwiyipa ichabupoka kwa Mwene, umwakuti akwanilisye ichilapo pamo ichakwiyipa icha bwighane, ukufuma ku ng'ombe pamo ku ng'ozi yiyo yite ni chilema nachimochimo ukuti chipokeleliwe.

Aba Levi 22:27

“Nanti ingwata pamo umwana uwa ng'ozi pamo umwana uwa mbuzi apapiwa abanje nu nyina amasiku seveni. Loli ukwandila pisiku ilya eyiti apokeleliwanje ukuti chibanje chakwiyipa ichakocha kwa Mwene.

Aba Levi 3:13

Abike inyobe yache pamutu uwa mbuzi yila nukuyibolela kuntazi ukwa Chisakasa icha Mwene. Po abana aba Aloni banyafile ibanda lyache mumbazu zyosi folo izya chighemo.

Aba Levi 3:2

Umuntu yula abike inyobe yache pamutu uwa nkambaku yila nukuyibolela pamulyango uwa Chisakasa icha Mwene. Po abamunyumba iya Aloni, babo baputi banyafile ibanda lila mumbazu zyosi folo izya chighemo.

Aba Levi 3:8

Umuntu yula abike inyobe yache pamutu uwa ng'ozi yila nukuyibolela kuntazi ukwa Chisakasa icha Mwene. Po abana aba Aloni banyafile ibanda lyache mumbazu zyosi folo izya chighemo.

Aba Levi 4:15

Abalongozi bosi aba chilundilo babike inyobe zyabo pamutu uwa nkambaku yila, po bayibolele pamaso pa Mwene.

Aba Levi 4:20

Abombaye bunubu ni nkambaku yiniyi ukuyana namumo akochela inkambaku yiyo yikapeghiwa ukuti chibanje chakwiyipa ichakupepesezya imbibi. Bunubu umuputi usongo akwiza pakubika ichakwiyipa ichakupepesezya imbibi izya bantu, po zikwiza pakuhobokeliwa.

Aba Levi 4:24

Umuntu yula abike inyobe yache pamutu uwa sabwe yula nukumubolela pamaso pa Mwene pabuzilo bubo ichakwiyipa ichakocha chikuboleliwapo. Ichi cho chakwiyipa ichakupepesezya imbibi.

Aba Levi 4:26

Pisinda pache oche amafuta ghosi pachighemo, ukuyana namumo akaghochela amafuta agha nyama yiyo yikabikiwa ukuti chibanje chakwiyipa ichabupoka. Bunubu umuputi akwiza pakubika ichakwiyipa ichakupepesezya imbibi izya mulongozi yula, po imbibi zyache zikwiza pakuhobokeliwa.

Aba Levi 4:29

Umuntu yula abike inyobe yache pamutu uwa mbuzi inkolo yila nukuyibolela papo ivyakwiyipa ivyakocha vikuboleliwapo.

Aba Levi 4:31

Pisinda pache efye amafuta ghache ghosi ukuyana namumo akefesezya amafuta agha chakwiyipa ichabupoka nukuyocha pachighemo umwakuti umunusi wache ghumuhobosye u Mwene. Bunubu umuputi akwiza pakubika ichakwiyipa ichakupepesezya imbibi izya muntu yula, po zikwiza pakuhobokeliwa.

Aba Levi 4:33

Umuntu yula abike inyobe yache pamutu uwa ng'ozi yila nukuyibolela papo ichakwiyipa ichakocha chikuboleliwapo.

Aba Levi 4:35

Pisinda pache efye amafuta ghache ghosi ukuyana namumo akefesezya amafuta agha ng'ozi yiyo yikabikiwa ukuti chibanje chakwiyipa ichabupoka nukuyocha pachighemo, poka ni chakwiyipa chicho chikabikiwa kwa Mwene. Bunubu umuputi akwiza pakubika ichakwiyipa ichakupepesezya imbibi izya muntu yula, po zikwiza pakuhobokeliwa.

Aba Levi 4:4

Umuputi yula ize ni ngwata inyanavuli yila pamaso pa Mwene pamulyango uwa Chisakasa. Abike inyobe yache pamutu uwa nkambaku yila nukuyibolela palapala pamaso pa Mwene.

Aba Levi 5:6

Pisinda pache umuntu yula ize ni ng'ozi inkolo pamo imbuzi inkolo iya pamudimo wache ukuti chibanje chakwiyipa chakupepesezya imbibi zyache kwa Mwene. Po umuputi akwiza pakubika ichakwiyipa ichakupepesezya imbibi izya muntu yula.

Aba Levi 6:7

Umuputi abike kwa Mwene ichakwiyipa ichakupepesezya imbibi izya muntu yula, po imbibi zyache zikwiza pakuhobokeliwa.

Aba Levi 8:14

Po u Mozesi akiza ni nkambaku ukuti yibanje chakwiyipa ichakupepesezya imbibi. U Aloni na bana bache bakabika inyobe zyabo pamutu uwa nkambaku yila.

Aba Levi 8:18

Pisinda pache akiza nu dubi uwa chakwiyipa ichakocha, po u Aloni na bana bache bakabika inyobe zyabo pamutu uwa dubi yula.

Aba Levi 8:22

Po u Mozesi akasenda udubi uyunji uwakubimikila abaputi, sona u Aloni na bana bache bakabika inyobe zyabo pamutu uwa dubi yula.

Aba Levi 9:7

Po u Mozesi akamubuzya u Aloni akati, “Palamila kupipi kuchighemo nukubika ichakwiyipa ichakupepesezya imbibi, ni chakwiyipa ichakocha ukuti chibanje chakupepesezya imbibi zyako, sona nizya bantu. Bika ichakwiyipa ichakupepesezya imbibi izya bantu, ukuyana namumo u Mwene akalamulila.”

Ukubelengiwa 15:25

Umuputi abike ichakwiyipa ichakupepesezya imbibi izya bantu bosi, po abantu bakwiza pakuhobokeliwa, pakuti bakapuvya umwakusita ukuzimanya, sona nukuti bakabika kwa Mwene ichakwiyipa ichakocha ukuti chibanje ichakupepesezya imbibi.

Ukubelengiwa 15:28

Umuputi abike ichakwiyipa kwa Mwene ichakupepesezya imbibi izya muntu yuyo akapuvya umwakusita ukuzimanya sona bo abika ichakwiyipa chila, po umuntu yula akwiza pakuhobokeliwa.

Ukubelengiwa 25:13

Nkufinga nawe poka na baluko lwache ulufingo ulwa buputi ubwa bwila na bwila, pakuti akaba nu lweke pakumwiputa u Chala wache, sona nukuti akabika ichakwiyipa ichakupepesezya imbibi izya bantu.”

Ukubelengiwa 8:10

Bo ukwiza naba Levi pamaso pa Mwene, aba Izilayeli babike inyobe zyabo paba Levi bala.

Ukubelengiwa 8:12

“Pisinda pache aba Levi babike inyobe zyabo pamitu iya nkambaku zibili zila, nukuyibika inkambaku yoka kwa Mwene ukuti chibanje chakwiyipa ichakupepesezya imbibi, po abike iyinji ukuti chibanje chakocha ichakupepesezya imbimbi izya ba Levi.

Aba Loma 12:1

Polelo bakamu bane, pachifukwa icha chisa icha Chala ichikulu nkani kukwitu, nkubalaba ukuti mwiyipe mwebene ukuti chibanje chakwiyipa icha bumi kwa Chala, ichakupaghuliliwa pambombo yache, sona ni chakumuhobosya nkani. Kuko ko kwiputa kwinyu ukwa buzimu.

Aba Loma 3:25

U Chala akamubika ukuti chibanje chakwiyipa, ukuti ukwendela mu bufwe bwache imbibi izya bantu zihobokeliwe, abantu babo bakumusubila. U Chala akabomba bunubu ukuti alanjizye ubugholosu bwache, pachifukwa icha bufisalyoyo bwache atakabafundila zila abantu babo bakananga.

Aba Loma 5:11

Loli ukuchilapo pazinizi, tukusekela pachifukwa icha zizyo u Chala abomba ukwendela mwa Mwene witu u Yesu Kilisitu, yuyo ilelo atusayannya aswe nu Chala.

Aba Filipi 4:18

Naloli napokela vyosi, sona indi navyo ivyinji. Ilelo indi navyo vyosi ivyakusobelwa, pakuti u Epafulodito ampiye vivyo mukantumila. Viyanite bulo ni chakwiyipa ichamunusi umwiza, ghugho ghukumuhobosya nkani u Chala.

Aba Hebeli 10:4

ichifukwa chitangabombiwa ukuti ibanda ilya nkambaku nilya mbuzi lyefye imbibi.

1 Yohani 2:2

Umwene we chakwiyipa ichakuhobokeleliwamo imbibi zyitu. Atakutuhobokela imbibi zyitu zyene, awe, loli ni mbibi zyope izya bantu bosi aba muchisu ichapasi.