Aba Levi 1:3 - IBAYIBOLO 2024

³ “ ‘Nanti umuntu akubika ing'ombe ukuti chibanje chakwiyipa ichakocha kwa Mwene, abikaye inkambaku inyine yiyo yite ni chilema nachimochimo. Ayibikilaye pamulyango uwa Chisakasa icha Mwene umwakuti yingapokeleliwa.

Aba Levi 1:3 Iomraidhean Croise

Ubwandilo 22:13

U Abulahamu akatalankannya nukumwennya udubi impembe zyache zibadiye mumpanya. Akamusenda udubi yula nukubika ukuti abanje chakwiyipa ichakocha mubuzilo ubwa mwana wache.

Ubwandilo 22:2

Po u Chala akumubuzya akati, “Senda u Yisaki umwana wako, mwene na mwene, sona yuyo umughanite nkani, ubuke kuchisu icha Moliya. Kulakula umubike ukuti abanje chakwiyipa ichakocha pighamba lilyo nkwiza pakukubuzya.”

Ubwandilo 22:8

U Abulahamu akamwamula akati, “Wee mwana wane, u Chala akwiza pakutupa umwana uwa ng'ozi yuyo akwiza pakuba chakwiyipa ichakocha.” Abantu babili aba bakendelela pakulongozannya.

Ubwandilo 8:20

Po u Nowa akamuzengela ichighemo u Mwene. Akasendapo ichinyamana choka pa vinyamana vyosi, sona ichiyuni choka pa viyuni vyosi vivyo vikitikiziwa nu Chala ukuti vibanje vyakwiyipa ivyakocha pachighemo palapala.

2 Imbili 29:32

Ubwinji ubwa vyakwiyipa vyosi vivyo ichilundilo chosi chikiza navyo bukaba bo ubu: Inkambaku 70 na badubi 100 nu twadubi 200. Vyosi vinivi bakavibika kwa Mwene pakuba vyakwiyipa ivyakocha.

2 Imbili 35:12

Bakasunga inyama yiyo yikaba chakwiyipa ichakocha ukuti batugabile utubukatila utwa nyumba izya bantu pakuba chakwiyipa kwa Mwene, ukuyana namumo lusimbiliwe u Lulaghilo ulwa Mozesi. Po bakabomba umwakuyana bulo ni nkambaku zila.

Masalimo 110:3

Abasilikali bako bakwiza pakwiyipa mubwighane bwabo, pisiku lilyo ukwiza pakulwa na balwani bako. Abalumendo bako bakwiza pakwiza kukwako mubwinji bwabo, ngati mumo inganda yikuwila pandabindabi.

Masalimo 40:8

Wee Chala wane nkuhoboka nkani, pakubomba ubwighane bwako, sona ululaghilo lwako luli mumoyo wane.”

Ukufuma 12:5

Umwana uwa ng'ozi pamo uwa mbuzi yuyo mukumusala atakabanje ni chilema nachimochimo, uwa mwaka ghoka sona inyanavuli.

Ukufuma 24:5

Po akabatuma abalumendo bamo pakubika ichakwiyipa ichakocha kwa Mwene, sona bakabika inkambaku ukuti chibanje chakwiyipa ichabupoka.

Ukufuma 29:18

Umoche udubi wesi yula pachighemo ukuti chibanje chakwiyipa ichakocha kwa Mwene. Umunusi uwa chakwiyipa chinichi ghukumuhobosya u Mwene.

Ukufuma 29:4

Wize nu Aloni na bana bache pamulyango uwa Chisakasa icha Mwene, sona ubozye na mizi.

Ukufuma 29:42

“Ichakwiyipa chinichi chibikiwanje isiku ni siku ukuti chibanje chakwiyipa ichakocha mupaka inkulilo zyosi izya muntazi. Uchibike pamaso pa Mwene pamulyango uwa Chisakasa icha Mwene papo nkwiza pakukomana nabo nukunena nawe.

Ukufuma 32:6

Pandabindabi nkani abantu bakabika ivyakwiyipa ivyakocha nukubika ivyakwiyipa ivyabupoka. Abantu bala bakalya nukung'wela, po bakanda pakwimba nukwisamula bene.

Ukufuma 35:21

po umuntu wesi yuyo akaba nu moyo uwakwiyipa akizagha ni vyabupi kwa Mwene ukuti vibanje vyakuzengela Ichisakasa icha Mwene. Bakiza na vyosi vivyo vikalondiwanga pachiputo, sona na pakusona amenda agha muputi.

Ukufuma 35:29

Aba Izilayeli bosi, abanavuli na bakolo, bakizagha nivyakwiyipa mubwighane bwabo ukuti vibombaye imbombo yiyo u Mwene akabalamula ukwendela mwa Mozesi.

Ukufuma 35:5

Pavintu vivyo mulinavyo, mubikaye ichakwiyipa kwa Mwene. Umuntu wesi yuyo akulonda pakubika ivyakwiyipa, abikaye ugolide nu siliva nu mukuba

Ukufuma 36:3

Bakapokela ivyabupi vyosi kwa Mozesi vivyo aba Izilayeli bababika ukuti vibombaye imbombo iyakuzenga Ubuzilo Ubuzelu. Loli aba Izilayeli bakendelela pakwiza nivyakwiyipa mubwighane bwabo indabindabi yosi.

Ukufuma 38:1

Bakazenga ichighemo ichakochelapo ichakwiyipa ichakocha icha matabwa agha mungwina. Ichighemo chinichi chikaba chakuyana bulo, mubutali chikaba amamita mabili nu hafu mububaba chikaba amasentimita mabili nu hafu, sona mumwanya chikaba imita lyoka nu hafu.

Yesaya 1:11

U Mwene akuti, “Nkimba ubwinji ubwa vyakwiyipa vyinyu cho choni kukwane? Intakuvinyonywa sona ivyakwiyipa vyinyu ivyakocha ivya ng'ozi, ivyakwiyipa ivya mafuta agha badubi nagha vitekwa ivyakwina, ntakuhoboka ni banda ilya nkambaku, nilya twana utwa ng'ozi sona nilya mbuzi.

Ezekiyeli 20:40

U Mwene Uwamaka Ghosi akuti, ‘Pakuti pighamba lyane izelu, ighamba itali ilya muchisu icha Izilayeli, popapo aba Izilayeli bosi bakunyiputila ane muchisu chila, palapala nkwiza pakupokela ivyakwiyipa vyinyu sona ni vyabupi vyinyu ivyiza poka ni vyakwiyipa vyosi ivizelu.

Ezekiyeli 40:39

Muchipinda chakwinjilila mukabamo amatebulo folo, amatebulo mabili kulubazu loka ulwa chipinda. Pamatebulo ghanagha bakaghoghelaghapo ivinyamana vivyo vikabikiwanga pakuba vyakwiyipa pamo pakuba vyakwiyipa ivyakocha pamo pakuba chakwiyipa ichakupepesezya imbibi pamo inongwa.

Aba Levi 1:10

“ ‘Nanti umuntu akubika ing'ozi pamo imbuzi ukuti vibanje chakwiyipa ichakocha, abanje we dubi pamo usabwe umusita chilema nachimochimo.

Aba Levi 14:10

Pisiku ilya eyiti, ize nutwana utwadubi tubili utusita chilema nachimochimo nu mwana umukolo uwa ng'ozi weka, umusita chilema nachimochimo, uwa mwaka ghoka nu busu ubwakongannya na mafuta agha misyunguti, sona na mafuta agha misyunguti pakuba chakwiyipa cha busu ubwakukwana ichigaba choka pavigaba vyosi vitatu ivya lita.

Aba Levi 16:7

Po asende abasabwe babili bala nukubabika pamulyango uwa Chisakasa pamaso pa Mwene.

Aba Levi 17:4

mubuzilo ubwa kwiza navyo pamulyango uwa Chisakasa icha Mwene ukuti chibanje chakwiyipa kwa Mwene, umuntu yula apalaghula inongwa iyakukupula ibanda, po epusiwanje pakasi pabantu bosi.

Aba Levi 17:8

Ubabuzye uti, “Nanti umu Izilayeli yumo, manyi muyeni yuyo akwikala pakasi papabo, akubika ichakwiyipa ichakocha pamo ichakwiyipa ichinji

Aba Levi 17:9

ukusita ukwiza nacho pamulyango uwa Chisakasa icha Mwene, umuntu yulayula epusiwanje pakasi pabantu.”

Aba Levi 23:12

Pisiku lilyo mukuyizyunguzya mumwanya inkose yila, mubikaye umwana uwa ng'ozi uwa mwaka ghoka, umusita chilema nachimochimo ukuti chibanje chakwiyipa ichakocha.

Aba Levi 23:18

Poka ni vibama vila, mubikaye utwana utwadubi seveni utwa mwaka ghoka, sona utusita chilema nachimochimo, ni nkambaku inyana yoka, sona na badubi babili abasita chilema nachimochimo ukuti chibanje chakwiyipa ichakocha kwa Mwene, poka ni chakwiyipa icha busu, ni cha vinyo. Umunusi uwa chakwiyipa chinichi ghukumuhobosya u Mwene.

Aba Levi 3:1

“ ‘Nanti umuntu akubika inkambaku pamo ing'ombe inkolo ukuti yibanje chakwiyipa ichabupoka kwa Mwene, ing'ombe yila yitakabanje ni chilema nachimochimo.

Aba Levi 4:15

Abalongozi bosi aba chilundilo babike inyobe zyabo pamutu uwa nkambaku yila, po bayibolele pamaso pa Mwene.

Aba Levi 4:23

Po nanti imbibi yache yamanyikwa, umulongozi yula ize nu sabwe umusita chilema nachimochimo pakuba chakwiyipa.

Aba Levi 4:3

“ ‘Nanti umuputi usongo ananga, kokuti akubapela abantu bosi ukuti babanje ninongwa, po ize kwa Mwene ni nkambaku inyana yiyo yite ni chilema nachimochimo ukuti yibanje chakwiyipa ichakupepesezya imbibi.

Aba Levi 4:32

“ ‘Nanti umuntu akwiza ni ng'ozi ukuti yibanje chakwiyipa ichakupepesezya imbibi, ing'ozi yilayila yibanje nkolo yiyo yite ni chilema nachimochimo.

Aba Levi 5:15

“Nanti umuntu ananga umwakusita kusubiliwa pakuchinyazya ichintu ichizelu icha Mwene, umuntu yulayula abike kwa Mwene ichakwiyipa ichakupepesezya inongwa zyache. Ichakwiyipa chache abanje we dubi umusita chilema nachimochimo. Umutengo uwa dubi yula ghubanje amashekeli agha siliva ukuyana ni chipimilo icha mu Buzilo Ubuzelu. Ichi cho chakwiyipa ichakupepesezya inongwa.

Aba Levi 5:18

Umuntu yula amupe umuputi udubi uwa pamudimo wache umusita chilema nachimochimo, abanje uwa mutengo ghugho ghupimiwe pa chakwiyipa ichakupepesezya inongwa. Po umuputi akwiza pakubika ichakwiyipa ichakupepesezya imbibi izya muntu yula, po imbibi zyache zikwiza pakuhobokeliwa.

Aba Levi 6:2

“Nanti umuntu ananga umwakusita ukusubiliwa kwa Mwene, pachifukwa icha buzimbuli pakukana ukumunyosezya umupalamani wache ivintu vivyo akamusungisya pamo ukumwibila pamo ukumuzimbula

Aba Levi 6:8

U Mwene akamulamula u Mozesi akati,

Aba Levi 7:16

“Loli nanti umuntu yula abika ichakwiyipa chinichi pachifukwa icha chilapo chache, pamo pachifukwa ichakwiyipa mubwighane bwache, ichakwiyipa chilachila achilye pisiku ilyakubikila, loli ubwika angabulya pisiku ilinji.

Aba Levi 8:18

Pisinda pache akiza nu dubi uwa chakwiyipa ichakocha, po u Aloni na bana bache bakabika inyobe zyabo pamutu uwa dubi yula.

Aba Levi 8:21

U Mozesi akasuka amala ni vinama nukumocha udubi wesi yula pachighemo pakuba chakwiyipa ichakocha ukuyana namumo u Mwene akamulamulila. Umunusi uwa chakwiyipa chinichi ghukamuhobosya u Mwene.

Aba Levi 9:2

U Mozesi akamulamula u Aloni akati, “Usende ingwata inyanavuli yiyo yite ni chilema nachimochimo ukuti chibanje chakwiyipa ichakupepesezya imbibi, sona nu dubi umusita chilema ukuti chibanje chakwiyipa ichakocha kwa Mwene.

Zekaliya 13:7

U Mwene Uwamaka Ghosi akuti, “Wee panga, nyamuka! Lwanga nu mudimi wane! Lwanga nu muntu yuyo ali papipi nane! Ghogha umudimi, po ing'ozi zikwiza pakunyampana. Nkwiza pakulwa ubwite na bantu bane.”

Malaki 1:14

“Aghuniwanje umuntu yuyo muzimbuli, ali ni chitekwa ichanavuli ichiza mumudimo wache, akufinga pakubika, loli akwiyipa chicho chili ni chilema kwa Mwene. Pakuti ane ne mwene umukulu nkani.” U Mwene Uwamaka Ghosi anena, “Sona itabwa lyane libaghiye pakuchindikiwa pakasi pa inko.”

Ukubelengiwa 15:3

sona nanti mukubika ing'ombe pamo ing'ozi kwa Mwene ukuti chibanje chakwiyipa ichakocha icha chilapo chicho umunusi wache ghukumuhobosya pamo ukuti chibanje ichapalubazu pamo ichakwiyipa icha bwighane pamo ichakwiyipa icha lusekelo,

Ukubelengiwa 15:8

Bo mukubika inkambaku ukuti chibanje chakwiyipa ichakocha icha chilapo pamo ichakwiyipa ichapalubazu pamo ichakwiyipa ichabupoka kwa Mwene

Ukubelengiwa 19:2

“Ulu lo lulaghilo lulo u Mwene apinya: Ubalamule aba Izilayeli ukuti bize ni mpampali inchesamu, yiyo yite ni chilema nachimochimo, yiyo batayivwikitepo nalumolumo ikoli

Ukubelengiwa 23:19

U Chala te muntu uwakuti angatamanta, pamo te mwana uwa muntu uwakuti angandula inyinong'ono zyache. Nkimba anenitepo chimo ukusita pakuchibomba? Nkimba alayizizyepo chimo ukusita pakuchikwanilisya?

Ukubelengiwa 23:27

Po u Balaki akamubuzya u Balamu akati, “Twende tubukaye twebosi kubunji, lumo chingamuhobosya u Chala ukuti ungunile abantu banaba kulakula.”

Ukubelengiwa 23:3

Po u Balamu akamubuzya u Balaki akati, “Ungimilila papipi ni chakwiyipa chako, bo ane nabuka kula, lumo u Mwene angiza pakukomana nane. Nkwiza pakukubuzya zyosi zizyo amvumbuliye.” Po akabuka mwene pamwanya pighamba.

Ukubelengiwa 23:30

U Balaki akabomba vivyo u Balamu akamubuzya, po akabika inkambaku yoka nu dubi weka pachighemo chosi ukuti chibanje chakwiyipa.

Ukubelengiwa 28:11

Pisiku ilyakwanda ilya mwezi mubikaye inkambaku inyana zibili nu dubi weka, sona nu twadubi seveni utwamwaka ghoka, tuto tute ni chilema nachimochimo ukuti chibanje chakwiyipa ichakocha kwa Mwene.

Ukubelengiwa 28:19

Mubikaye inkambaku inyana zibili nu dubi weka, poka nu twadubi seveni tuto tute ni chilema nachimochimo ukuti chibanje chakwiyipa ichakocha kwa Mwene.

Ukubelengiwa 28:31

Mubikaye ivyakwiyipa vinivi poka ni chakwiyipa icha vinyo ukonjelezya pa chakwiyipa ichakocha, ni chakwiyipa icha busu icha isiku ni siku. Mwenelezye ukuti vyosi vinivi vitakabanje ni chilema nachimochimo.

Ukubelengiwa 29:13

Pisiku lilalila mubikaye ichakwiyipa ichakocha chicho umunusi wache ghukumuhobosya u Mwene. Mubikaye inkambaku 13, na basabwe babili, sona nu twadubi 14 utwa mwaka ghoka tuto tute ni chilema nachimochimo.

Ukubelengiwa 29:2

Mubikaye inkambaku inyana poka nu dubi weka, sona nu twadubi seveni utwamwaka ghoka, tuto tute ni chilema nachimochimo ukuti chibanje chakwiyipa ichakocha kwa Mwene, chicho umunusi wache ghukumuhobosya u Mwene.

Luka 1:35

Uwantumi yula akamula akati, “U Muzimu Umuzelu akwiza papako, sona ukwiza pakwizula na maka agha Chala. Pachifukwa chinichi u Mwana umuzelu yuyo ukwiza pakupapa, akwiza pakwitiziwa Mwana uwa Chala.

Yohani 1:36

Bo amwennya u Yesu akwenda palapala, akati, “Ennya u Mwana uwa ng'ozi uwa Chala.”

Yohani 10:7

U Yesu akababuzya sona akati, “Naloli nkubabuzya ukuti ane ne mulyango uwa chibagha icha ng'ozi.

Yohani 10:9

Ane ne mulyango. Umuntu wesi yuyo akwinjilila mumwane akwiza pakupokiwa. Akwiza pakwinjila nukufuma, po akwiza pakuchagha ichakulya.

2 Aba Kolinti 8:12

Pakuti nanti umuntu akulonda pakupa chimo, u Chala akupokela ichabupi chilachila ukuyana na vivyo umuntu ali navyo, sona atakumubuzya pakupa ichintu chicho ate nacho, awe.

2 Aba Kolinti 9:7

Umuntu wesi apange bulo ukuyana namumo adumulila mumoyo wache, umwakusita ukwilamwa, pamo umwakusita kufyengiwa bulo, pakuti u Chala akumughana umuntu yuyo akupa umwakuhoboka.

Aba Efeso 2:18

Pakuti ukwendela mumwache aswe twebosi, tuli nu lusako ulwa kwizila pamaso pa Tata mu Muzimu Umuzelu weka.

Aba Efeso 5:27

U Kilisitu akabomba zinizi ukuchiyanizya ichipanga kukwache umwakuti chibanje chipanga ichiza, chicho chite nakatonyelwa, na chicho chite na mankwinya, pamo akantu kamo akabibi, loli chizelu, sona chicho chite ni chilema nachimochimo.

Ukukumbusya Amalamulo 12:27

Kulakula mubikaye ivyakwiyipa ivyakocha, kokuti inyama ni banda bulo pachighemo icha Mwene u Chala winyu. Mulikupule ibanda ilya chakwiyipa chila mulubazu ulwa chighemo icha Mwene u Chala winyu, loli inyama yache yo mungalya.

Ukukumbusya Amalamulo 15:21

Loli nanti ichitekwa chila chilemaye pamo chifwamaso, mutakiyipanje kwa Mwene u Chala winyu.

Ukukumbusya Amalamulo 17:1

Mutakabikaye ing'ombe pamo ing'ozi yiyo yili ni chilema chimo ukuti chibanje chakwiyipa kwa Mwene u Chala winyu, pakuti ichintu chinichi chamwiko nkani kwa Mwene.

Aba Hebeli 7:26

Chikaba chakulondiwa ukuti aswe tubanje nu muputi usongo yunuyu. Umuputi uyu muzelu, yuyo ate ni chilema nachimochimo, sona ate ni mbibi nayimoyimo. Umwene akakweziwa ukuchila ivintu vyosi ivya kumwanya.

Aba Hebeli 9:14

Po ibanda ilya Kilisitu, yuyo ukwendela mu Muzimu uwa bwila na bwila, akiyipa mwene ukuti chibanje chakwiyipa ichakufikapo kwa Chala likwiza pakuswefya umabyebye witu pambombo izyabulo, umwakuti tungamubombela u Chala umumi.