Aba Levi 1:17 - IBAYIBOLO 2024

¹⁷ Aleme ivipapande vyache nukuvizepula pakasi, loli atakayizepule yosi. Po umuputi ayoche pankwi izya moto pachighemo. Chinichi cho chakwiyipa ichakocha, umunusi uwa chakwiyipa chinichi ghukumuhobosya u Mwene.

Aba Levi 1:17 Iomraidhean Croise

Ubwandilo 15:10

Po u Abulamu akiza ni vinyamana vila kwa Chala, akavidumula muvigaba vibili pakasi na pakasi, akavilambalika umwakwenannya mumizele mibili. Loli iviyuni atakavidumula pakasi na pakasi.

Ubwandilo 8:21

Bo u Mwene anusya umunusi umwiza ghula akati, “Ntakwiza pakuchighuna sona ichisu ichapasi pachifukwa icha zizyo abantu bakubomba, pakuti inzimenye ukuti inyinong'ono izya muntu umubibi zikwandila kubwana bwache. Ntakwiza sona pakuvizimizya ivintu vyosi ivyabumi ukuyana namumo nabombela.

Masalimo 16:10

Pakuti utakwiza pakundeka muchisu icha bantu abafwe, sona utakwiza pakwitikizya ukuti ne mubombi wako umusubiliwa imbolaye.

Aba Levi 1:13

Asuke na mizi amala ni vinama. Po umuputi abike vyosi pachighemo nukuvyocha ukuti chibanje chakwiyipa ichakocha. Umunusi uwa chakwiyipa chinichi ghukumuhobosya u Mwene.

Aba Levi 2:2

po abape abamunyumba iya Aloni, babo baputi. Umuputi atapepo ichikufi icha busu ubutinye bula na mafuta poka nu twakufukizya utwakununkila tosi, nukuvyocha pachighemo pakuba chikumbusyo kwa Mwene. Umunusi uwa chakwiyipa chinichi ghukumuhobosya u Mwene.

Aba Levi 3:5

Po abana aba Aloni boche vyosi vinivi pamwanya pa chakwiyipa ichakocha pankwi izya moto pachighemo ukuti chibanje chakwiyipa ichakocha. Umunusi uwa chakwiyipa chinichi ghukumuhobosya u Mwene.

Aba Levi 5:8

Amupe umuputi inkunda zyosi zibili, po umuputi yula abike tasi inkunda yiyo chakwiyipa ichakupepesezya imbibi. Ayinyonge bulo isingo yache umwakusita ukwefyako umutu wache,

Aba Levi 6:14

“Ulu lo lulaghilo ulwa chakwiyipa icha busu: Abana aba Aloni babike ichakwiyipa icha busu pamaso pa Mwene kuntazi ukwa chighemo.

Aba Levi 8:21

U Mozesi akasuka amala ni vinama nukumocha udubi wesi yula pachighemo pakuba chakwiyipa ichakocha ukuyana namumo u Mwene akamulamulila. Umunusi uwa chakwiyipa chinichi ghukamuhobosya u Mwene.

Aba Levi 9:13

Bakamupa ivipuza ivya chakwiyipa ichakocha chila poka nu mutu, po akavyocha pachighemo pala.

Ukubelengiwa 15:3

sona nanti mukubika ing'ombe pamo ing'ozi kwa Mwene ukuti chibanje chakwiyipa ichakocha icha chilapo chicho umunusi wache ghukumuhobosya pamo ukuti chibanje ichapalubazu pamo ichakwiyipa icha bwighane pamo ichakwiyipa icha lusekelo,

Ukubelengiwa 28:8

Mubikaye umwana uwa ng'ozi uwabubili yula pachamabwila, poka ni chakwiyipa icha busu ubutinye chila, sona ni chakwiyipa icha vinyo ngati cha pandabindabi. Ichi cho chakwiyipa ichakocha, chicho umunusi wache ghukumuhobosya u Mwene.”

Matayi 27:50

U Yesu akalila nizyu ilya pamwanya nukufuta akabumalilo.

Yohani 19:30

Bo u Yesu ang'wela uvinyo yula akati, “Kwamala.” Po akawisya icheni pasi nukufwa.

Aba Loma 4:25

Pachifukwa icha mbibi zyitu akabikiwa ukuti aghoghiwe, po u Chala akamuzyusya kubufwe, umwakuti tuneniwe pakuba bantu bagholosu pamaso papache.

1 Pitala 3:18

Pakuti u Kilisitu akafwa lyoka mpela pachifukwa icha mbibi izya bantu bosi, umugholosu pakubafwila abasita bugholosu, umwakuti atufisye pamaso pa Chala. Pakunena nizya mubili wache akafwa, loli akazyuka kubufwe mumuzimu.