Aba Filipi 4:7 - IBAYIBOLO 2024

⁷ Po umutende uwakufuma kwa Chala ghugho ghuchilite akivwisizye kosi aka muntu ghukwiza pakusunga akiza amoyo ghinyu, sona ni nyinong'ono zyinyu pakumamatilana poka nu Kilisitu u Yesu.

Ulufingo Ulupya

⁷ Po umutende uwakufuma kwa Chala ghugho ghuchilite akivwisizye kosi aka muntu ghukwiza pakusunga akiza amoyo ghinyu, sona ni nyinong'ono zyinyu pakumamatilana poka nu Kilisitu u Yesu.

Aba Filipi 4:7 Iomraidhean Croise

Nehemiya 8:10

U Nehemiya akati, “Bukagha pakusekela kunyumba zyinyu. Mugabanaye na bantu babo bate ni chakulya pamo uvinyo uwakukwana. Isiku ili lipaghuliwa kwa Mwene. Po mutakabanje ni chitima, pakuti Mwene weyuyo akubapa amaka aghakuti muhobokaye.”

Yobu 22:21

“Wee Yobu, sayana nu Chala, umwakuti ubanje mumutende nawe, po ivintu vikwiza pakukwendela akiza.

Yobu 34:29

Loli nanti naloli u Chala abanga bulo myee, nkimba wewenu yuyo angamupa inongwa? Nanti angafisa icheni chache, nkimba wewenu yuyo angamwennya? Pope bulo weyuyo akumusungilila umuntu, sona ni inko zyosi umwakuyana bulo,

Masalimo 29:11

U Mwene akubapa amaka abantu bache, u Mwene akubasaya abantu bache nu mutende.

Masalimo 85:8

Nkuziteghelezya zizyo u Chala u Mwene akunena. Akubalayizya umutende abantu bache, abantu bache abazelu. Batanyokele sona kubupunganu bwabo.

Ivyili 2:11

Amahala nu bumanyi vikwiza pakukupoka sona ubumanyi bukwiza pakukusungilila.

Ivyili 4:6

Utakaghasulaye amahala ghane, po ghakwiza pakukuzighilila, ughaghanaye, po ghakwiza pakukusungilila.

Ivyili 6:22

Bo ukwenda, vikwiza pakukulongolela, bo ukughona vikwiza pakukusungilila, bo ukulamusya, vikwiza pakunena nawe.

Yesaya 26:12

Wee Mwene, awe ukutupa umutende, wewe ukutubombela imbombo zyitu, zyosi zizyo tukubomba.

Yesaya 26:3

Awe we Mwene we ukubapa umutende uwakufikapo, pabantu babo bakulemasizye pachifukwa ichakuti bakusubiye.

Yesaya 45:7

Nkupela ulokozyo ni chisi, nkwiza nulusayo sona nintamyo. Ane ne Mwene nkubomba zyosi zinizi.

Yesaya 48:18

Nanti mukaghivwilagha amalamulo ghane, po umutende winyu ngali ghukaba ngati lusoko, sona ubugholosu bwinyu, ngali bukubanga ngati mayigha agha panyanja.

Yesaya 48:22

U Mwene akuti, “Umuntu umubibi ate nu mutende.”

Yelemiya 32:16

Bo nabika ukalata uwakughulila kwa Baluki umwana uwa Neliya, nkiputa kwa Mwene nkati,

Yelemiya 33:6

“Loli pope bulo, nkwiza pakukapa ubumi ubwiza nukubapozya abantu bane sona nkwiza pakubalanjizya umutende uwakufikapo nukuti batakanyilaye nakamokamo.

Ukubelengiwa 6:26

Ubuchindamu ubwa Mwene bubalamilaye, sona abape umutende.’ ”

Luka 1:79

lulo lukwiza pakubalamila abantu bosi, babo bakwikala muchisi na mumuzyezye uwa bufwe pakutulongolela muzila iya mutende.”

Luka 2:14

“Ubuchindamu kwa Chala uwakumwanya nkani, umutende pachisu ichapasi pakasi pabantu babo u Chala akuhoboka nkani nabo!”

Yohani 14:27

“Nkubalekela umutende. Nkubapa umutende wane. Intakubapa ukuyana namumo ichisu ichapasi chikupelela umutende. Mutakapasyanje mumoyo ghinyu, sona mutakanyilaye.

Yohani 16:33

Nababuzya zinizi ukuti mubanje nu mutende pakuba poka nane. Ichisu ichapasi chikwiza pakubavwima, loli mujimbe nkani umoyo pakuti nachipota kale ichisu ichapasi!”

Aba Loma 1:7

Nkubasimbila abantu bosi babo bali mu Loma, babo u Chala abaghanite nukubitizya ukuti babanje bantu bache abazelu. Ichisa nu mutende ivyakufuma kwa Chala u Tata witu, sona ni vyakufuma kwa Mwene u Yesu Kilisitu vibanje namwe.

Aba Loma 14:17

Pakuti Ubumwene ubwa Chala bute ni mbombo ni vyakulya ni vyakung'wela, loli ubugholosu nu mutende, sona nu buhobosu, vivyo u Muzimu Umuzelu akupa.

Aba Loma 15:13

Umwenecho u Chala yuyo akutupa ulusubilo, abizuzye nu lusekelo, sona nu mutende ukwendela mukusubila kwinyu mumwache, umwakuti ulusubilo lwinyu lwendelelaye pakukula na maka agha Muzimu Umuzelu.

Aba Loma 5:1

Ilelo pakuti twaneniwa ukuti twe bantu bagholosu pamaso pa Chala ukwendela mu lwitiko, tuli nu mutende nu Chala ukwendela mwa Yesu Kilisitu u Mwene witu.

Aba Loma 8:6

Nanti umuntu akubika inyinong'ono zyache pabuntu ubwa mbibi, ubumalilo bwache, bo bufwe bwene. Loli nanti umuntu akubika inyinong'ono zyache pavintu vivyo u Muzimu Umuzelu akuvilonda, ubumalilo bwache, bo bumi nu mutende.

2 Aba Kolinti 10:5

Sona tukumongolannya nagho amadali, sona na mituvyo ghosi ghagho ghakukanizya abantu pakumumanya u Chala. Tukuzipela inyinong'ono zyosi ukuti zimwivwile u Kilisitu.

2 Aba Kolinti 13:11

Mwee bakamu bane, ichabumalilo nkuti, musyale akiza! Gambika izila zyinyu, sona sunga zizyo nkubasoka. Mwivwanaye nukwikala mumutende. Po u Chala, umwenecho uwa lughano nu mutende akwiza pakuba namwe.

Aba Galatiya 5:22

Loli ivikomwa ivya Muzimu Umuzelu vyo ivi: Ulughano nu buhobosu nu mutende nu bufisalyoyo, ni chisa nu bwiza nu busubiliwa,

Aba Efeso 3:19

Naloli nkwiputa ukuti mumanye ulughano lula ulwa Kilisitu, lulo lwapamwanya nkani ukuchila amahala agha bantu, ukuti mwizuziwe umwakufikapo nubumi ubwa Chala.

Aba Filipi 1:1

Ane ne Pabuli poka nu Timoti, aswe twe babombi aba Kilisitu u Yesu. Ukubasimbila abantu bosi abazelu aba Chala aba mu Filipi, babo ubumi bwabo bwamamatilana poka nu Kilisitu Yesu, nkaninkani abalongozi aba chipanga, sona na bavwilizi babo.

Aba Filipi 1:2

Ichisa nu mutende ivyakufuma kwa Chala u Tata witu, sona ni vyakufuma kwa Mwene u Yesu Kilisitu vibanje namwe.

Aba Filipi 4:19

U Chala wane akwiza pakubapa ivyakusobelwa vyinyu vyosi ukuyana nu bukabi bwache ubwabuchindamu mwa Kilisitu Yesu.

Aba Filipi 4:21

Mubalamuke abantu bosi abazelu aba Chala mwa Kilisitu u Yesu. Abakamu babo bali poka nane kuno bakubalamuka.

Aba Filipi 4:9

Bombezya imbombo vyosi vivyo mwamanyila pamo ukupokela, pamo ukwivwa kukwane, pamo vivyo mwavyennya mumwane. Po u Chala umwenecho uwa mutende akwiza pakuba namwe.

Aba Kolosi 3:15

Umutende uwakufuma kwa Kilisitu ghubalongozye mumoyo ghinyu, ghugho u Chala akabitizizya ukuti mubanje nu mutende ghunughu, pakuti mwe vigaba ivya mubili ghoka. Mubanje mwe bantu bakupalizya.

2 Aba Tesalonika 3:16

U Mwene, umwenecho uwa mutende abapanje umutende pakabalilo kosi, sona na muzila zyosi. U Mwene abanje namwe mwebosi.

Aba Hebeli 13:20

U Chala wemwenecho uwa mutende yuyo akamuzyusya kubufwe u Mwene witu u Yesu ukwendela mwibanda ilya lufingo ilya bwila na bwila, sona yuyo we Mudimi usongo nkani uwa ng'ozi.

Yuda 1:1

Ane ne Yuda umubombi uwa Yesu Kilisitu, sona nu mukamu uwa Yakobo. Nkubasimbila abantu babo bitiziwa nu Chala, babo baghaniwe nu Chala u Tata nukusungililiwa nu Yesu Kilisitu.

Ubuvumbuli 1:4

Ane ne Yohani, nkuvisimbila ivipanga seveni muchigaba icha Asiya. U Chala yuyo aliko ilelo, yuyo akabako kale, sona yuyo akwiza pakubako, abape ichisa nu mutende. Chope ichisa chinichi icha mizimu seveni, yiyo yili pantazi pachitengo icha bumwene ubwa Chala.

Ubuvumbuli 2:17

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu yuyo akupota, nkwiza pakumupa ichakulya ichakubusyefu icha mana. Nkwiza pakumupa ibwe iswepu lilyo lisimbiwepo ni tabwa ilipya, lilyo nayumo umuntu yuyo alimenye, loli mwene yuyo akulipokela.