Aba Filipi 4:6 - IBAYIBOLO 2024

⁶ Mutakapasyanje nizya chintu chimo, loli munyiputo zyinyu zyosi, mumulabe u Chala ivyakusobelwa vyinyu nu moyo uwakupalizya.

Ulufingo Ulupya

⁶ Mutakapasyanje nizya chintu chimo, loli munyiputo zyinyu zyosi, mumulabe u Chala ivyakusobelwa vyinyu nu moyo uwakupalizya.

Aba Filipi 4:6 Iomraidhean Croise

1 Abamwene 8:28

Wee Mwene u Chala wane, loli ivwa ulwiputo lwane ne mubombi wako nukumpelela ichisa. Ivwa ukulila kwane nu lwiputo lwane ne mubombi wako, bo nkwiputa pamaso papako ilelo.

2 Imbili 32:20

U mwene u Hezekiya nu mulaghuzi u Yesaya, umwana uwa Amozi bakiputa nukumulilila u Chala uwakumwanya ukuti abavwe.

Masalimo 51:15

Wee Mwene ighula imilomo yane, po nkwiza pakukwimbila inyimbo izyakukupalizikizya.

Masalimo 55:17

Pandabindabi, na pamusanya, sona na pachamabwila, nkulila nukukoloma, po akwivwa izyu lyane.

Masalimo 55:22

Mupe u Mwene intamyo zyako, po akwiza pakukusunga, pakuti atakwitikizya nalumolumo ukuti abantu bache abagholosu bawanje.

Masalimo 62:8

Mwebaya mumusubilaye akabalilo kosi, mumubuzyanje intamyo zyinyu zyosi, pakuti u Chala we buzilo bwitu ubwakuvwamilamo.

Ivyili 15:8

U Mwene achibengite ichakwiyipa icha muntu umubibi, loli ulwiputo ulwa muntu umugholosu lukumuhobosyanga.

Ivyili 16:3

Bika imbombo zyako munyobe izya Mwene, po imbatiko zyako zikwiza pakukwanilisiwanga.

Inyimbo izya Solomoni 2:14

Inkunda yane yivwamite mumpako izya mabwe, sona nu mwakuvwamamo mumaghamba. Leka nennyanje icheni chako, sona nivwanje izyu lyako. Pakuti izyu lyako lyiza nkani, sona chope ni cheni chako chikuboneka akiza.

Yelemiya 32:16

Bo nabika ukalata uwakughulila kwa Baluki umwana uwa Neliya, nkiputa kwa Mwene nkati,

Yelemiya 33:3

‘Laba kukwane po Ane nkwiza pakukwamula nukukubuzya ivintu vivyo vyibizu nkani sona utavimenyemo.’

Daniyeli 3:16

U Shadilaki nu Meshaki, sona nu Abedinego bakamwamula u mwene yula bakati, “Wee mwene, tutabaghiye pakwiyimila twebene panongwa yiniyi.

Daniyeli 6:10

Bo u Daniyeli azyaghannya ukuti ululaghilo lula lwabikiwa, akabwela nukwinjila muchipinda chache icha pamwanya, chicho amabwindo ghache ghakighuliwa umwakwenannya nakaya akakulu nkani aka Yelusalemu. Akafughamagha katatu pisiku pakwiputa, nukumupalizya u Chala ukuyana namumo akabombelagha pakwanda.

Matayi 10:19

Loli bo babasitaka, mutakapasyanje ukuti, ‘Nkimba tukwiza pakunena ichoni?’ Pamo ukuti, ‘Nkimba tukwiza pakwiyimila bulibuli.’ Bo akabalilo kala kakwana, mukwiza pakupeghiwa amazyu aghakunena.

Matayi 13:22

Imbeyu zizyo zikawila pakasi pamivwa zikwimilila abantu babo bakwivwa amazyu agha Chala. Loli ukwikolezannya nivya bumi ubu, ukuchighana ichuma vikufyululusya amazyu ghala, po batakupa ivikomwa.

Matayi 6:34

Mutakapasyanje nizya ndabi pakuti ivya ndabi vya ndabi. Isiku lili lyosi lili nintamyo izyakuyana nalyo.

Matayi 6:8

Mutakabanje ngati bo babo pakuti Ughuso azimenye kale zizyo mukulonda bo muchili pakulaba.

Luka 10:41

U Mwene akamwamula akati, “Wee Malita, wee Malita! Wilumbusya nukutamiwa ni vintu ivyinji,

Luka 12:22

Po u Yesu akababuzya abamanyili bache akati, “Nkubabuzya ukuti mutakapasyanje nizya bumi bwinyu ukuti mukwiza pakulya ichoni, pamo mukwiza pakuvwala ichoni.

Luka 12:29

Polelo mutakapasyanje ukuti tukwiza pakulya ichoni, pamo tukwiza pakung'wela ichoni.

Luka 18:1

Po u Yesu akababuzya abamanyili bache ichili pakubamanyisya ukuti biputaye akabalilo kosi nukusita ukulita.

Luka 18:7

Nkimba u Chala atakwiza pakubalongela akiza abantu bache, babo bakumulilila umusanya nu busiku? Nkimba akwiza pakuzyelazyela pakubavwa?

1 Aba Kolinti 7:21

Nkimba ukaba muzya, bo u Chala akukwitizya? Ichi chitakakutamyanje. Loli nanti ungalwagha ulusako ulwakubila musatuke, ulubombezye ulusako lulalula.

1 Aba Kolinti 7:32

Nalondagha ukuti chitakabepo nachimo ichakunyazya umoyo winyu. Umwanavuli yuyo atasendite akwikolezannya nizya mbombo iya Mwene, ukwinong'ona bulo namumo angamuhobosekezya u Mwene.

2 Aba Kolinti 1:11

bo mukutwavwa nukutwiputila. Abantu abinji bakwiza pakumupalizya u Chala mubuzilo bwitu pachifukwa icha zizyo umwene atubombela ni chisa chache.

Aba Efeso 5:20

Akabalilo kosi, mumupalaye u Tata u Chala pavintu vyosi mwitabwa ilya Mwene witu u Yesu Kilisitu.

Aba Efeso 6:18

Mubombaye zyosi zinizi munyiputo. Akabalilo kosi mwiputaye kwa Chala ukuti abavwe. Akabalilo kosi mwiputaye umwakulongoziwa nu Muzimu Umuzelu. Pachifukwa ichi mubanje maso, sona mutakanyokelaye mwisinda. Mubiputilaye bwila abantu bosi abazelu aba Chala.

Aba Kolosi 3:15

Umutende uwakufuma kwa Kilisitu ghubalongozye mumoyo ghinyu, ghugho u Chala akabitizizya ukuti mubanje nu mutende ghunughu, pakuti mwe vigaba ivya mubili ghoka. Mubanje mwe bantu bakupalizya.

Aba Kolosi 3:17

Chosi chicho mukubomba, manyi mukanenele, manyi mumbombo, mubombelaye mwitabwa ilya Mwene u Yesu, bo mukumupalizya u Chala u Tata ukwendela mumwache.

Aba Kolosi 4:2

Mubanje balweke munyiputo, sona mubanje maso, bo mukwiputa ukumupalizya u Chala.

1 Timoti 2:1

Po ichakwanda, nkubalaba ukuti mubiputilaye, mubalambilizizyanje, mubalabilaye, nukumupa amapalo u Chala pachifukwa icha abantu bosi.

1 Timoti 5:5

Umukolo umufwilwe yuyo ali mwene bulo, sona ate nawe nayumo umuntu uwakumusunga, akubika ulusubilo lwache mwa Chala nukwendelela pakwiputa kwa Chala pamusanya na pabusiku nukumulaba ukuti amwavwe.

1 Pitala 4:7

Ubumalilo ubwa vintu vyosi buli papipi. Polelo mubanje bantu abakwilema, sona mubanje maso, umwakuti mungiputa.

1 Pitala 5:7

Mumutulile ukupasya kwinyu kosi, pakuti akubapasikizya amwe.

1 Samuweli 1:15

U Hana akamwamula akati, “Wee mwene wane, awe intakolizwe. Ane nkutamiwa nkani mumoyo wane, sona namulililagha u Mwene nu moyo wane ghosi.

1 Samuweli 30:6

U Devedi akaba muntamyo inkulu nkani, pakuti chikabababa nkani abantu bache pachifukwa icha bana na bachi babo umwakuti bakalondagha pakumusumba na mabwe. Loli u Mwene, u Chala wache akamukazya.

1 Samuweli 7:12

Po u Samuweli akimika ibwe pakasi pa kaya akakulu aka Mizipa naka Sheni. Akalyita ibwe lila ukuti Ebenezeli nukuti, “U Mwene atwavwa mupaka pakabalilo aka.”