Aba Filipi 4:19 - IBAYIBOLO 2024

¹⁹ U Chala wane akwiza pakubapa ivyakusobelwa vyinyu vyosi ukuyana nu bukabi bwache ubwabuchindamu mwa Kilisitu Yesu.

Ulufingo Ulupya

¹⁹ U Chala wane akwiza pakubapa ivyakusobelwa vyinyu vyosi ukuyana nu bukabi bwache ubwabuchindamu mwa Kilisitu Yesu.

Aba Filipi 4:19 Iomraidhean Croise

Ubwandilo 48:15

Po akamusaya u Yosefu akati, “U Chala yuyo abatata bane u Abulahamu nu Yisaki bakamubombelagha abasaye abana banaba. U Chala yuyo ansungilila mupaka pakabalilo aka, abasaye abana banaba.

2 Samuweli 22:7

Bo indi muntamyo, nkamwitizya u Mwene. Nkamwitizya u Chala wane. Bo ali munyumba yache, akivwa izyu lyane, sona ukulila kwane kukafika mumakutu ghache.

2 Imbili 18:13

Loli u Mikaya akamwamula akati, “Nkulapa pamaso pa Mwene umumi ukuti naloli nkwiza pakumubuzya zyene zizyo u Chala ambuzya.”

2 Imbili 31:8

Bo u Hezekiya na makambala ghache biza nukwennya ivibunga vila, bakamupala u Mwene, po akabasaya abantu bache aba Izilayeli.

Nehemiya 5:19

Wee Chala wane, unsaye pachifukwa icha vintu vyosi vivyo nababombela abantu banaba.

Nehemiya 9:15

Bo bali nizala ukubapa ichibama icha kumwanya sona bo bali ni nyota ukubapa amizi aghakufuma kwibwe. Ukababuzya ukuti babukaye pakuchifyula ichisu chicho ukabalayizya na maka ghako amakulu ukuti ukwiza pakubapa.”

Masalimo 104:24

Wee Mwene, wabomba ivintu ivyinji nkani. Na mahala ghako ukavipela ivintu vyosi, ichisu ichapasi chizuye ni vipeliwa vyako.

Masalimo 130:7

Wee Izilayeli, lindilila u Mwene, pakuti ulughano ulwa Mwene lutakupotwangapo nalumo, sona mumwache muli ubupoki ubwakufikapo.

Masalimo 36:8

Bakwikuta ni vinoni ivya munyumba yako, sona ukubangw'esya amizi agha mulusoko ulwalusayo lwako.

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Daniyeli 6:22

U Chala wane atumite uwantumi wache nukwighalila imilomo iya nkalamu. Wee mwene, zitakanvulazya napo panandi pachifukwa ichakuti intakaba ninongwa nayimoyimo pamaso papache pamo ukukubombela chimo ichibibi pamaso papako.”

Mika 7:7

Loli ane, nkwiza pakubikapo nkani umoyo wane pa Mwene wane. Nkumulindilila u Chala Umupoki wane, u Chala wane akwiza pakunyivwa.

Malaki 3:10

Mwizaye munyumba yane iyakusungulamo ivyabupi vyinyu ivya chigaba choka pavigaba teni ukuti munyumba yane mubanje ivyakulya ivyinji.” U Mwene Uwamaka Ghosi akuti, “Munjele umwakuti mwennye nanti inte nighule imilyango iyakumwanya nukubawisizya ulusayo ulwinji nkani umwakuti mutakwiza pakuba navyo ivyinji nkani.”

Matayi 6:32

Pakuti abantu abakuzi bo babo bakuvilonda ivintu vinivi. Ughuso uwakumwanya avimenye ivintu vyosi vivyo mukuvilonda.

Yohani 20:17

U Yesu akamubuzya akati, “Utakampalamasye pakuti inchili pakukwela kumwanya kwa Tata. Loli kababuzye abakamu bane ukuti, ‘Nkunyokela kumwanya kwa Tata wane, yuyo namwe we ghuso winyu, sona u Chala wane, yuyo namwe we Chala winyu.’ ”

Yohani 20:27

Po akamubuzya u Tomasi akati, “Bika akafingwi kako pano nukwenelezya inyobe zyane. Gholosya inyobe yako nukuyibika mumbazu zyane. Leka ukwilamwa, loli subila.”

Aba Loma 1:8

Ichakwanda, nkumupalizya u Chala wane ukwendela mwa Yesu Kilisitu pachifukwa icha mwemwe mwebosi pakuti ichisu chosi ichapasi chikwivwa nizya lwitiko lwinyu.

Aba Loma 11:33

Mwee, bo bukabi boni ubwa Chala! Amahala ghache nu bumanyi bwache vyibizu nkani! Wewenu yuyo angalingannya ubulongi bwache? Nkimba wewenu angivwisya izila zyache?

Aba Loma 2:4

Nkimba awe ukuchisula ichisa ichikulu icha Chala, ubufisalyoyo bwache, sona nu buchimyeka? Nkimba utazimenye ukuti u Chala uwa chisa pakuti akuyezya pakukulongozya ukuti upinduke nukuzileka imbibi zyako?

Aba Loma 8:18

Nkupima ukuti intamyo zizyo tuli nazyo losi ulu zitangafwanikiziwa napo panandi nu buchindamu bubo bukwiza pakuvumbuliwa kukwitu.

Aba Loma 9:23

Sona akalondagha pakubuvumbula ubuchindamu bwache ubukulu, bubo akatupungulila twe bantu babo akaba naswe ni chisa, sona babo abayanizizya pakupokela ubuchindamu bwache.

2 Aba Kolinti 12:21

Nkunyila ukuti bo niza sona kukwinyu u Chala wane akwiza pakunkozya isoni pantazi papinyu, po nkwiza pakubalilila abantu abinji babo bakananga kale, loli batakapinduka nukuzileka imbibi zyabo, ni vinyonywa vyabo, sona nu bwamalaya bwabo bubo babombagha.

2 Aba Kolinti 4:17

Pakuti amayimba ghitu manandi, sona ghakabalilo akanandi, ghali pakutuyanizizya aswe ubuchindamu ubukulu ubwakuchilapo, sona nubwa bwila na bwila.

Aba Efeso 1:18

Nkwiputa sona ukuti Umuzimu Umuzelu ighule amoyo ghinyu umwakuti mulwennye ulukozyo lwache umwakuti mungalumanya ulusubilo, lulo u Chala akabitizizya. Nalondagha sona ukuti mumanye ukukula kwache ukwa bukabi nu lusayo, lulo u Chala akabalayizya abantu bache.

Aba Efeso 1:7

Aswe twabukite ukwendela mwibanda lyache, sona akatuhobokela imbibi zyitu ukuyana nu bukulu ubwa chisa icha Chala,

Aba Efeso 2:7

umwakuti angatulanjizya ichisa chache ichikulu nkani pakabalilo kako kakwiza pakwendela mwa Kilisitu u Yesu.

Aba Efeso 3:16

Nkwiputa ukuti ukufuma mu bukabi bwache ubwa buchindamu angabapa amaka mwa Muzimu wache Umuzelu ukuti amoyo ghinyu ghabanje na maka

Aba Efeso 3:8

Napapo ne munandi nkani ukuchila abantu bosi abazelu aba Chala, pope bulo ichisa ichi chikalanjiziwa kukwane ukuti indumbilile pakasi pabantu babo bate ba Yuda nizya bukabi ubusita impaka ubwa Kilisitu

Aba Filipi 4:7

Po umutende uwakufuma kwa Chala ghugho ghuchilite akivwisizye kosi aka muntu ghukwiza pakusunga akiza amoyo ghinyu, sona ni nyinong'ono zyinyu pakumamatilana poka nu Kilisitu u Yesu.

Aba Kolosi 1:27

Chicho u Chala akulonda chakuti abavumbulile abantu bache izya kubusyefu, chicho bukabi nu buchindamu pakasi pabantu aba inko zyosi. Izyakubusyefu zinizi zyakuti u Kilisitu akwikala mumwinyu, chicho chikusimikizya ukuti mukwiza pakugabana ubuchindamu ubwa Chala.

Aba Kolosi 3:16

Amazyu agha Kilisitu ghikalaye mumoyo ghinyu umwakufikapo. Mumanyizannyanje nukusokana na mahala ghosi. Mumwimbilaye u Chala na mapalo mumoyo ghinyu, bo mukwimba inyimbo izya masalimo, ni nyimbo izya kumupala, sona ni nyimbo izya buzimu.

1 Aba Tesalonika 2:12

Tukabakazya umoyo nukubapumizya, sona tukendelela pakubalaba ukuti mwikalaye nubumi ubwa kumuhobosya u Chala, yuyo akubitizya amwe ukuti mugabane nawe Ubumwene, sona nu buchindamu bwache.

1 Timoti 6:17

Ubabuzye babo bakabi muchisu ichapasi ukuti batakituvyanje, pamo ukubika ulusubilo lwabo mu bukabi ubwa muchisu ichapasi, bubo butakumanyikwa bwiza. Loli babike ulusubilo lwabo mwa Chala, yuyo akutupa ivintu vyosi umwakusita ukumamilizya ukuti twilaghaye navyo.

Filimoni 1:4

Mukamu witu Filimoni, nkumupalizya u Chala wane akabalilo kosi, bo nkukukumbuka munyiputo zyane.

1 Pitala 5:1

Ane ne songo uwa chipanga, sona nu kaboni uwa mayimba agha Kilisitu, ne nkulindilila pakupokela nabo ubuchindamu bubo bukwiza pakuvumbuliwa. Nkubalaba abasongo aba chipanga babo bali pakasi papinyu

1 Pitala 5:10

Loli bo mwayimbapo panandi, u Chala uwachisa, yuyo akubitizya pakugabana ubuchindamu ubwa bwila na bwila poka nu Kilisitu, akwiza pakubapyanizikizya papo, nukubavwa nukubakazya, sona nukubikazya palwalo ulukafu.