Aba Filipi 4:14 - IBAYIBOLO 2024

¹⁴ Loli chikaba chiza nkani ukuti amwe mugabane nane muntamyo zyane.

Ulufingo Ulupya

¹⁴ Loli chikaba chiza nkani ukuti amwe mugabane nane muntamyo zyane.

Aba Filipi 4:14 Iomraidhean Croise

1 Abamwene 8:18

Loli u Mwene akamubuzya utata wane u Devedi akati, ‘Ukinong'onagha ichintu ichiza nkani ukuti unzengele inyumba iyakuti lichindikiliwanjemo itabwa lyane.

2 Imbili 6:8

Loli u Mwene akamubuzya utata wane u Devedi akati, ‘Ukinong'onagha ichintu ichiza nkani ukuti unzengele inyumba iyakuti lichindikiliwanjemo itabwa lyane.

Matayi 25:21

Umwene wache yula akati, ‘Wabomba akiza, we wambombo umwiza nu musubiliwa! We musubiliwa patuntu utunandi, po ukwiza pakuba we songo uwa vintu ivikulu. Zagha kuno tusekelele poka!’

Aba Loma 15:27

Chikabahobosya nkani pakubomba zinizi, sona yikaba mbombo yabo iyakubavwa abapina. Pakuti aba Yuda bakagabana na bantu babo bate ba Yuda ulusayo lwabo ulwa buzimu, po bope abantu babo bate ba Yuda babavwanje aba Yuda ni vintu vivyo bakusobelwa ivya mubili.

Aba Galatiya 6:6

Umuntu wesi yuyo akumanyisiwa amazyu agha Chala, agabane nu muntu yuyo ukumumanyisya ivyiza vyosi vivyo ali navyo.

Aba Filipi 1:7

Chiza nkani ukuti mbinong'onelaye bunubu, pachifukwa ichakuti mwebosi muli pamoyo wane. Pakuti mwagabana nane ulusako lulo u Chala ampiye pakughimila, sona nukughikazya Amazyu Amiza, manyi indi mujele, manyi ne muntu umusatuke.

Aba Filipi 4:18

Naloli napokela vyosi, sona indi navyo ivyinji. Ilelo indi navyo vyosi ivyakusobelwa, pakuti u Epafulodito ampiye vivyo mukantumila. Viyanite bulo ni chakwiyipa ichamunusi umwiza, ghugho ghukumuhobosya nkani u Chala.

1 Timoti 6:18

Ubabuzye ukuti babombaye imbombo inyiza, nukuba bakabi mumbombo inyiza, nukusita pakuba bamama, sona nukwiyannya pakugabana ivintu vyabo na bantu abanji.

Aba Hebeli 10:33

Mutubalilo tumo mukasamuliwanga pabuzelu nukuvwimiwa, sona mutubalilo utunji mukagabanagha poka muntamyo na bantu babo bakayimbagha bunubu.

Aba Hebeli 10:34

Pakuti mukabapasikizyanga abantu babo bakaba mujele. Bo bafyula ivintu vyinyu, amwe mukitikizya nu buhobosu, pachifukwa ichakuti amwe mwebene mumenye ukuti muli navyo ivyizapo nkani vivyo vikwiza pakubangako bwila na bwila.

Aba Hebeli 13:16

Mutakaluvyanje pakubombela ubwiza nukugabana vivyo muli navyo, pakuti ivi vyo vyakwiyipa vyitu vivyo vikumuhobosya u Chala.

Ubuvumbuli 1:9

Ane ne Yohani umukamu winyu, nkugabana namwe amayimba nu bumwene, sona nu bufisalyoyo mwa Yesu. Nkabikiwa pa kasungo aka Patimo pachifukwa ichakuti nkalumbilila amazyu agha Chala, sona nu bwanaloli bubo u Yesu akabuvumbula.