Aba Filipi 3:9 - IBAYIBOLO 2024

⁹ sona chicho nkulonda chakuti imamatilane poka nawe. Intanginena pakuba mugholosu pa nemwene pakuzikonka Indaghilo, loli pakusubila mwa Yesu Kilisitu. Ubugholosu ubwakufuma kwa Chala bwimite palwitiko.

Ulufingo Ulupya

⁹ sona chicho nkulonda chakuti imamatilane poka nawe. Intanginena pakuba mugholosu pa nemwene pakuzikonka Indaghilo, loli pakusubila mwa Yesu Kilisitu. Ubugholosu ubwakufuma kwa Chala bwimite palwitiko.

Aba Filipi 3:9 Iomraidhean Croise

Ubwandilo 7:23

U Mwene akazimizya ivintu ivyabumi vyosi pachisu ichapasi: Abantu ni vinyamana ni vinyamana ivyakwavula sona ni viyuni. U Nowa mwene weyuyo akapona poka na bosi babo akaba nabo mubwato mula.

1 Abamwene 8:46

“Nanti abantu bako bakukunangila, pakuti atalipo nayumoyumo yuyo atakunanga, sona nanti ukubakalalila, bo wababika munyobe izya balwani, babo bakubalema nukubuka nabo pakuba bazya muchisu chache ichakubutali pamo papipi,

2 Imbili 32:25

Loli u Hezekiya atakapalizya pavivyo u Mwene akamubombela, po u Mwene akamukalalila nkani poka na bantu aba Yuda naba mu Yelusalemu.

2 Imbili 32:31

Abalongozi aba mu Babiloni bakazituma intumi pakumulalusya nizya chimanyilo ichakuswighisya chicho chikabombiwa muchisu chache. Po u Chala akamuleka ukuti amuyele umwakuti amanye zizyo akinong'onagha.

Masalimo 14:3

Abantu bosi bapulumpa, bosi bo banyonganu, sona atalipo nayumoyumo yuyo akubomba inyiza, awe atalipo nayumoyumo.

Masalimo 143:2

Utakandongaye ne mubombi wako, pakuti atalipo nayumo umumi, yuyo mugholosu pamaso papako.

Masalimo 19:12

Nkimba wewenu yuyo angakumanya ukupuvya kwache? Uhobokelaye ukupuvya kwane kuko kufisiwe.

Umulumbilili 7:20

Atalipo nayumoyumo umuntu umugholosu pachisu ichapasi, yuyo akubomba ingolosu zyene, sona atakunangapo nalumo.

Yesaya 46:13

Nkwiza nu bugholosu kupipi, bute kubutali awe, nu bupoki bwane butakwiza pakukabila. Nkwiza pakukapoka akaya aka Ziyoni, nukubapa ubuchindamu aba Izilayeli.

Yesaya 53:11

Bo ghachilapo amayimba ghache, akwiza pakwennya ulukozyo ulwa bumi nukwikutiziwa. Mubumanyi bwache umubombi wane umugholosu akwiza pakubanena abantu abinji ukuti bagholosu, po akwiza pakuzinyamula imbibi zyabo.

Yesaya 53:6

Aswe twebosi twasobela ngati ng'ozi, umuntu wesi akwenda muzila iyache ni yache. Loli u Mwene abubika ububibi ubwa twebosi papache.

Yesaya 6:5

Po nkati, “Chighune kukwane! Nkufwa pachifukwa ane ne muntu uwa milomo iminyazu, sona nkwikala pakasi pabantu babo imilomo yabo minyazyu. Po namaso aghane na ghane na mwennya u Mwene, u Mwene Uwamaka Ghosi.”

Yelemiya 23:6

Mukabalilo kache ichisu icha Yuda chikwiza pakupokiwa sona ichisu icha Izilayeli chikwiza pakwikalagha umwakufwasa. Akwiza pakwitiziwa ni tabwa ilyakuti, ‘U Mwene we Bugholosu bwitu.’ ”

Yelemiya 33:16

Mumasiku ghalaghala ichisu icha Yuda chikwiza pakupokiwa, sona u Yelusalemu akwiza pakwikalagha umwakufwasa. Akwiza pakwitiziwa ni tabwa ilyakuti: U Mwene we Bugholosu bwitu.

Daniyeli 9:24

“Amaka 7 agha tubalilo aka 70 twabikiwa ukuti abantu aba mukaya akazelu, poka nakaya kako akakulu nkani akazelu babuleke ububibi bwabo sona ni mbibi. Bapepesyanje imbibi zyabo pakubomba ubugholosu ubwa bwila na bwila ichisetuka nu bulaghuzi vikwiza pakukwanilisiwa, sona Ubuzilo Ubuzelu nkani bula bupaghuliwanje.

Matayi 9:13

Bukagha, kivwisye ukuti Amasimbo ghakung'anamula ichoni, ghagho ghakuti, ‘Intakulonda ivyakwiyipa ivya vinyamana, loli nkulonda ichisa.’ Ntizite pakubitizya abantu abagholosu ukuti bapinduke, loli nizite pakubitizya abantu abambibi.”

Aba Loma 1:17

Pakuti Amazyu Amiza ghakuvumbula namumo u Chala akubanenela abantu pakuba bagholosu pamaso papache: Ko kwendela mulwitiko ukwandila ko kubwandilo mupaka kubumalilo. Amasimbo ghakuti, “Abantu babo u Chala akubanena pakuba bagholosu ukwendela mu lwitiko, bakwiza pakuba nubumi.”

Aba Loma 10:10

Pakuti u Chala akumunena umuntu pakuba mugholosu pantazi papache, yuyo akusubila mumoyo wache, sona umuntu akupokiwa nanti akwitika nu mulomo wache.

Aba Loma 16:7

Mundamukileko sona nu Andoloniko nu Yuniya, babo bakaba poka nane mujele. Abene bantu bamanyikwe nkani pakasi pa batumiwa, sona bakaba bakwanda pakuba bakilisitu, bo nane inchili.

Aba Loma 5:21

Po ukuyana namumo imbibi zikaba nu bulaghili pachifukwa icha bufwe, momumo ichisa icha Chala chibanje nu bulaghili ukwendela mubugholosu ukutulongozezya aswe ku bumi ubwa bwila na bwila ukwendela mwa Yesu Kilisitu, u Mwene witu.

Aba Loma 8:1

Polelo abantu babo bakumamatilana poka nu Kilisitu u Yesu, ilelo yitalipo nayimoyimo inongwa iyakubasusya nayo.

Aba Loma 8:3

U Chala akabomba zizyo Indaghilo izya Mozesi zikapotwa pakubomba, pachifukwa ichakuti ubuntu ubwa mbibi butakaba na maka. Akapota imbibi mu buntu ubwa mbibi pakutuma u Mwana wache mwene na mwene, yuyo akiza nu buntu ngati bwitu twe bantu abambibi, ukuti abanje chakwiyipa icha mbibi.

1 Aba Kolinti 1:30

U Chala weyuyo abamamatizya poka nu Kilisitu u Yesu, sona akamupima pakuba mahala ghitu. Ukwendela mumwache, twaneniwa pakuba bantu bagholosu pamaso pa Chala. Aswe twaba bantu abazelu aba Chala, sona twapokiwa.

2 Aba Kolinti 5:17

Polelo nanti umuntu amamatilana poka nu Kilisitu, aba chipeliwa ichipya, ubwakale bwamala, ubupya bwafika.

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

Aba Galatiya 2:16

Loli tuzimenye ukuti umuntu atakuneniwa pakuba mugholosu pamaso pa Chala pakuzikonka Indaghilo, loli kwene ukwendela mu lwitiko mwa Yesu Kilisitu. Po naswe bulo tuli nu lwitiko mwa Kilisitu u Yesu, umwakuti tunganeniwa pakuba bagholosu pamaso pa Chala ukwendela mu lwitiko mwa Kilisitu, pate pakuzikonka Indaghilo pene. Pakuti nayumo umuntu yuyo anganeniwa pakuba mugholosu pamaso pa Chala pakuzikonka Indaghilo pene.

Ukukumbusya Amalamulo 27:26

“Aghuniwanje umuntu wesi yuyo atakughakonka amalamulo ghanagha.” Po abantu bosi bamule batinji, “Ameni!”

Aba Filipi 3:6

Nkaba nu lweke nkani umwakuti nkachivwima ichipanga. Pakunena nizya muno umuntu akuneniwa pakuba mugholosu pakukonka Indaghilo, ane intakaba ni chilema nachimochimo.

2 Timoti 1:9

Akatupoka nukutwitizya ukuti tubanje bantu bache abazelu. Akabomba bunubu, chite chifukwa ichakuti aswe tukabomba inyiza, awe. Loli pachifukwa icha mbatiko ni chisa chache. Akatupelela ichisa ukwendela mwa Kilisitu u Yesu, bo na kabalilo katandite.

Titi 3:5

akatupoka aswe. Zitakaba mbombo ingolosu zizyo aswe tukabombagha, awe, loli chifukwa icha chisa chache. Akatupoka aswe pakutozya nukutupapizya sona ukwendela mwa Muzimu Umuzelu, nukutupa ubumi ubupya.

Aba Hebeli 6:18

Pali ivintu vibili, vivyo vitanganduka, sona muvivyo u Chala atangatamanta. Po aswe twe twabwagha ubupoki na yuyo, twakaziwa nkani umoyo pakulemezya ulusubilo, lulo atubikiye pantazi papitu.

Yakobo 3:2

Pakuti twebosi tukupuvya muvintu ivyinji. Loli nanti umuntu yumo atakupuvya pazizyo akunena, kokuti umuntu yunuyu wakufikapo, sona amenye pakulaghila umubili wache ghosi.

2 Pitala 1:1

Ane ne Simoni Pitala, umubombi, sona nu mutumiwa uwa Yesu Kilisitu. Nkubasimbila ukalata uyu abantu babo bapokelite ulwitiko lulo tukapokela ukwendela mubugholosu ubwa Chala witu, sona nu Mupoki u Yesu Kilisitu.

1 Yohani 3:4

Umuntu wesi yuyo akubomba imbibi, kokuti akunangannya indaghilo izya Chala, pakuti ukubomba imbibi, ko kunangannya indaghilo.