Aba Filipi 3:7 - IBAYIBOLO 2024

⁷ Ivintu vivyo kale nkavyennyanga ukuti vili ni mbombo, ilelo nkuvyennya ukuti vite sona ni mbombo pachifukwa icha zizyo u Kilisitu akabomba.

Ulufingo Ulupya

⁷ Ivintu vivyo kale nkavyennyanga ukuti vili ni mbombo, ilelo inkuvyennya ukuti vite sona ni mbombo pachifukwa icha zizyo u Kilisitu akabomba.

Aba Filipi 3:7 Iomraidhean Croise

Ubwandilo 19:17

Bo babefyamo bulo mukaya mula, weka uwa bantumi bala akati, “Chimbila ukuti mwipoke! Mutakennyanje kwisinda, sona mutakimaye na napamopamo mwikombe. Chimbilila kumaghamba ukuti mutakaghoghiwe!”

Ubwandilo 19:26

Loli umuchi uwa Loti akennya kwisinda, akanduka pakuba libwe ilya mbeya.

Yobu 2:4

U Satana akamwamula u Mwene akati, “Loli ughuyele umubili wache! Po umuntu angitika pakutagha vyosi vivyo ali navyo ukuti abanje nubumi.

Ivyili 13:8

Ubukabi ubwa muntu bungabutabula ubumi bwache, loli umupina atakunyilagha nachimochimo.

Ivyili 23:23

Ghulagha ubwanaloli, sona utakabughulizyanje, banga na mahala, na mafundwe, sona nukwivwisya ivintu.

Umulumbilili 3:6

Pali akabalilo akakulondela, na kabalilo akakutaghila. Pali akabalilo akakusungila na kabalilo akakusumbila.

Matayi 16:26

Nkimba umuntu akukabapo chimo nanti akaba ichisu chosi ichapasi, loli abutaghe ubumi bwache? Awe! Chitalipo nachimo chicho angalipa ukuti asende sona ubumi bwache.

Maliko 10:50

Po akaghusumba umwenda, akanyela nukubuka kwa Yesu.

Luka 14:26

“Umuntu wesi yuyo akwiza kukwane atangaba mumanyili wane, pene papo nanti anganite nkani ukuchila uwise nu nyina, umuchi na bana bache, abawamwabo na bayemba bache, sona na yuyo mwene.

Luka 14:33

“Umwakuyana bulo, nayumo umuntu yuyo angaba mumanyili wane, pene papo nanti avileka vyosi vivyo ali navyo.”

Luka 16:8

Polelo u mwene uwa kapitawa yula akamupalizya uwambombo umusitakusubiliwa yula, pachifukwa icha busitakusubiliwa kwache. Pakuti abantu aba muchisu ichapasi bachevu pakwendezya ivintu vyabo ukuchila abantu babo bali mu lukozyo.”

Imbombo 27:38

Bo bosi bikuta bakabupepusya ubwato ubukulu nkani pakusumbila ingano yosi munyanja.

Aba Hebeli 11:26

Akinong'onagha ukuti ukuyimba pachifukwa icha Kilisitu bukaba bukabi ubukulu nkani ukuchila ubukabi bosi ubwa mu Ijiputi, pakuti amaso ghache ghakennyanga umuvwalo uwa muntazi.