Aba Filipi 3:21 - IBAYIBOLO 2024

²¹ Umwene akwiza pakwandula amabili ghitu ghagho ghakufwa nukughapela ukuti ghabanje ngati gho mubili wache uwabuchindamu ukwendela mumaka ghache aghakupotela nagho ivintu vyosi.

Ulufingo Ulupya

²¹ Umwene akwiza pakwandula amabili ghitu ghagho ghakufwa nukughapela ukuti ghabanje ngati gho mubili wache uwabuchindamu ukwendela mu maka ghache aghakupotela nagho ivintu vyosi.

Aba Filipi 3:21 Iomraidhean Croise

Inyimbo izya Solomoni 1:11

Tukwiza pakukuyanizya indelebele izya golide, sona ni vyakwibonesekezya akiza ivya siliva.

Yesaya 25:8

Akwiza pakuyimila imfwa bwila na bwila. U Mwene Uwamaka Ghosi akwiza pakubasyumula amasozi, nukubefya isoni abantu bache pachisu chosi ichapasi. U Mwene anena.

Yesaya 26:19

Loli abafwe binyu bakwiza pakuba bumi, amabili ghabo ghakwiza pakuzyuka kubufwe. Amwe mwe mukwikala mulufumbi, nyamuka nukukolomoka nukusekela. Inganda yako yili ngati nganda iya pandabindabi, ichisu ichapasi chikwiza pakubanyosezya ubumi abantu abafwe.

Hoseya 13:14

Nkwiza pakubatabula kumaka aghipumpa, sona nkwiza pakubasatula kubufwe. Wee bufwe wee, nkimba iviwaya vyako vili ko kwiyi? Wee lipumpa wee, nkimba ukunangannya kwako kuli ko kwiyi? Ntakwiza pakuba ni chililizi nachimochimo.

Matayi 17:2

Bo bakumwennya, akabonekele aka Yesu kakanduka. Icheni chache chikanyezimila ngati lyo lizuba, sona amenda ghache ghakaba maswepu nkani!

Matayi 22:29

U Yesu akabamula akati, “Mukupuvya nkani pakuti mutaghamenye Amasimbo pamo amaka agha Chala.

Matayi 28:18

U Yesu akapalamila nukubabuzya ukuti, “Napeghiwa ubulaghili bosi kumwanya na pasi pano.

Aba Loma 8:29

Pakuti abantu babo u Chala akabasala kale, akabapaghula pakuba ngati we Mwana wache, umwakuti u Mwana wache abanje ngati we katote mu bakamu abinji.

Aba Kolosi 3:4

Ubumi bwinyu ubwenecho we Kilisitu, po bo akuboneka, namwe bulo mukwiza pakuboneka poka nawe nukugabana poka nawe ubuchindamu bwache!

1 Yohani 3:2

Mwee bamanyani bane abaghaniwa, ilelo aswe twe bana aba Chala, loli chichili chitavumbuliwe namumo tukwiza pakubela. Loli bo akwiza, tuzimenye ukuti tukwiza pakuyana nawe, pakuti tukwiza pakumwennya mumo abeleye.

Ubuvumbuli 1:8

U Mwene u Chala, Uwamaka Ghosi, yuyo aliko ilelo, yuyo akabako kale, sona yuyo akwiza pakubako akuti, “Ane ne bwandilo. Ane ne bumalilo.”