Aba Filipi 3:2 - IBAYIBOLO 2024

² Muchebaye nimbwa zinizi, abantu babo bakubomba ivinyazu. Muchebaye na bantu babo bakwibolannyabolannya amabili.

Ulufingo Ulupya

² Muchebaye nimbwa zinizi, abantu babo bakubomba ivinyazu. Muchebaye na bantu babo bakwibolannya-bolannya amabili.

Aba Filipi 3:2 Iomraidhean Croise

Masalimo 119:115

Mwe babomba mbibi, epako kukwane, umwakuti ingakonkaye amalamulo agha Chala wane.

Masalimo 22:16

Abalwani banzyuguliye ngati mbwa, sona akabukatila aka bantu ababibi kanzyunguliye. Bandasa inyobe ni nyayo zyane bulo.

Masalimo 22:20

Poka ubumi bwane kwa panga, sona ubumi bwane ubwapamwanya munyobe izya mbwa izyamaka.

Ivyili 26:11

Umupunganu yuyo akunyokezya ubupunganu bwache, ayanite bulo nimbwa yiyo yikunyokela ku matapisi ghache.

Matayi 24:10

Abantu abinji bakwiza pakutagha ulwitiko lwabo pakabalilo kanako; bakwiza pakulongelelana nukubengana.

Matayi 7:15

“Muchebaye nabo abalaghuzi abamyasi; bakwiza kukwinyu ngati zyo ng'ozi, loli mukasi bayanite bulo ni mpumpi!

Matayi 7:6

“Mutakazipanje imbwa chicho chizelu pakuti zikwiza pakukusambukila nukukuluma. Mutakazisumbilaye ingulube chicho chipaghuliwe kwa Chala pakuti zikwiza pakukanyannya bulo.

Aba Loma 2:28

Umu Yuda uwanaloli, ate we yula yuyo akuboneka ngati we mu Yuda pamaso pabantu. Sona ukusilimula ukwanaloli, kute ko kuko kukubombiwa pamubili pamaso pabantu.

2 Aba Kolinti 11:13

Pakuti abantu banaba batumiwa abamyasi, abambombo abazimbuli, babo bakwifwanikizya bene ngati po batumiwa ba Kilisitu.

Aba Galatiya 5:13

Mwee bakamu bane, mukitiziwa ukuti mubanje bantu babuke. Mutakabubombezyanje ubusatuke bwinyu ukuti mubombaye ivinyonywa ivya mubili winyu, loli mubombelanaye mulughano.

Aba Galatiya 5:15

Loli nanti mukulumana nukunyonkolana, po muchebaye ukuti pabumalilo mukwiza pakukavulana.

Aba Galatiya 5:6

Nanti tuli mwa Kilisitu u Yesu ukusilimuliwa pamo ukusita kusilimuliwa kute ni mbombo. Ichintu choka bulo chicho chapamwanya nkani lo lwitiko, lulo luli pambombo ukwendela mu lughano.

Aba Filipi 3:19

Ubumalilo ubwa bantu banaba, ko kuzimila, pakuti u chala wabo zyo nyanda zyabo. Bakwituvikizya ni vintu vivyo babaghiye pakukoziwa navyo isoni. Amoyo ghabo ghali pavintu ivya muchisu ichapasi.

Aba Filipi 3:3

Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili,

1 Timoti 1:19

Sungilila ulwitiko lwako nu mabyebye umwiza. Abantu bamo batakamwivwila umabyebye wabo, po ulwitiko lwabo lwananganika.

Titi 1:16

Bakwipima bene ukuti bamumenye u Chala, loli mumbombo zyabo bakumukana. Abene banyazu, na basita ukwivwila, sona batabaghiye napo panandi pakubomba ichintu ichiza.

2 Pitala 2:22

Ichi chikababonekela pakukwanilisya ichili ichakuti, “Imbwa yikunyokela sona ku matapisi ghache,” ni chinji ichakuti, “Ingulube bo bayozya, yikunyokela sona pakughalaghata mumatope.”

Yuda 1:4

Pakuti abantu bamo babo batakumunyila u Chala bakinjila pakasi papinyu umwakusita ukumanyikwa, abantu babo bakunyongannya ichisa icha Chala witu, ngati po chintu chimo chicho chikubapa ubusatuke ubwakubombela ivintu ivinyazu. Abantu banaba bakumukana u Yesu Kilisitu u Mwene witu Uwamaka mwene. Kale Amasimbo ghakalaghula nizya lufundo lulo bapokela.

Ubuvumbuli 2:9

“Intamyo zyako inzimenye nu bupina bwako bope imbumenye, loli we mukabi. Ingumenye umusamu uwa bantu babo bakwinena bene ukuti ba Yuda, po bate ba Yuda, loli ba chipanga icha Satana.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”

Ubuvumbuli 22:15

Loli kuzi ukwa kaya akakulu nkani kuli imbwa na bamayele na bamalaya na baghoghi na bakwiputa ivifwani sona na babo babughanite ubumyasi.

Ubuvumbuli 3:9

Balipo abantu bamo muchipanga icha Satana, babo bakwinena bene ukuti ba Yuda, loli bate ba Yuda, awe. Abantu banaba nkwiza pakubapela ukuti bize kukwako nukulamba pasi pa nyayo zyako. Bosi bakwiza pakumanya ukuti ane nkughanite.