Aba Filipi 3:19 - IBAYIBOLO 2024

¹⁹ Ubumalilo ubwa bantu banaba, ko kuzimila, pakuti u chala wabo zyo nyanda zyabo. Bakwituvikizya ni vintu vivyo babaghiye pakukoziwa navyo isoni. Amoyo ghabo ghali pavintu ivya muchisu ichapasi.

Ulufingo Ulupya

¹⁹ Ubumalilo ubwa bantu banaba, ko kuzimila, pakuti u chala wabo zyo nyanda zyabo. Bakwituvikizya ni vintu vivyo babaghiye pakukoziwa navyo isoni. Amoyo ghabo ghali pavintu ivya muchisu ichapasi.

Aba Filipi 3:19 Iomraidhean Croise

Masalimo 17:14

Wee Mwene na maka ghako, mpoka munyobe izya bantu banaba. Mpokagha munyobe izya bantu aba muchisu ichapasi, babo umuvwalo wabo ghuli mubumi bunubu. Ubafundaye ni vyakubaba vivyo ubasungiye. Abana babo babanje navyo ivyinji nkani, ukuti vibakwanaye abana babo.

Masalimo 52:1

Wee muntu uwamaka, nkimba choni chicho ukwituvikizya imbombo zyako imbibi? Fwandi choni chicho ukwituvya isiku lyosi, awe we muntu umukozya isoni pamaso pa Chala?

Yelemiya 44:17

Nubwanaloli bosi tukwiza pakubomba chosi chicho tukanena ukuti tukwiza pakuchibomba. Tukwiza pakumochela utwakununkila u Mwene Umukolo Uwakumwanya nukumubikila ichakwiyipa icha vinyo ngati mumo aswe na banyenya na bamwene bitu na makambala ghitu tukabombela mutwaya utukulu utwa Yuda sona na mumisebo iya Yelusalemu. Pakabalilo kalakala tukaba ni chakulya ichinji nkani, sona tukaba akiza nkani, yitakabapo intamyo nayimoyimo.

Ezekiyeli 13:19

Mwankozya isoni pakasi pabantu bane pachifukwa ichakupokela amapemba amanandi bulo nu tumenyu utwa chibama. Mwabazimbula abantu bane, babo bakuteghelezya ubumyasi, mwabaghogha abantu babo batabaghiye pakufwa nukubaleka babo batabaghiye pakuba bumi.

Ezekiyeli 34:3

Amwe mukung'wela ulukama, nukuvwala amenda agha meya sona nukughogha ing'ozi inyine, loli mutakughusungilila umudimo.

Hoseya 4:7

Bo abaputi bakonjelela ubwinji, momumo bakanangila nane bulo. Bakughulizannya ubuchindamu ubwa Chala ni vintu ivikozya soni.

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Mika 3:5

U Mwene akuti, “Abalaghuzi babo bakubasovya abantu bane, nanti yumo akubapa ichakulya, kokuti bakulumbilila ‘umutende.’ Nanti atakubomba bunubu, kokuti bakwiyannya pakulwa nawe ubwite.

Malaki 1:12

U Mwene Uwamaka Ghosi akuti, “Loli amwe mukulisamula itabwa lyane bo mukunena ukuti, ‘Ichighemo icha Mwene chinyazu,’ sona chope ‘Ichakwiyipa chache chakusamuliwa.’

Matayi 16:23

U Yesu akaghalabukila kwa Pitala nukumuchemela ukuti, “Epapo, we Satana! Awe uyanite bulo ni chizinka muzila yane. Inyinong'ono zyako zitakufuma kwa Chala, loli nyinong'ono bulo izya bantu.”

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mumoto uwa bwila na bwila ghugho bamuyanizye u Satana na bantumi bache!

Luka 12:19

Po nkwiza pakughubuzya umoyo wane ukuti we walusako. Uli ni vyuma ivyinji vivyo vikwiza pakukusunga amaka aminji. Bupepule bulo, lyanga, sona ung'welaye nukuhoboka wemwene!’

Luka 16:19

“Kukabako umuntu yumo yuyo akavwalagha amenda agha pamwanya nukwikala mubumi ubwakwihobosya amasiku ghosi.

Luka 18:4

Akabalilo akatali umulongi yula akakanagha pakulonga inongwa yila, loli pisinda pache akanena mumoyo wache akati, ‘Napapo intakumunyila u Chala, pamo ukubachindika abantu,

Aba Loma 16:18

Pakuti abantu banaba batakumubombela u Mwene witu u Kilisitu, loli bakuvibombela ivinyonywa vyabo. Sona na mazyu ghabo manoni, sona mazimbuli bakubazimbula abantu babo batamenye nachimochimo.

Aba Loma 6:21

Nkimba mukakabapo ichoni pakubomba ivintu ivyakukozya isoni vinivi? Pakuti ubumalilo ubwa vintu vinivi, bo bufwe bwene!

1 Aba Kolinti 3:3

Muchili mwe bantu aba muchisu ichapasi, pakuti nanti pakasi papinyu pali akabini sona nukudalinkana, nkimba zinizi zitakusimikizya ukuti amwe mwe bantu ba muchisu ichapasi, babo bakukonka ivintu ivya muchisu ichapasi?

1 Aba Kolinti 5:2

Po, nkimba choni chicho muchili mukwitutumula mwebene? Loli mubaghiye pakuba ni chitima, sona nukumwefyamo mumwinyu umuntu yuyo abombite zinizi.

1 Aba Kolinti 5:6

Ukwitutumula kwinyu kute kwiza. Nkimba mutachimenye ichili chicho chikuti, “Ichilungo ichinandi bulo chikututumula indobo yosi iya ichinyenya?”

2 Aba Kolinti 11:12

Sona chicho nkubomba nkwiza pakwendelela pakuchibomba, umwakuti intakabape ulusako abatumiwa abanji bala ulwakwituvikizya nukuti bakubomba vivyo aswe tukubomba.

2 Aba Kolinti 11:15

Po chite chiyeni nanti ababombi bache bope bakwifwanikizya bene ngati po bambombo ba bugholosu. Ubumalilo bwabo bukwiza pakuyana bulo ni mbombo zyabo.

Aba Galatiya 6:13

Na bantu babo basilimuliwe, bope batakukonka Indaghilo, loli bakulonda musilimuliwe ukuti chibanje chintu chimo ichakwituvikizyapo.

Aba Filipi 2:21

Abantu abanji bosi bakwiyinong'onela nizyabo zyene, ukusita ukwinong'onela nizya Yesu Kilisitu.

Aba Kolosi 3:2

Bika inyinong'ono zyinyu pavintu ivya kumwanya, mutakabikaye inyinong'ono zyinyu pavintu ivya muchisu ichapasi.

2 Aba Tesalonika 1:9

Bakwiza pakuyimba nu lufundo ulwa bwila na bwila, batakwiza pakwennyapo nalumolumo icheni icha Mwene, pamo ubuchindamu ubwa maka ghache.

2 Aba Tesalonika 2:12

Polelo ubumalilo bwache bwakuti bosi babo batasubiye ubwanaloli, loli bahobokite nkani nukubomba imbibi, bakwiza pakususyiwa.

2 Aba Tesalonika 2:8

Po umuntu umubibi yula akwiza pakuvumbuliwa. Loli u Mwene u Yesu akwiza pakumunangannya nu muyi uwa mumulomo wache, bo akwiza mubuchindamu bwache ubwakunyezimila.

1 Timoti 6:5

Abantu banaba bakudalinkana na bantu babo inyinong'ono zyabo nyonganu, sona babo batabumenye ubwanaloli. Bakwinong'ona ukuti ukwiputa kwa Chala yo zila yimo iyakukabilapo indalama.

2 Timoti 3:4

Batakwiza pakuba basubiliwa, bakwiza pakuba bapopo, na bamituvyo, na bakughana ivyakwihobosya, mubuzilo ubwa kumughana u Chala,

Yakobo 4:16

Loli mumo zibeleye, mukwituvya nukwitutumula. Ukwituvya kosi kunuku kubibi.

2 Pitala 2:1

Kale abalaghuzi abamyasi bakabapo pakasi papinyu. Umwakuyana bulo, abamanyisi abamyasi bakwiza pakubapo pakasi papinyu. Bakwiza mubusyefu ni vimanyisyo ivyabumyasi ivyakunangannya mupaka na pakumukana u Mwene wabo yuyo akabatabula. Po bakwiza pakwipalaghulila bene ukunanganika ukwa kuchenusya bulo.

2 Pitala 2:13

nukufundiwa ukuyana nu bubibi bwabo. Chicho chizapo kukwabo ko kubomba izyakughahobosya amabili ghabo pamusanya. Abene bayanite ni vintu ivinyazu, sona bakukozya isoni pakuti bakuhoboka nkani pakubazimbula, bo mukulya poka nabo.

2 Pitala 2:3

Pachifukwa icha kunyonywa ubukabi abene bakwiza pakubapela amwe pakuba mwe zila iyakukabilamo pakubombezya amazyu aghabuzimbuli. Loli ubulongi bwabo buyaniziwe kale, sona ukuzimila kwabo kukubalindilila.

Yuda 1:10

Loli abantu banaba bakutuka ni vintu vyosi vivyo batavimenye, ivintu vivyo bavimenye na mahala ghabo vivyo vikubanangannya.

Yuda 1:16

Abantu banaba bamilumbusyo, sona bakubapakazya abanji inongwa. Bakukonka ivinyonywa vyabo ivibibi, na bamituvyo sona bakubapala abantu abanji, umwakuti bachaghe chicho bakulonda.

Yuda 1:4

Pakuti abantu bamo babo batakumunyila u Chala bakinjila pakasi papinyu umwakusita ukumanyikwa, abantu babo bakunyongannya ichisa icha Chala witu, ngati po chintu chimo chicho chikubapa ubusatuke ubwakubombela ivintu ivinyazu. Abantu banaba bakumukana u Yesu Kilisitu u Mwene witu Uwamaka mwene. Kale Amasimbo ghakalaghula nizya lufundo lulo bapokela.

Ubuvumbuli 18:7

Mumuyivye nkani nukumupelela intamyo inkulu nkani ukuyana nu buchindamu bwache nubumi bwache ubwakwilagha. Pakuti akwituvya mumoyo wache akuti, ‘Nkwikala pano ngati we mwene umukolo. Ane inte ne mufwilwe, sona ntakwiza pakusulumannyapo nalumo.’

Ubuvumbuli 19:20

Loli ichinyamana chikalemiwa poka nu mulaghuzi umumyasi, yuyo akabombagha iviswigho pantazi papache. Ni viswigho vilavila akabazimbula abantu babo bakadindiwa ni chidindo icha chinyamana, sona na bantu babo batakachiputa ichifwani icha chinyamana chila. Ichinyamana poka nu mulaghuzi umumyasi yula, bosi babili aba bakasumbiwa bumi munyanja iya moto uwa sulufule.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”

Ubuvumbuli 22:15

Loli kuzi ukwa kaya akakulu nkani kuli imbwa na bamayele na bamalaya na baghoghi na bakwiputa ivifwani sona na babo babughanite ubumyasi.

1 Samuweli 2:29

Po nkimba choni chicho ukuvisamula ivyakwiyipa vyane, vivyo nkalamula ukuti vibanje vya munyumba yane? Nkimba choni chicho ukubachindika abana bako ukunchila ane pakwiyinizya mwebene ni vigaba ivyiza nkani ivya vyakwiyipa vivyo abantu bane bakubika?