Aba Filipi 3:15 - IBAYIBOLO 2024

¹⁵ Aswe twebosi twe tukulite mubuzimu tubaghiye pakuba ni nyinong'ono zinizi. Sona nanti balipo abantu bamo babo bali ni nyinong'ono izinji, u Chala akwiza pakubavumbulila pabuzelu.

Ulufingo Ulupya

¹⁵ Aswe twebosi twe tukulite mubuzimu tubaghiye pakuba ni nyinong'ono zinizi. Sona nanti balipo abantu bamo babo bali ni nyinong'ono izinji, u Chala akwiza pakubavumbulila pabuzelu.

Aba Filipi 3:15 Iomraidhean Croise

Yesaya 35:8

Kulakula kukwiza pakubako umusebo, ghugho ghukwiza pakwitiziwa ukuti, “Umusebo Umuzelu.” Ababomba mbibi batakwiza pakwendamo, abapunganu batakwiza pakupulumpilamo.

Matayi 5:48

Po mubanje bantu abiza muvintu vyosi ukuyana namumo Ughuso uwakumwanya abeleye!

Luka 11:13

Nanti mwe bantu mwe babibi mumenye pakubapa ivintu ivyiza abana binyu, zili bulibuli nu Ghuso uwakumwanya? Nkimba angapotwa pakubapa u Muzimu Umuzelu abantu babo bakumulaba?”

Yohani 6:45

Abalaghuzi bakasimba bakati, ‘Bosi bakwiza pakumanyisiwa nu Chala.’ Umuntu wesi yuyo akwivwa zizyo u Tata akunena nukumanyila kukwache, weyuyo akwiza kukwane.

Yohani 7:17

Umuntu wesi yuyo akulonda pakubomba vivyo u Chala akulonda, akwiza pakumanya nanti vivyo nkumanyisya vifumite kwa Chala pamo nkunena nu bulaghili ubwane nu bwane.

Aba Loma 15:1

Aswe twe bamaka mulwitiko tubaghiye pakubavwa abadedebazu pakunyamula intamyo zyabo. Tutakihobosyanje twebene bulo.

1 Aba Kolinti 14:20

Mwee bakamu bane, mutakinong'onaye ngati mwe bana abanandi. Bo mwakomana ni vintu ivibibi mubanje ngati mwe bana abanandi, loli munyinong'ono zyinyu mubanje ngati mwe basongo.

1 Aba Kolinti 2:6

Loli tukunena amazyu aghamahala na bantu babo bamaka mubuzimu, napapo amahala agha ghate mahala agha masiku agha, pamo agha balaghili aba muchisu ichapasi, babo amaka ghabo ghakumala.

Aba Galatiya 5:10

Indi nu lusubilo mwa Mwene ukuti mutakwiza pakuba ni nyinong'ono izinji. Loli umuntu yuyo akubasovya akwiza pakupokela ulufundo, napapo angaba wewenu.

Aba Efeso 1:17

u Chala uwa Mwene witu u Yesu Kilisitu, sona nu Tata umuchindamu, ukuti abape umuzimu uwamahala nu wabuvumbuli ukuti mumumanye akiza.

Aba Kolosi 1:28

U Kilisitu weyuyo tukulumbilila pakasi pabantu bosi. Na mahala ghosi tukubasoka nukubamanyisya, umwakuti abantu bosi bize kwa Chala pakuba bantu abakufikapo mwa Kilisitu.

Aba Kolosi 4:12

U Epafula yuyo weka uwa amwe, sona mubombi uwa Kilisitu u Yesu akubalamuka. Akubiputila nkani akabalilo kosi ukumulaba u Chala ukuti mwimaye nkani, nukuba bantu abazelu, sona nukuti mwiyulaye nkani pakubomba vyosi vivyo u Chala akulonda.

1 Aba Tesalonika 4:9

Pakunena nizya lughano pakasi pa amwe mwe bitiki, chite chakulondiwa ukuti tubasimbile, pakuti u Chala umwenecho akabamanyisya mumo mubaghiye pakughananilanagha.

2 Timoti 3:17

umwakuti umubombi uwa Chala abanje wakufikapo, sona wakwiyannya pakubomba imbombo zyosi inyiza izyakulekanalekana.

Aba Hebeli 5:14

Loli ichakulya ichikafu cho cha bantu abasongo, babo ukwendela mukumanyila bamenye ukulesannya pakasi pachintu chicho chiza ni chintu chicho chibibi.

1 Yohani 2:5

Loli nanti umuntu akwivwila amazyu agha Chala, kokuti ulughano ulwa Chala lwaba lwakufikapo mumwache. Ichi cho chicho chikutusimikizya ukuti tumamatilanite poka nu Chala.