Aba Filipi 3:14 - IBAYIBOLO 2024

¹⁴ Nkuchimbilila ku bufiko ubwa nyangalo ukuti impokele umuvwalo kumwanya, ghugho u Chala anyitizizyako ukwendela mwa Kilisitu u Yesu.

Ulufingo Ulupya

¹⁴ Inkuchimbilila ku bufiko ubwa nyangalo ukuti impokele umuvwalo kumwanya, ghugho u Chala anyitizizyako ukwendela mwa Kilisitu u Yesu.

Aba Filipi 3:14 Iomraidhean Croise

1 Aba Kolinti 9:24

Nkimba mutazimenye ukuti pakupotana abantu abinji bakuchimbila, loli umuntu weka bulo weyuyo akupokela umuvwalo? Po, ukuchimbila kwinyu kubanje kwakuti mupokele nako umuvwalo.

1 Pitala 5:10

Loli bo mwayimbapo panandi, u Chala uwachisa, yuyo akubitizya pakugabana ubuchindamu ubwa bwila na bwila poka nu Kilisitu, akwiza pakubapyanizikizya papo, nukubavwa nukubakazya, sona nukubikazya palwalo ulukafu.

Ubuvumbuli 3:21

Umuntu yuyo akupota, nkwiza pakumwitikizya ukwikala nane pachitengo icha bumwene, ukuyana namumo nane nkapotela nukwikala nu Tata pachitengo chache icha ubumwene.

1 Aba Tesalonika 2:12

Tukabakazya umoyo nukubapumizya, sona tukendelela pakubalaba ukuti mwikalaye nubumi ubwa kumuhobosya u Chala, yuyo akubitizya amwe ukuti mugabane nawe Ubumwene, sona nu buchindamu bwache.

2 Pitala 1:3

U Chala na maka ghache akatupa ivintu vyosi ivyakutwavwilizya ukuti tubanje nubumi ubwa nyiputo pakutumanyisya nizya yuyo. Akatwitizya ukuti tugabane nawe ubuchindamu nu bwiza bwache ubukulu.

Aba Hebeli 3:1

Mwee bakamu bane, u Chala abasalite amwe ukuti mubanje bantu bache abazelu. Polelo mwinong'onaye nizya Yesu, yuyo akatumiwa nu Chala ukuti abanje muputi usongo uwa lwitiko lulo tukwitika.

1 Pitala 1:13

Polelo yannya amoyo ghinyu pakubomba imbombo. Mubanje maso, sona mubikayepo ulusubilo lwinyu losi palusayo lulo mukwiza pakupokela, bo u Yesu Kilisitu avumbuliwa.

Aba Hebeli 6:1

Polelo zagha twendelele ni chimanyisyo icha bwasongo, nukuvileka ivimanyisyo ivyakwanda ivya Kilisitu. Tutakandizyanje pakwala ulwalo lulo lukunena nizya kuzileka imbombo zizyo zikupela ubufwe nukusubila mwa Chala,

2 Aba Kolinti 4:17

Pakuti amayimba ghitu manandi, sona ghakabalilo akanandi, ghali pakutuyanizizya aswe ubuchindamu ubukulu ubwakuchilapo, sona nubwa bwila na bwila.

Luka 16:16

“Indaghilo izya Mozesi na masimbo agha balaghuzi vikabako mupaka pakabalilo aka Yohani Uwalozyo. Ukwandila pakabalilo kalakala Amazyu Amiza agha Bumwene ubwa Chala ghalumbililiwe, sona umuntu wesi akwifinyilizya ukuti injilemo.

Aba Loma 11:29

Pakuti u Chala atakwandula inyinong'ono zyache pa muntu yuyo amusala nukumusaya.

Aba Filipi 3:3

Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili,

Aba Kolosi 2:18

Patakabepo nayumo umuntu uwakubakanizya ukukaba umuvwalo ughu. Umwene ighanite ukwilanjizya pakuba muntu wakwiyisya, bo akwiputa ukubachindika abantumi. Akubika umoyo pavivyo akuvyennya muvisetuka. Akwituvya na pabusita ichifukwa, pakuti akukonka bulo amahala agha bantu.

2 Timoti 1:9

Akatupoka nukutwitizya ukuti tubanje bantu bache abazelu. Akabomba bunubu, chite chifukwa ichakuti aswe tukabomba inyiza, awe. Loli pachifukwa icha mbatiko ni chisa chache. Akatupelela ichisa ukwendela mwa Kilisitu u Yesu, bo na kabalilo katandite.