Aba Filipi 3:13 - IBAYIBOLO 2024

¹³ Mwee bakamu bane, intakwinong'ona ukuti napota kale, awe. Loli pali ichintu choka chicho nkubomba: Nkuluvya ivya mwisinda, sona indi nu lweke nkani pakunyululukila ivya muntazi.

Ulufingo Ulupya

¹³ Mwee bakamu bane, ntakwinong'ona ukuti napota kale, awe. Loli pali ichintu choka chicho nkubomba: Inkuluvya ivya mwisinda, sona indi nu lweke nkani pakunyululukila ivya muntazi.

Aba Filipi 3:13 Iomraidhean Croise

Masalimo 27:4

Ichintu choka chicho nkumulaba u Mwene, chicho nkachilonda nkani chakuti, nikalaye mu Nyumba iya Mwene mumasiku ghosi agha bumi bwane. Umwakuti nennyanje akabonekele akiza aka Mwene, sona nukuti imulondaye mu Nyumba yache.

Masalimo 45:10

Wee mulindu teghelezya! Ivwa amazyu nukughinong'onela, sona ubaluvye abakamu bako na bamunyumba iya ghuso.

Luka 10:42

loli ichintu choka chikulondiwa. U Maliya asala ichintu ichiza, sona chitakwiza pakufyuliwapo nalumolumo kukwache.”

Luka 9:62

U Yesu akati, “Umuntu wesi yuyo akwanda pakulima nukwennya kwisinda, atabaghiye mu Bumwene ubwa Chala.”

2 Aba Kolinti 5:16

Polelo ukwandila akabalilo aka, tutakumulonga nayumo umuntu ukuyana ni nyinong'ono izya buntu. Napapo pakabalilo kamo tukamulonga u Kilisitu ukuyana ni nyinong'ono izya buntu, tutakubombapo nalumolumo bunubu.

Aba Filipi 2:12

Polelo baghaniwa bane, munyivwilaye nilelo bulo ukuyana namumo mwanyivwilagha bwila. Mutakanyivwile pene papo indi poka namwe. Po mwendelele pakufisya ubupoki bwinyu nubogha, sona nukutetema.

Aba Filipi 3:12

Intakunena ukuti napota kale, pamo ne wakufikapo kale, awe. Loli indi nu lweke ukuti indeme umuvwalo, ghugho u Kilisitu u Yesu akandemela ukuti imbanje wache.

Aba Filipi 3:8

Momumo, vyosi bulo nkuvyennya ukuti vyosi vite ni mbombo, pakuti imumenye u Kilisitu Yesu u Mwene wane. Pachifukwa chinichi, nkutagha ivintu vyosi, sona nkusenda ivintu vyosi pakuba mintu bulo umwakuti ubukabi bwane bubanje we Kilisitu,

Aba Hebeli 6:1

Polelo zagha twendelele ni chimanyisyo icha bwasongo, nukuvileka ivimanyisyo ivyakwanda ivya Kilisitu. Tutakandizyanje pakwala ulwalo lulo lukunena nizya kuzileka imbombo zizyo zikupela ubufwe nukusubila mwa Chala,

2 Pitala 3:8

Mwee bamanyani bane abaghaniwa, loli mutakaluvyanje ichintu choka ichakuti: Pamaso pa Mwene isiku lyoka lili ngati gho maka 1,000, sona amaka 1,000 ghali ngati lyo lisiku lyoka.