Aba Filipi 3:12 - IBAYIBOLO 2024

¹² Intakunena ukuti napota kale, pamo ne wakufikapo kale, awe. Loli indi nu lweke ukuti indeme umuvwalo, ghugho u Kilisitu u Yesu akandemela ukuti imbanje wache.

Ulufingo Ulupya

¹² Intakunena ukuti napota kale, pamo ne wakufikapo kale, awe. Loli indi nu lweke ukuti indeme umuvwalo, ghugho u Kilisitu u Yesu akandemela ukuti imbanje wache.

Aba Filipi 3:12 Iomraidhean Croise

Yobu 17:9

Pope bulo, abagholosu bakwenda muzila zyabo, po yuyo musita chifukwa akukula wamaka.

Masalimo 119:5

Nalondagha nkani ukuti ngali inkalo yane yabanga nyiza, pakughakonka amalamulo ghako.

Masalimo 138:8

U Mwene akwiza pakukwanilisya ubwighane bwache papane. Wee Mwene ulughano lwako lwa bwila na bwila, po utakazilekaye imbombo izya nyobe zyako.

Masalimo 42:1

Ngati mumo imbabala yikusambila utusoko utwa mizi, wee Chala wane nane bulo nkukusamba.

Masalimo 63:8

Umoyo wane ghukukakatiye, sona inyobe yako indilo yikunsungilila.

Masalimo 84:2

Umuzimu wane ghukulusamba sona ghukululonda nkani ulubinjilo ulwa Mwene. Umoyo nu mubili wane vikumwimbila nu lusekelo u Chala uwa bumi.

Masalimo 94:15

Ubulongi bukunyokela sona ku bugholosu, abantu abagholosu babukonkaye.

Ivyili 4:18

Izila iya bagholosu yili ngati ko kubuche, kuko kukulama nkani mupaka izuba lyafika pamutu.

Yesaya 51:1

Teghelezya kukwane, amwe mukubukonkezya ubugholosu nukumulondelezya u Mwene, lyennye ilyalabwe lilyo mukabiziwako, ni chiliba chicho mukakumbiwako,

Hoseya 6:3

Zagha tumumanye u Mwene, zagha tulemezye nkani pakumumanya. Naloliloli akwiza pakuboneka ngati ko kubuche. Akwiza pakutwizila ngati mumo yibeleye ivula pachisiku, sona ngati mumo yikutimila ivula pachisu ichapasi pakabalilo aka lupepo.”

Matayi 5:48

Po mubanje bantu abiza muvintu vyosi ukuyana namumo Ughuso uwakumwanya abeleye!

Imbombo 9:15

U Mwene akamubuzya akati, “Bukagha pakuti namusala ukuti ambombele, ukufumusya itabwa lyane pakasi pabantu babo bate ba Yuda, na bamwene, sona na pakasi paba Izilayeli.

Aba Loma 8:39

napapo ichisu icha kumwanya pamo ichisu ichapasi—chitalipo nachimochimo muvipeliwa vyosi chicho chingatusabulannya aswe nu lughano ulwa Chala, lulo lwitu ukwendela mwa Kilisitu u Yesu u Mwene witu.

1 Aba Kolinti 13:10

loli bo chicho chakufikapo chikwiza pakuboneka, chicho chite chakufikapo chikwiza pakuzimila bulo.

1 Aba Kolinti 13:12

Chicho ilelo tukwennya chiyanite bulo nu muzyezye pigalasi ilyakwenezyapo, loli pakabalilo kalakala tukwiza pakwenannya icheni ni cheni. Chicho inchimenye ilelo ukuti chite chakufikapo, chikwiza pakuba chakufikapo—ngati mumo u Chala amanyiye umwakufikapo.

1 Aba Kolinti 9:24

Nkimba mutazimenye ukuti pakupotana abantu abinji bakuchimbila, loli umuntu weka bulo weyuyo akupokela umuvwalo? Po, ukuchimbila kwinyu kubanje kwakuti mupokele nako umuvwalo.

2 Aba Kolinti 13:9

Tukuhoboka nkani bo tuli badedebazu, loli amwe mwe bamaka. Chicho tukubiputila chakuti namwe mubanje mwe bantu abakufikapo.

2 Aba Kolinti 7:1

Mwee bamanyani bane abaghaniwa, pakuti twaba na malayizyo ghosi ghanagha, zagha twisuke twebene ku vintu vyosi vivyo vikunyazya umubili pamo amoyo ghitu, nukwipela twebene pakuba bantu abazelu, sona nukuba bantu abakumunyila u Chala.

Aba Galatiya 5:17

Pakuti ivinyonywa ivya buntu bwitu vikususannya nu Muzimu Umuzelu, sona vivyo u Muzimu Umuzelu akulonda vikususannya ni vinyonywa ivya buntu bwitu. Ivintu vibili ivi vibenganite, umwakuti utakubomba chicho ukulonda pakubomba.

Aba Efeso 1:4

Pakuti akatusala aswe mwa Kilisitu, bo ni chisu ichapasi chitapeliwe ukuti tubanje bantu abazelu, sona na basita chilema pantazi papache.

Aba Efeso 4:12

Imbombo iya bantu banaba yakuti babayanizye zila abantu aba Chala ukuti babombaye imbombo iyakuchizenga ichipanga, chicho mubili uwa Kilisitu

Aba Filipi 1:1

Ane ne Pabuli poka nu Timoti, aswe twe babombi aba Kilisitu u Yesu. Ukubasimbila abantu bosi abazelu aba Chala aba mu Filipi, babo ubumi bwabo bwamamatilana poka nu Kilisitu Yesu, nkaninkani abalongozi aba chipanga, sona na bavwilizi babo.

Aba Filipi 3:16

Loli ukuyana namumo vingabela, zagha twendelele pakubuka muntazi ukuyana ni ndaghilo zizyo twakonka mupaka ilelo.

Aba Filipi 3:3

Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili,

Aba Filipi 3:8

Momumo, vyosi bulo nkuvyennya ukuti vyosi vite ni mbombo, pakuti imumenye u Kilisitu Yesu u Mwene wane. Pachifukwa chinichi, nkutagha ivintu vyosi, sona nkusenda ivintu vyosi pakuba mintu bulo umwakuti ubukabi bwane bubanje we Kilisitu,

1 Aba Tesalonika 5:15

Mwenelezye ukuti nayumo umuntu akunyosezya ububibi pabubibi, loli akabalilo kosi mubombelanaye ubwiza mwebenebene, sona na bantu bosi.

2 Aba Tesalonika 2:13

Loli aswe tubaghiye pakumupalizya u Chala akabalilo kosi pachifukwa icha mwemwe, bakamu bitu, mwemwe u Mwene abaghanite. Pakuti u Chala akabasala amwe po pabwandilo na maka agha Muzimu Umuzelu ukuti abapoke pakubapaghula pakuba bantu bache abazelu, pachifukwa icha kumusubila kwinyu mubwanaloli.

1 Timoti 5:10

Abanje wakuti imbombo zyache nyiza. Abanje mukolo wakuti asungitepo akiza abana bache, apokelelagha akiza abayeni, yuyo akasukuzya inyayo izya bantu abazelu aba Chala, akubavwa abantu babo bali muntamyo, sona nukwiyipa mwene pakubomba zyosi imbombo inyiza.

1 Timoti 6:19

Pakubomba bunubu bakwiza pakwilundikila bene ubukabi bubo bukwiza pakuba lwalo ulukafu nkani, sona nu lusita ukumala, lulo lukwiza pakubavwa muntazi ukuti bapokele ubumi ubwenecho.

Aba Hebeli 12:14

Yezya nkani ukwikala mumutende na bantu bosi, sona mubanje bazelu. Pakuti ukusita ubuzelu nayumo umuntu yuyo akwiza pakumwennya u Mwene.

Aba Hebeli 12:23

Mwiza kulusekelo lulo abana abakatote aba Chala, bakukomana, babo amatabwa ghagho ghasimbiwe kumwanya. Mwiza kwa Chala yuyo mulongi uwa bantu bosi, sona mwiza ku mizimu iya bantu abagholosu, yiyo u Chala akayipela pakuba yakufikapo.

Aba Hebeli 13:21

U Chala abape amwe ivyiza vyosi ukuti mubombaye ubwighane bwache nukubomba mumwitu ukwendela mwa Yesu Kilisitu zizyo zikumuhobosya. Po u Kilisitu achindikiwanje bwila na bwila! Ameni!

Yakobo 3:2

Pakuti twebosi tukupuvya muvintu ivyinji. Loli nanti umuntu yumo atakupuvya pazizyo akunena, kokuti umuntu yunuyu wakufikapo, sona amenye pakulaghila umubili wache ghosi.

1 Pitala 5:10

Loli bo mwayimbapo panandi, u Chala uwachisa, yuyo akubitizya pakugabana ubuchindamu ubwa bwila na bwila poka nu Kilisitu, akwiza pakubapyanizikizya papo, nukubavwa nukubakazya, sona nukubikazya palwalo ulukafu.

2 Pitala 3:18

Loli endelela pakukula muchisa na mumahala agha Mwene, yuyo Mupoki witu u Yesu Kilisitu. Ubuchindamu bubanje kukwache ilelo mupaka bwila na bwila! Ameni.