Aba Filipi 3:11 - IBAYIBOLO 2024

¹¹ Nane bulo indi nu lusubilo ulwakuti nkwiza pakuzyuka kubufwe.

Ulufingo Ulupya

¹¹ Nane bulo indi nu lusubilo ulwakuti inkwiza pakuzyuka kubufwe.

Aba Filipi 3:11 Iomraidhean Croise

Masalimo 49:7

Atalipo nayumoyumo umuntu yuyo angabutabula ubumi ubwa muntu uyunji, pamo ukumupa u Chala ichakwiyipa ichakwitabulila mwene.

Luka 14:14

Po ukwiza pakusayiwa pachifukwa ichakuti bate nacho nachimo ichakukunyosezya papo. U Chala akwiza pakukunyosezya pisiku lilyo abantu abagholosu bakwiza pakuzyuka kubufwe.”

Yohani 11:24

U Malita akamwamula akati, “Inzimenye ukuti akwiza pakuzyuka kubufwe pisiku ilyabumalilo.”

Imbombo 23:6

Loli bo u Pabuli ennya ukuti bamo aba mukabukatila kala bakaba ba Sadukayi, sona nukuti abanji bakaba ba Falisayi, akakolomoka nkani pamaso pa balongi akati, “Mwee bakamu bane, ane ne mu Falisayi umwana uwamu Falisayi. Indi pakulongiwa pano pachifukwa ichakuti nkusubila ukuti abafwe bakwiza pakuzyuka kubufwe.”

Imbombo 26:7

Ichintu choka chicho inko izya bantu bitu 12 zikulindilila pakupokela, bo bakumuchindika u Chala nu moyo wabo ghosi umusanya nu busiku. Mwene, pachifukwa chinichi, nkulongiwa naba Yuda!

Imbombo 27:12

Piloboko palapala patakaba piza ukwikalapo akabalilo aka chisiku, po abantu abinji bakalondagha twepepo pabuzilo bula pa bwato nukuyezya pakufika mu Fonike, nanti chingabombiwa ukuti bangikala mulamula akabalilo aka chisiku. Fonike lyo liloboko ilya mu Kileti, pakulumbilila kuntende, kubwinjililo bwizuba, sona kumitu kubwinjililo bwizuba.

Aba Loma 11:14

Pamo ningabapela abantu abaluko lwane pakuba bantu abakabini, umwakuti ningabapoka bamo mumwabo.

1 Aba Kolinti 15:23

Loli umuntu wesi akwiza pakuzyuka kubufwe ukuyana na kabalilo kache: Uwakwanda we Kilisitu, pisinda pache abantu babo bache bakwiza pakuzyuka, bo akwiza sona.

1 Aba Kolinti 9:22

Bo nkubomba na bantu abadedebazu nkaba ngati ne muntu umudedebazu, umwakuti nkabepo abantu balabala. Bo indi poka na bantu bosi nkaba ngati bo babo, umwakuti nanti zingabombiwa impokepo abantu bamo mumwabo.

1 Aba Kolinti 9:27

Loli nkughufunda nukughukazya umubili wane ni nkonya nukughupela pakuba muzya, umwakuti bo nalumbilila Amazyu Amiza pakasi pabantu banji, ane nemwene, intakapotwe pakupokela umuvwalo.

2 Aba Kolinti 11:3

Indi nubogha ukuti inyinong'ono zyinyu zikwiza pakuzimbuliwa ukuyana namumo u Eva akazimbuliliwa nu buchevu ubwa njoka ukuti mutakabe bantu aba bwanaloli, sona nukwiyipa kwa Kilisitu.

1 Aba Tesalonika 3:5

Ichi cho chifukwa bo napotwa pakujimba, nkamutuma u Timoti ukuti imanye nizya lwitiko lwinyu. Pakuti nkanyilagha ukuti u Satana umuyeli yula angabayela, sona nukuti imbombo yitu mumwinyu yingaba yapabulo!

2 Aba Tesalonika 2:3

Patakabepo nayumo umuntu uwakubazimbula napo panandi, pakuti isiku lila litakwiza mupaka papo ukumusambukila u Chala ukwabumalilo kwabombiwa, sona umuntu Umubibi yula aboneke, yuyo ubumalilo bwache ko kuzimila.

2 Timoti 4:8

Ilelo chicho nkulindilila yo mpumpu iya bugholosu yiyo u Mwene, umulongi umugholosu, akwiza pakumpa pisiku ilyabumalilo. Polelo ate akampe nemwene awe, loli na bantu bosi abanji babo bakusamba nkani ukuboneka kwache.

Aba Hebeli 11:35

Lukaba lwitiko lulo lukabapela abakolo bamo pakupokela sona abakamu babo abafwe, bo bazyusiwa kubufwe. Loli abantu abanji bakayiviwa mupaka nukufwa. Bakakana pakusatuliwa umwakuti bazyuke kubufwe nubumi ubwizapo.

Ubuvumbuli 20:5

Abantu bosi abanji abafwe batakazyuka kubufwe mupaka amaka 1,000 ghakamala. Kunuku ko kuzyuka kubufwe ukwa bumalilo.