Aba Filipi 3:10 - IBAYIBOLO 2024

¹⁰ Chicho nkulonda chakuti imumanye u Kilisitu, sona nukuti imanye amaka ghagho ghakamuzyusya kubufwe. Nkulonda sona ukuti imbagabile nawe amayimba ghache nukuba ngati weyuyo mu bufwe bwache.

Ulufingo Ulupya

¹⁰ Chicho nkulonda chakuti imumanye u Kilisitu, sona nukuti imanye amaka ghagho ghakamuzyusya kubufwe. Nkulonda sona ukuti imbagabile nawe amayimba ghache nu kuba ngati we yuyo mu bufwe bwache.

Aba Filipi 3:10 Iomraidhean Croise

Yelemiya 9:23

U Mwene akuti, “Uwamahala atakituvyanje chifukwa icha mahala ghache pamo uwamaka atakituvyanje pachifukwa icha maka ghache, pamo umukabi atakituvyanje pachifukwa icha bukabi bwache.

Matayi 20:23

U Yesu akababuzya akati, “Naloli mungang'wela mulubako lwane, loli inte nu bulaghili ubwakusala uwakwikala kunyobe indilo na kunyobe iyamongo. Ubuzilo ubu ubwa bantu babo Utata wane abayanizizya.”

Yohani 10:18

Ataliko nayumo umuntu yuyo anganfyula ubumi bwane. Loli nkubutagha ukuyana nu bwighane ubwane nu bwane. Indi nu bulaghili pakubutagha, sona indi na maka pakubusenda sona. Ichi cho chicho Utata wane akandamula ukuti imbombe.”

Yohani 17:3

Nanti abantu bakumanye awe, we Chala wemwene uwanaloli, sona nukumumanya u Yesu Kilisitu, yuyo ukamutuma, bakwiza pakuba nubumi ubwa bwila na bwila.

Aba Loma 8:17

Po nanti aswe twe bana aba Chala, tukwiza pakupokela nabo ulusayo lulo abasungiye abantu bache. Sona tukwiza pakupokela poka nu Kilisitu ulusayo lulo u Chala amusungiye. Pakuti nanti tukugabana intamyo nu Kilisitu, tukwiza pakugabana poka nawe ubuchindamu bwache.

Aba Loma 8:29

Pakuti abantu babo u Chala akabasala kale, akabapaghula pakuba ngati we Mwana wache, umwakuti u Mwana wache abanje ngati we katote mu bakamu abinji.

Aba Loma 8:36

Pakuti Amasimbo ghakuti, “Pachifukwa icha wewe, tukukomana nu bufwe isiku lyosi. Tuli ngati zyo ng'ozi zizyo zikubuka pakuboliwa.”

2 Aba Kolinti 1:10

Umwene akatupoka kubufwe ubwakoghofya ubu, po akwiza pakutupoka. Twabika ulusubilo lwitu mumwache ukuti akwiza pakutupoka sona,

2 Aba Kolinti 1:5

Pakuti ukayana namumo tukugabanilana intamyo inyinji izya Kilisitu, po momumo sona tukugabanilana ubusangalusu ubukulu ukwendela mwa Kilisitu.

2 Aba Kolinti 13:4

Napapo akaba ngati po mudedebazu bo akukomeliwa pachipinjika, loli ali nubumi ukwendela mumaka agha Chala. Pakuti naswe bulo twe badedebazu mumwache, loli tukwiza pakuba nubumi mumwache ukwendela mumaka agha Chala, umwakuti tubabombele.

Aba Galatiya 2:20

Nkomeliwe pachipinjika poka nu Kilisitu. Po inte nene yuyo mumi, loli we Kilisitu. Ubumi bubo nkwikala muchisu ichapasi, nkwikala ukwendela mu lwitiko mu Mwana uwa Chala, yuyo anganite nukufwa pachifukwa icha nene.

Aba Galatiya 6:17

Pabumalilo: Atakabepo nayumo umuntu uwakunjivya, pakuti indi na mabala agha Yesu pamubili wane.

Aba Efeso 4:13

mupaka ukuti pabumalilo twebosi tukafike kubupoka mulwitiko, sona nukumumanya u Mwana uwa Chala. Po tukwiza pakukula naloli mubuzimu nukufika pabukuzi ubwa Kilisitu.

Aba Filipi 3:8

Momumo, vyosi bulo nkuvyennya ukuti vyosi vite ni mbombo, pakuti imumenye u Kilisitu Yesu u Mwene wane. Pachifukwa chinichi, nkutagha ivintu vyosi, sona nkusenda ivintu vyosi pakuba mintu bulo umwakuti ubukabi bwane bubanje we Kilisitu,

Aba Kolosi 1:24

Ilelo ane nemwene nahoboka nkani nukuyimba kwane pachifukwa icha mwemwe. Pakuti ukuvwimiwa kuchili kukwendelela ukuyana namumo u Kilisitu akavwimiliwa. Nane bulo nkusendapo ichigaba mukuvwimiwa kuko u Kilisitu akakomana nako pachifukwa icha mubili wache, chicho chipanga.

Aba Kolosi 2:13

Amwe kale mukaba mwe bantu abafwe pachifukwa icha mbibi zyinyu, sona pachifukwa ichakuti mukaba abasita kusilimuliwa mumoyo ghinyu. Loli ilelo u Chala abapiye ubumi poka nu Kilisitu. U Chala akatuhobokela imbibi zyitu zyosi.

Aba Kolosi 3:1

Pakuti amwe mwazyuka kubufwe poka nu Kilisitu, po bika amoyo ghinyu pavintu ivya kumwanya, kuko u Kilisitu akwikala pachitengo chache kunyobe indilo iya Chala.

1 Pitala 1:3

Zagha tumupalizye u Chala yuyo we Wise uwa Mwene witu u Yesu Kilisitu! Pachifukwa icha chisa chache akatupa aswe ubumi ubupya pakumuzyusya u Yesu Kilisitu kubufwe. Ichi chikutupa ulusubilo ulwenecho,

2 Pitala 1:13

Nkwinong'ona ukuti chizapo pakubakumbusya ivintu vinivi, bo inchili indi muchisakasa icha muchisu ichapasi.

1 Yohani 2:3

Nanti tukukonka amalamulo agha Chala, kokuti chikulanjizya ukuti tuli nu lusubilo ulwakuti tumumenye.

1 Yohani 2:5

Loli nanti umuntu akwivwila amazyu agha Chala, kokuti ulughano ulwa Chala lwaba lwakufikapo mumwache. Ichi cho chicho chikutusimikizya ukuti tumamatilanite poka nu Chala.

Ubuvumbuli 1:18

Ane ne mumi. Nkafwa, loli ilelo ne mumi bwila na bwila. Indi ni nyighulilo izya bufwe, sona ni nyighulilo izya buzilo ubwa bantu abafwe.