Aba Filipi 2:7 - IBAYIBOLO 2024

⁷ Loli akavula ubuchindamu bwache, nukusenda akabele aka buzya, akanduka muntu.

Ulufingo Ulupya

⁷ Loli akavula ubuchindamu bwache, nukusenda akabele aka buzya, akanduka muntu.

Aba Filipi 2:7 Iomraidhean Croise

Masalimo 22:6

Loli ane ne somi bulo, te ne muntu, abantu bakuntuka nukunsamula.

Yesaya 42:1

U Mwene akuti, “Ennya umubombi wane yuyo nkumupa amaka, yuyo namusala sona nkuhoboka nawe, nkwiza pakubika u Muzimu wane papache, sona akwiza pakuzilongela inko zyosi mubwanaloli.

Yesaya 49:3

Akambuzya akati, “Awe Izilayeli, we mubombi wane, abantu bakwiza pakumpala.”

Yesaya 53:11

Bo ghachilapo amayimba ghache, akwiza pakwennya ulukozyo ulwa bumi nukwikutiziwa. Mubumanyi bwache umubombi wane umugholosu akwiza pakubanena abantu abinji ukuti bagholosu, po akwiza pakuzinyamula imbibi zyabo.

Daniyeli 9:26

Bo ghachilapo amaka 7 aghatubalilo aka 62, umupakiwa yula akwiza pakughoghiwa sona atakwiza pakusenda ichintu nachimochimo. Umulongozi poka na basilikali ababwite bakwiza pakukanangannya akaya akakulu nkani kala poka nu Buzilo Ubuzelu. Ubumalilo bwache bukwiza pakuba ngati ko kwizula ukwa mizi. Ubwite bukwiza pakubangako mupaka bo bumalilo bwache. Vinivi u Chala aviyanizizye zila.

Zekaliya 3:8

“ ‘Wee Yoshwa umuputi usongo poka na bamanyani bako, babo bikaye pamaso papako, ivwa kuno, awe we chimanyilo icha vintu ivyamuntazi. Nkwiza nu mubombi wane, yuyo we Lusamba.

Zekaliya 9:9

Mwee bantu aba mukaya akakulu nkani aka Ziyoni, sekelagha nkani! Mwee bantu ba mu Yelusalemu, hobokagha! Ennya, u mwene winyu akwiza kukwinyu, mugholosu sona ali nubupoki, mololo sona akwelite pampunda inyanavuli, umwana wampunda.

Matayi 12:18

“Uyu we mubombi wane, yuyo namusala imughanite, sona umoyo wane ghuhobokite nkani nawe. Nkwiza pakubika Umuzimu wane papache akwiza pakubufumusya ubwanaloli ubwa Chala pakasi pabantu aba inko zyosi.

Matayi 20:28

Ayane bulo nu Mwana uwa Muntu, pakuti atakiza ukuti bamubombelaye, loli pakubabombela nukubapa ubumi bwache ukuti abapoke abantu abinji.”

Maliko 9:12

U Yesu akamula akati, “Naloli u Eliya abaghiye ize tasi ukuti ayanizye zila vyosi. Loli nkimba choni chicho Amasimbo ghakuti u Mwana uwa Muntu akwiza pakuyimba nkani nukukaniwa?

Luka 22:27

Nkimba wewenu we songo? Umuntu yuyo akwikala pasi nukulya pamo umuntu yuyo akumubombela? Naloli usongo weyuyo ali pakulya. Loli kukwinyu indi ngati ne mubombi.

Yohani 1:14

Yuyo akitiziwanga ukuti we Mazyu akanduka muntu nukwikala pakasi papitu. Akizula ni chisa nu bwanaloli. Tukabwennya ubuchindamu bwache, ubuchindamu bubo akapokela ngati we Mwana mwene na mwene uwa Wise.

Aba Loma 1:3

Ghakunena nizya Mwana wache, u Mwene witu u Yesu Kilisitu: Ukuyana nu buntu bwache, akapapiwa mu luko ulwa Devedi,

Aba Loma 15:3

Pakuti u Kilisitu atakihobosya mwene ukuyana na Masimbo aghakuti, “Umusamu ghugho bakakusamula nagho, ghukangwila.”

Aba Loma 15:8

Pakuti nkubabuzya ukuti u Kilisitu akaba mubombi pakasi paba Yuda ukulanjizya ukuti u Chala musubiliwa, umwakuti asimikizye ilayizyo lyache, lilyo akabalayizya abanyenya babo,

Aba Loma 8:3

U Chala akabomba zizyo Indaghilo izya Mozesi zikapotwa pakubomba, pachifukwa ichakuti ubuntu ubwa mbibi butakaba na maka. Akapota imbibi mu buntu ubwa mbibi pakutuma u Mwana wache mwene na mwene, yuyo akiza nu buntu ngati bwitu twe bantu abambibi, ukuti abanje chakwiyipa icha mbibi.

2 Aba Kolinti 13:4

Napapo akaba ngati po mudedebazu bo akukomeliwa pachipinjika, loli ali nubumi ukwendela mumaka agha Chala. Pakuti naswe bulo twe badedebazu mumwache, loli tukwiza pakuba nubumi mumwache ukwendela mumaka agha Chala, umwakuti tubabombele.

2 Aba Kolinti 8:9

Pakuti muchimenye ichisa icha Mwene witu u Yesu Kilisitu. Napapo akaba mukabi, loli akaba mupina pachifukwa icha mwemwe, umwakuti ukwendela mu bupina bwache, amwe mubanje bakabi.

Aba Galatiya 4:4

Loli bo akabalilo kakwana, u Chala akatuma u Mwana wache uwakupapiwa mu mukolo, sona yuyo akapapiwa pasi pa Ndaghilo izya Mozesi,

Aba Filipi 2:6

Yuyo pakuba mukabele aka Chala atakipima mwene ukuti chikaba chapamwanya nkani ukufyuliwa ubwachala bwache.

Aba Hebeli 12:2

Zagha tulolotele pa Yesu yuyo we bwandilo nu bumalilo ubwa lwitiko lwitu. Loli pachifukwa icha buhobosu bubo bukamulindilagha, akajimba nkani pachipinjika, napapo chikaba chintu chakukozya isoni, po ilelo akwikala pachitengo icha bumwene kunyobe indilo iya Chala.

Aba Hebeli 13:3

Mubakumbukaye abantu babo bali mujele, ngati po namwe bulo muli mo mujele poka nabo. Mubakumbukaye abantu babo bali muntamyo ngati po namwe bulo mukutamiwa poka nabo.

Aba Hebeli 4:15

Pakuti tute nu muputi usongo yuyo atangatupelela ichisa pachifukwa icha budedebazu bwitu. Loli tuli nawe weka bulo yuyo akayeliwa muvyosi ukuyana namumo naswe bulo tukuyeleliwa, loli atakanangapo nalumo.