Aba Filipi 2:6 - IBAYIBOLO 2024

⁶ Yuyo pakuba mukabele aka Chala atakipima mwene ukuti chikaba chapamwanya nkani ukufyuliwa ubwachala bwache.

Ulufingo Ulupya

⁶ Yuyo pakuba mukabele aka Chala atakipima mwene ukuti chikaba chapamwanya nkani ukufyuliwa ubwachala bwache.

Aba Filipi 2:6 Iomraidhean Croise

Yesaya 7:14

Polelo u Mwene umwenecho akwiza pakukupa ichimanyilo, umulindu yuyo atamumenye umwanavuli akwiza pakupapa umwana umulumendo, nukumwita ukuti Imaniweli.

Yesaya 8:8

ghakwiza pakwinjila namaka muchisu icha Yuda, po ghakwiza pakusata, nukifika musingo. Akwiza pakuzungulula ivipapande vyache, ukuvwinka mububaba ubwa chisu chako, wee Imaniweli!”

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Yelemiya 23:6

Mukabalilo kache ichisu icha Yuda chikwiza pakupokiwa sona ichisu icha Izilayeli chikwiza pakwikalagha umwakufwasa. Akwiza pakwitiziwa ni tabwa ilyakuti, ‘U Mwene we Bugholosu bwitu.’ ”

Mika 5:2

U Mwene akuti, “Wee Betelehemu Efulati, napapo we munandi pakasi pa luko ulwa Yuda, mumwako mukwiza pakufumamo weka yuyo akwiza pakuba mulaghili uwa Izilayeli, ichifumo chache chakale, ichamasiku aghakale nkani.”

Zekaliya 13:7

U Mwene Uwamaka Ghosi akuti, “Wee panga, nyamuka! Lwanga nu mudimi wane! Lwanga nu muntu yuyo ali papipi nane! Ghogha umudimi, po ing'ozi zikwiza pakunyampana. Nkwiza pakulwa ubwite na bantu bane.”

Matayi 1:23

“Umulindu yuyo atamumenye nalumo umwanavuli akwiza pakumela ulwanda nukupapa umwana umulumendo nukumwita ukuti we Imaniweli.” (Itabwa ili likung'anamula ukuti u Chala ali naswe).

Yohani 1:18

Nayumo umuntu yuyo amubonyepo lumo u Chala, loli u Mwana mwene, yuyo we Chala, weyuyo amubonye, sona umughaniwa uwa Wise, weyuyo akatuvumbulila u Chala.

Yohani 10:30

Utata nane tuli weka.”

Yohani 10:33

Abene bakamula bakati, “Tutakulonda pakukusumba na mabwe pachifukwa icha mbombo inyiza, loli pachifukwa icha kumusamula u Chala. Awe we umuntu bulo, loli ukwipela wemwene pakuba we Chala!”

Yohani 10:38

Loli nanti mutakunsubila, musubile bulo imbombo zizyo nkubomba, umwakuti mumanye ukusita ukwilamwa ukuti Utata ali mumwane, sona nane indi mwa Tata.”

Yohani 14:28

Mukanyivwa nkunena namwe nkuti, ‘Nkubuka, loli nkwiza sona kukwinyu.’ Nanti mukanganagha, ngali mukuhoboka ukuti nkubuka kwa Tata pakuti wapamwanya nkani ukunchila.

Yohani 14:9

U Yesu akamula akati, “Nikala namwe akabalilo akatali, Filipu, nkimba nilelo uchili utamenye? Umuntu wesi yuyo anyennya, amwennya nu Tata wepe. Po choni chicho ukuti, ‘Utulanjizye Utata?’

Yohani 17:5

Wee Tata, losi ulu umpe ubuchindamu pamaso papako, ubuchindamu bubo nkaba nabo poka nawe, bo ichisu ichapasi chichili pakupeliwa.

Yohani 20:28

U Tomasi akamwamula akati, “Mwene wane, sona nu Chala wane.”

Yohani 5:18

Pachifukwa ichi, abalaghili aba Chiyuda bakalondagha nkani pakumughogha u Yesu pakuti chitakaba chifukwa chene ichakuti akanangannya ululaghilo ulwa Isiku Ilyakutuzya, loli pachifukwa ichakunena ukuti u Chala akaba we wise, po pakubomba bunubu akipela mwene ukuyana nu Chala.

Yohani 5:23

ukuti bosi bamuchindikaye u Mwana ukuyana namumo bakumuchindikila Uwise. Umuntu wesi yuyo atakumuchindika u Mwana, atakumuchindika nu Wise bulo yuyo akamutuma.

Aba Loma 9:5

Abene bo baluko aba banyenya bitu abamanyikwe aba Chihebeli, po ukuyana nizya buntu ubwa Kilisitu, akafuma mu luko lwabo. U Chala yuyo ali nu bulaghili pavintu vyosi achindikiwanje bwila na bwila. Ameni.

2 Aba Kolinti 4:4

Abene batakusubila pakuti u Satana, u chala uwa muchisu ichapasi azikite amoyo ghabo ukuti batakalwennyanje ulukozyo ulwa buchindamu ubwa Mazyu Amiza agha Kilisitu, yuyo nkozya bulo iya Chala.

2 Aba Kolinti 8:9

Pakuti muchimenye ichisa icha Mwene witu u Yesu Kilisitu. Napapo akaba mukabi, loli akaba mupina pachifukwa icha mwemwe, umwakuti ukwendela mu bupina bwache, amwe mubanje bakabi.

1 Timoti 1:17

Ubuchindamu nu muchizi vipeghiwanje kwa Chala bwila na bwila. We Mwene uwa bwila na bwila, umusita kufwa, sona nu musita kuboneka, yuyo mwene we Chala. Ameni.

1 Timoti 3:16

Umwakusita ukwilamwa nakumokumo, ubusyefu ubwa chiputo chitu bukulu nkani: Umwene akaboneka nu mubili uwa buntu akasimikiziwa nu Muzimu Umuzelu pakuba mugholosu, na bantumi bulo aba kumwanya bakamwennya. Umwene akalumbililiwa pakasi pabantu aba inko zyosi. Po abantu bosi aba muchisu chosi ichapasi bakamusubila, sona akasendiwa pakubuka kumwanya nu buchindamu.

Titi 2:13

bo tukulindilila nu lusubilo isiku isayiwa lila, isiku lilyo ubuchindamu ubwa Chala umukulu nu Mupoki witu u Yesu Kilisitu bukwiza pakuboneka.

Aba Hebeli 1:3

U Mwana ko kulama ukwa buchindamu ubwa Chala, sona ichifwani ichenecho icha Chala. Umwene achilemite ichisu chosi na mazyu ghache aghamaka. Bo efya imbibi izya bantu, akikala pachitengo ichamuchizi kunyobe indilo iya Chala Uwamaka Ghosi.

Aba Hebeli 1:6

Sona bo u Chala ali papipi pakumutuma u Mwana wache ukatote muchisu ichapasi akati, “Abantumi bosi aba Chala aba kumwanya, bamwiputaye.”

Aba Hebeli 1:8

Loli bo u Chala anena nizya Mwana wache, akati, “Wee Chala, ichitengo chako icha bumwene chikwiza pakubangako bwila na bwila. Ubugholosu yo ndisa iya bumwene bwako.

Aba Hebeli 13:8

U Yesu Kilisitu ali mumo abeleye, mumabwila, nilelo, sona bwila na bwila.

Ubuvumbuli 21:6

Akambuzya akati, “Kwamala. Ane ne Alefa nu Omega. Ane ne Bwandilo nu Bumalilo. Umuntu wesi yuyo ali ni nyota, nkwiza pakumupa amizi agha pabulo aghakufuma pambwibwi iyabumi.